ആദ്യമായി ഭക്ഷണത്തിന്‍റെ രുചി അറിയുന്ന കുട്ടികളുടെ വീഡിയോ സമൂഹ മാധ്യമങ്ങളിൽ വൈറലാകാറുണ്ട്. നാരങ്ങ മുതൽ ചോക്ലേറ്റ് വരെ അതിൽ ഉൾപ്പെടുന്നു. വ്യത്യസ്തമായ ഇത്തരം രുചികളറിയുമ്പോൾ അവരുടെ മുഖത്ത് ഭാവവ്യത്യാസങ്ങൾ മിന്നി മറയും. അതുപോലൊരു രസകരമായ വീഡിയോയാണ് ഇൻസ്റ്റഗ്രാമിൽ ഇപ്പോൾ വൈറലാകുന്നത്. വീഡിയോയിൽ, ഒരു പിതാവ് തന്‍റെ സുന്ദരിയായ പെൺകുഞ്ഞിനെ ഒരു കൈയിൽ പിടിച്ചിരിക്കുകയാണ്. അയാളുടെ മറു കൈയിൽ ഒരു തണ്ണിമത്തൻ കഷ്ണവുമുണ്ട്. അയാൾ ആ തണ്ണിമത്തൻ കഷ്ണം കടിച്ചപ്പോൾ കുഞ്ഞിനും കഴിക്കണമെന്ന് തോന്നി. വേഗം അവൾ തണ്ണിമത്തൻ കഷ്ണത്തിന്‍റെ നേരെ എത്തി. അത് സ്വയം കഴിക്കാനുള്ള ശ്രമവും തുടങ്ങി. ആവേശത്തോടെ ആ കുഞ്ഞ് തണ്ണിമത്തൻ കഴിക്കുന്നത് സോഷ്യൽ മീഡിയ ഏറ്റെടുത്തു നിരവധി കമന്‍റുകളാണ് ഈ വീഡിയോയ്ക്ക് ലഭിച്ചത്. 9 ദശലക്ഷത്തിലധികം ആളുകൾ ഇതിനോടകം വീഡിയോ കണ്ടു. വീഡിയോ കാണാൻ ഇവിടെ ക്ലിക്ക് ചെയ്യുക
Read Moreഎന്താ ഇതിന്‍റെ രുചിയെന്ന് നോക്കട്ടെ! തണ്ണിമത്തൻ ആദ്യമായി കഴിക്കുന്ന കുഞ്ഞ്; വൈറലായ് വീഡിയോ
