കടുത്തുരുത്തി: കോട്ടയം-എറണാകുളം റെയില്‍പാതയില്‍ പിറവം റോഡിനും കുറുപ്പന്തറയ്ക്കുമിടെയില്‍ ഇരട്ടപ്പാതയുടെ കമ്മീഷനിംഗുമായി ബന്ധപ്പെട്ട് ഇന്ന് പണികള്‍ നടക്കുന്നതിനാല്‍ ഇതുവഴിയുള്ള ട്രെയിന്‍ ഗതാഗതത്തിന് നിരോധനമേര്‍പ്പെടുത്തിയതായി റെയില്‍വേ അറിയിച്ചു. കൊല്ലത്തുനിന്നും തുടങ്ങുന്നതും ഇവിടെ അവസാനിക്കുന്നതുമായ നാല് പാസഞ്ചര്‍ ട്രെയിനുകള്‍ റദ്ദാക്കി. പുനലൂര്‍-ഗുരുവായൂര്‍ ഭാഗികമായും റദ്ദാക്കി. എട്ട് എക്‌സ്പ്രസ് ട്രെയിനുകള്‍ ആലപ്പുഴ വഴി തിരിച്ചു വിട്ടതായും റെയില്‍വേ അറിയിച്ചിട്ടുണ്ട്.
എറണാകുളം ജംഗ്ഷനില്‍ നിന്നും പുലര്‍ച്ചെ 5.25ന് പുറപെടുന്ന കൊല്ലം മെമു (66307), 11.10ന്റെ കൊല്ലം-എറണാകുളം മെമു(66308), എന്നിവയും റദ്ദാക്കിയിട്ടുണ്ട്. കൊല്ലത്തുനിന്നും രാവിലെ 8.50ന് പുറപെട്ട് ആലപ്പുഴ വഴി എറണാകുളത്തെത്തുന്ന മെമു (66302), 2.40 ന്റെ എറണാകും-കൊല്ലം മെമു (66301) എന്നിവയും റദ്ദാക്കിയിട്ടുണ്ട്. ഗുരുവായൂര്‍-പുനലൂര്‍ പാസഞ്ചര്‍ (56365), പുനലൂര്‍-ഗുരുവായൂര്‍ പാസഞ്ചര്‍ (56366), എന്നീ ട്രെയിനുകള്‍ ഇടപ്പള്ളിക്കും ഗുരുവായൂരിനുമിടെയില്‍ മാത്രമെ സര്‍വീസ് നടത്തു.
കോട്ടയം വഴിയുള്ള എക്‌സ്പ്രസുകളില്‍ നാഗര്‍കോവില്‍-മംഗളൂരു പരശുറാം (16650), കൊച്ചുവേളി-ഹൈദരാബാദ് ശബരി (17229), കന്യാകുമാരി-മുംബൈ സിഎസ്ടി (16382), തിരുവനന്തപുരം-ന്യൂഡല്‍ഹി കേരളാ (12625) എന്നിവ ആലപ്പുഴ വഴി തിരിച്ചുവിടും. കണ്ണൂര്‍-തിരുവനന്തപുരം ജനശതാബ്ദി (12081), ന്യൂഡല്‍ഹി-തിരുവനന്തപുരം കേരള (12626), ഹൈദരാബാദ്-കൊച്ചുവേളി ശബരി (17230), മംഗളുരൂ-നാഗര്‍കോവില്‍ പരശുറാം (16649) എന്നിവയും ആലപ്പുഴ വഴി തിരിച്ചു വിടും. ഈ ട്രെയിനുകള്‍ക്കെല്ലാം ഇന്ന് ഹരിപാട്, അമ്പലപുഴ, ആലപ്പുഴ, ചേര്‍ത്തല സ്റ്റേഷനുകളില്‍ ഒരു മിനിറ്റ് സ്റ്റോപ്പുണ്ടാകുമെന്നും അറിയിച്ചിട്ടുണ്ട്.
12. 40ന് തിരുവനന്തപുരത്ത് നിന്നും പുറപെടുന്ന കന്യാകുമാരി-ബെംഗളുരൂ ഐലന്‍ഡ് (16525) കോട്ടയം വഴി സര്‍വീസ് നടത്തുമെങ്കിലും കോട്ടയത്ത് 30 മിനിറ്റ് പിടിച്ചിടും. 8.35നുള്ള കൊല്ലം-കോട്ടയം പാസഞ്ചര്‍ (56394) പതിവുപോലെ സര്‍വീസ് നടത്തുമെന്നും അറിയിച്ചിട്ടുണ്ട്.
