വി​വാ​ദ​ങ്ങ​ൾ തി​രി​ച്ച​ടി​ച്ചു; കാ​ലാ​യ്ക്ക് ര​ജ​നി ചി​ത്ര​ങ്ങ​ളി​ലെ ഏ​റ്റ​വും മോ​ശം ഇ​നി​ഷ്യ​ൽ

ന്യൂ​ഡ​ൽ​ഹി: രാ​ഷ്ട്രീ​യ പ്ര​ഖ്യാ​പ​ന​ങ്ങ​ളും തൂ​ത്തു​ക്കു​ടി വി​വാ​ദ​വും കാ​ലാ​യെ തി​രി​ച്ച​ടി​ച്ചോ അ​ങ്ങ​നെ സം​ഭ​വി​ച്ചെ​ന്നാ​ണ് പു​റ​ത്തു​വ​രു​ന്ന റി​പ്പോ​ർ​ട്ടു​ക​ൾ. സ​മീ​പ​കാ​ല​ങ്ങ​ളി​ൽ പു​റ​ത്തി​റ​ങ്ങി​യ ര​ജ​നി​കാ​ന്ത് ചി​ത്ര​ങ്ങ​ളി​ൽ ഏ​റ്റ​വും കു​റ​ഞ്ഞ ആ​ദ്യ​ദി​ന ക​ള​ക്ഷ​ൻ കാ​ലാ​യ്ക്കാ​ണെ​ന്നാ​ണു റി​പ്പോ​ർ​ട്ടു​ക​ൾ. ക​ള​ക്ഷ​ന്‍റെ കൃ​ത്യ​മാ​യ ക​ണ​ക്കു​ക​ൾ പു​റ​ത്തു​വ​ന്നി​ട്ടി​ല്ല.

ആ​ഗോ​ള​വ്യാ​പ​ക​മാ​യി 2000 സ്ക്രീ​നു​ക​ളി​ലാ​ണ് കാ​ലാ റി​ലീ​സ് ചെ​യ്ത​ത്. സു​പ്രീം കോ​ട​തി ഉ​ത്ത​ര​വി​ട്ടെ​ങ്കി​ലും കാ​വേ​രി വി​ഷ​യ​ത്തി​ൽ ഇ​ട​ഞ്ഞു​നി​ന്ന ക​ർ​ണാ​ട​ക​യി​ലെ മി​ക്ക തി​യ​റ്റ​റു​ക​ളും ചി​ത്രം പ്ര​ദ​ർ​ശി​പ്പി​ക്കാ​ൻ ത​യാ​റാ​യി​ട്ടി​ല്ല. ഇ​താ​ണ് കാ​ലാ​യു​ടെ ക​ള​ക്ഷ​നു തി​രി​ച്ച​ടി​യാ​യ​തെ​ന്നാ​ണു സൂ​ച​ന.

അ​തേ​സ​മ​യം, ആ​ദ്യ​ദി​ന ക​ള​ക്ഷ​ൻ​കൊ​ണ്ടു മാ​ത്ര​മാ​യി ചി​ത്ര​ത്തെ അ​ള​ക്ക​രു​തെ​ന്ന് ത​മി​ഴ്നാ​ട് ഫി​ലിം പ്രൊ​ഡ്യൂ​സേ​ഴ്സ് കൗ​ണ്‍​സി​ൽ പ്ര​സി​ഡ​ന്‍റും ന​ട​നു​മാ​യ വി​ശാ​ൽ പ​റ​ഞ്ഞു.

പാ ​ര​ഞ്ജി​ത്ത് സം​വി​ധാ​നം ചെ​യ്ത ചി​ത്രം നി​ർ​മി​ച്ചി​രി​ക്കു​ന്ന​ത് ധ​നു​ഷാ​ണ്. കാ​ലാ​യ്ക്കെ​തി​രെ വ​ലി​യ പ്ര​തി​ഷേ​ധ​മാ​ണ് ക​ർ​ണാ​ട​ക​യി​ൽ നി​ല​നി​ൽ​ക്കു​ന്ന​ത്. കാ​വേ​രി ന​ദീ​ജ​ല ത​ർ​ക്ക​ത്തി​ൽ ക​ർ​ണാ​ട​ക​യ്ക്കെ​തി​രെ ര​ജ​നീ​കാ​ന്ത് നി​ല​പാ​ട് സ്വീ​ക​രി​ച്ച​തി​നാ​ലാ​ണു കാ​ലാ പ്ര​ദ​ർ​ശി​പ്പി​ക്കാ​ൻ അ​നു​വ​ദി​ക്കി​ല്ലെ​ന്നു ക​ന്ന​ഡ സം​ഘ​ട​ന​ക​ൾ പ്ര​ഖ്യാ​പി​ച്ച​ത്.