പിറവം: നിയന്ത്രണം വിട്ട് ജീപ്പിലിടിച്ച് സ്കൂട്ടറിൽ നിന്നും തെറിച്ചു റോഡിൽ വീണ നേഴ്സ് ടോറസ് ലോറി കയറി മരിച്ചു. ആരക്കുന്നം ഗവണ്‍മെന്‍റ് ഹെൽത്ത് സെന്‍ററിലെ ജീവനക്കാരിയായ പിറവം പാലച്ചുവട് ചാമക്കാലായിൽ സലിമിന്‍റെ ഭാര്യ ജയശ്രി (50) ആണ് മരിച്ചത്.
ഇന്ന് രാവിലെ ഒന്പതോടെ പാഴൂർ പെരുംതൃക്കോവിൽ ക്ഷേത്ര ജംഗ്ഷന് സമീപത്താണ് അപകടമുണ്ടായത്. സ്കൂട്ടറിൽ ജോലിക്ക് പോവുകയായിരുന്ന ജയശ്രിയുടെ വണ്ടി ഇവിടെ പാർക്ക് ചെയ്തിരുന്ന ജീപ്പിലിടിച്ചു മറിയുകയായിരുന്നു. റോഡിലേക്ക് തെറിച്ചുവീണ ജയശ്രീയുടെ ശരീരത്തിലൂടെ ഇതുവഴി വന്ന ടോറസ് ലോറി കയറിയിറങ്ങി. സംഭവസ്ഥലത്തുവെച്ചുതന്നെ മരണം സംഭവിച്ചിരുന്നു.
വൈറ്റിലയ്ക്കു സമീപം വാഹനാപകടം; യുവാവ് തത്ക്ഷണം മരിച്ചു
കൊച്ചി: വൈറ്റിലയ്ക്കു സമീപം പുലർച്ചെയുണ്ടായ വാഹനാപകടത്തിൽ പനങ്ങാട് സ്വദേശിയായ യുവാവ് തത്ക്ഷണം മരിച്ചു, സഹയാത്രികന് പരിക്കേറ്റു. പുലർച്ചെ 4.50 ഓടെ വൈറ്റില ഗോൾഡ് സൂക്കിനു സമീപമായിരുന്നു അപകടം. നിർത്തിയിട്ടിരുന്ന ട്രെയിലറിനു പിന്നിൽ യുവാക്കൾ സഞ്ചരിച്ചിരുന്ന ബൈക്ക് ഇടിക്കുകയായിരുന്നുവെന്ന് പോലീസ് പറഞ്ഞു.
പരിക്കേറ്റ യുവാവ് സ്വകാര്യ ആശുപത്രിയിൽ ചികിത്സയിൽ കഴിഞ്ഞുവരികയാണ്. മരിച്ച യുവാവിന്‍റെ മൃതദേഹം ജനറൽ ആശുപത്രി മോർച്ചറിയിലേക്ക് മാറ്റി. പാലാരിവട്ടം പോലീസ് മേൽനടപടികൾ സ്വീകരിച്ചുവരികയാണ്.
