അഹമ്മദാബാദ്: മഹാത്മാ ഗാന്ധിയുടെ 150-ാം ജന്മദിനത്തിൽ അദ്ദേഹത്തോടുള്ള ആദര സൂചകമായി 150 രൂപയുടെ നാണയം പുറത്തിറക്കി. അഹമ്മദാബാദിൽ വച്ച് നടന്ന “സ്വച്ഛ്ഭാരത് ദിവസ്’ പരിപാടിയിൽ വച്ച് പ്രധാനമന്ത്രി നരേന്ദ്ര മോദിയാണ് നാണയം പുറത്തിറക്കിയത്.
നോട്ട് നിരോധനത്തിനു പിന്നാലെ 2000, 500, 200, 100, 50, 20, 10 തുടങ്ങിയ നോട്ടുകൾ പുതുതായി പുറത്തിറക്കിയിരുന്നു. ഇതിനു ശേഷം വിവിധ മൂല്യങ്ങളിലുള്ള നാണയങ്ങൾ പുറത്തിറക്കുമെന്ന് പറഞ്ഞിരുന്നെങ്കിലും പുതിയ 10 രൂപ നാണയങ്ങൾ മാത്രമായിരുന്നു വിപണിയിൽ എത്തിച്ചിരുന്നത്.
