യൂറോപ്യൻ മത്സരങ്ങളിൽ 100 ഗോളുകൾ നേടുന്ന മൂന്നാമത്തെ മാത്രം താരമെന്ന നേട്ടത്തിൽ ബാഴ്സലോണയുടെ പോളിഷ് താരം റോബർട്ട് ലെവൻഡോവ്സ്കി. ചാന്പ്യൻസ് ലീഗിൽ റോയൽ ആന്റ്വെർപിനെതിരേ ബാഴ്സയ്ക്കായി ഗോൾ നേടിയതോടെയാണ് ലെവൻ റിക്കാർഡ് പട്ടികയിൽ ഇടംപിടിച്ചത്. ചാന്പ്യൻസ് ലീഗിൽ 92 ഗോളും യൂറോപ്പ ലീഗിൽ എട്ടു ഗോളുമാണു ലെവന്റെ അക്കൗണ്ടിലുള്ളത്. പോർച്ചുഗീസ് താരം ക്രിസ്റ്റ്യാനോ റൊണാൾഡോ, അർജന്റൈൻ താരം ലയണൽ മെസി എന്നിവർ മാത്രമാണ് യൂറോപ്യൻ മത്സരങ്ങളിലെ ഗോൾവേട്ടയിൽ ലെവൻഡോവ്സ്കിക്കു മുന്നിൽ.
Read MoreDay: September 21, 2023
ആറാം ക്ലാസ് വിദ്യാർത്ഥിക്ക് നേരെ അതിഥി തൊഴിലാളിയുടെ ക്രൂരമർദനം; സംഭവത്തിൽ പോലീസ് കേസെടുത്തു
മലപ്പുറത്ത് ഇതരസംസ്ഥാന തൊഴിലാളി ആറാം ക്ലാസ് വിദ്യാർത്ഥിയെ മർദിച്ച സംഭവത്തിൽ തേഞ്ഞിപ്പാലം പൊലീസ് കേസെടുത്തു. മലപ്പുറം പള്ളിക്കൽ അമ്പലവളപ്പിൽ മറ്റത്തിൽ സുനിൽകുമാർ-വസന്ത ദമ്പതികളുടെ മകൻ എം.എസ് അശ്വിനാണ് ഇതരസംസ്ഥാന തൊഴിലാളിയുടെ മർദനമേറ്റത്. അശ്വിന് ഉരുട്ടിക്കളിച്ച ടയര് ദേഹത്ത് മുട്ടിയതിൽ പ്രകോപിതനായ ഇയാള് കുട്ടിയെ ആക്രമിക്കുകയായിരുന്നു. കഴുത്തിന് കുത്തിപ്പിടിച്ച് ചുവരില് ചേർത്തു നിർത്തി കുട്ടിയെ ക്രൂരമായി മർദിച്ചു. കഴുത്തിന് മര്ദനമേറ്റ കുട്ടി മഞ്ചേരി മെഡിക്കല് കോളജില് അതീവ ഗുരുതരാവസ്ഥയിലാണ്. ഇതരസംസ്ഥാന തൊഴിലാളികള് കൂടുതലായി താമസിക്കുന്ന പ്രദേശത്ത് കുട്ടിയുടെ കുടുംബം വാടകക്ക് താമസിക്കുകയാണ്. ഈ മാസം ഒന്നിനു നടന്ന സംഭവത്തിൽ പൊലീസ് കേസെടുത്തത് ഇന്നലെ രാത്രി. അന്വേഷണം പുരോഗമിക്കുന്നതായി പൊലീസ് പറഞ്ഞു.
Read Moreറിപ്പബ്ലിക് ദിനാഘോഷം: ബൈഡനെ ക്ഷണിച്ച് മോദി
ന്യൂഡൽഹി: അടുത്ത റിപ്പബ്ലിക് ദിനാഘോഷത്തിൽ മുഖ്യാതിഥിയാകാൻ അമേരിക്കൻ പ്രസിഡന്റ് ജോ ബൈഡനെ ക്ഷണിച്ച് പ്രധാനമന്ത്രി നരേന്ദ്ര മോദി. ജി 20 ഉച്ചകോടിക്കിടെയാണ് ബൈഡനെ മോദി ക്ഷണിച്ചതെന്ന് അമേരിക്കൻ അംബാസഡർ എറിക് ഗാർസെറ്റി പറഞ്ഞു. ഇന്ത്യ, യുഎസ്, ജപ്പാൻ, ഓസ്ട്രേലിയ എന്നീ രാജ്യങ്ങളുൾപ്പെടുന്ന ക്വാഡ് ഉച്ചകോടി അടുത്ത ജനുവരിയിൽ ഇന്ത്യയിൽ നടത്താനുള്ള ആലോചനകൾ നടക്കുന്നതിനിടെയാണ് ക്ഷണം.
Read Moreഇന്ത്യയ്ക്കെതിരെയുള്ള കാനഡയുടെ ആരോപണം ഗൗരവമുള്ളതെന്ന് അമേരിക്ക
വാഷിംഗ്ടണ്: ഇന്ത്യയ്ക്കെതിരെയുള്ള കനേഡിയന് പ്രധാനമന്ത്രി ജസ്റ്റീന് ട്രൂഡോയുടെ ആരോപണം ഗൗരവമുള്ളതെന്ന് ആവര്ത്തിച്ച് അമേരിക്ക. ഇരുരാജ്യങ്ങളുമായും ആശയവിനിമയം തുടരുകയാണെന്ന് അമേരിക്കൻ വക്താവ് മര്ഗരറ്റ് മക്ലോഡ് പറഞ്ഞു. ഇരുരാജ്യങ്ങളും അന്വേഷണവുമായി സഹകരിക്കുമെന്ന് വിശ്വസിക്കുന്നു. രണ്ട് രാജ്യങ്ങളും വര്ഷങ്ങളായി യുഎസിന്റെ സൗഹൃദരാഷ്ട്രങ്ങളാണ്. ഖലിസ്ഥാന്വാദി നേതാവ് ഹര്ദീപ് സിംഗ് നിജ്ജാര് കൊല്ലപ്പെട്ട സംഭവത്തില് അന്വേഷണം തുടരുന്നതിനാല് കൂടുതല് പ്രതികരിക്കാനില്ലെന്നും അവര് വ്യക്തമാക്കി. അതേസമയം കാനഡയ്ക്കെതിരെയുള്ള നീക്കം ശക്തമാക്കാനാണ് ഇന്ത്യയുടെ തീരുമാനം. ഖാലിസ്ഥാന് ഭീകരവാദികളെ കാനഡ സംരക്ഷിക്കുന്ന വിഷയം ഐക്യരാഷ്ട്രസഭയില് ഉന്നയിക്കും.
Read Moreഭാരത് മാതാ എന്ന പദത്തിന്റെ യഥാർത്ഥ അർത്ഥത്തിലേക്ക് രാജ്യം നടന്ന് തുടങ്ങുന്നു; ഹരീഷ് പേരടി
ഭാരത് മാതാ എന്ന പദത്തിന്റെ യഥാർത്ഥ അർത്ഥത്തിലേക്ക് രാജ്യം നടന്ന് തുടങ്ങുന്നു. ജനാധിപത്യ ഇന്ത്യയിലെ സ്ത്രികളുടെ നിലവാരം ഉയർത്തുന്ന ഈ സ്ത്രീപക്ഷ നിലപാടിന് മുൻകൈയ്യെടുത്ത കേന്ദ്ര സർക്കാറിനു അഭിനന്ദനങ്ങളുമായി സിനിമാ നടൻ ഹരീഷ് പേരടി. വനിതാ സംവരണ ബിൽ പാസാക്കിയതിനു പിന്നാലെയാണ് താരത്തിന്റെ പ്രതികരണം. ഫേസ്ബുക്ക് കുറിപ്പിലൂടെയാണ് ഈ കാര്യം അറിയിച്ചത്. ഈ ബില്ലിനെ എതിർത്ത ആ രണ്ട് കീടങ്ങളെ കണ്ടെത്താതെ ജനാധിപത്യം പൂർണ്ണമാവുന്നില്ല…എന്തായാലും സ്ത്രീയുടെ പ്രാതിനിധ്യത്തെ അനുകൂലിച്ച 454 ജനപ്രതിനിധികൾക്കും അഭിവാദ്യങ്ങൾ ചന്ദ്രനെ പഠിക്കാനുള്ള ചന്ദ്രയാനും കഴിഞ്ഞ്. സുര്യനിലേക്കുള്ള ആദ്യത്യാ എൽ 1 ഉം കഴിഞ്ഞ് .ജനാധിപത്യ ഇന്ത്യയിലെ സ്ത്രികളുടെ നിലവാരം ഉയർത്തുന്ന ഈ സ്ത്രീപക്ഷ നിലപാടിന് മുൻകൈയ്യെടുത്ത കേന്ദ്ര സർക്കാറിനും അഭിവാദ്യങ്ങൾ ഭാരത് മാതാ…എന്ന പദത്തിന്റെ യഥാർത്ഥ അർത്ഥത്തിലേക്ക് രാജ്യം നടന്ന് തുടങ്ങുന്നു എന്നാണ് ഫേസ്ബുക്കിൽ കുറിച്ചത്.
Read Moreചൈനീസ് വിദേശകാര്യ മന്ത്രിയെ പുറത്താക്കിയത് അവിഹിതത്തിന്
ബെയ്ജിംഗ്: ചൈനീസ് വിദേശകാര്യമന്ത്രിയായിരുന്ന ക്വിൻ ഗാംഗിനെ പദവിയിൽനിന്നു നീക്കാനുള്ള കാരണം അവിഹിതബന്ധമെന്നു റിപ്പോർട്ട്. അദ്ദേഹം അമേരിക്കയിൽ ചൈനീസ് അംബാസിഡറായിരുന്ന കാലത്ത് ഒരു സ്ത്രീയുമായി ബന്ധം പുലർത്തുകയും ഇതിൽ ഒരു കുഞ്ഞുണ്ടാവുകയും ചെയ്തതായി വാൾ സ്ട്രീറ്റ് ജേണൽ റിപ്പോർട്ട് ചെയ്തു. മാർച്ചിൽ വിദേശകാര്യമന്ത്രി യായി നിയമിതനായ ക്വിന്നിനെ ജൂലൈയിലാണു നീക്കം ചെയ്തത്. എന്നാൽ ഇതുസംബന്ധിച്ച് ഒരു വിശദീകരണവും ചൈന നല്കിയില്ല. നീക്കംചെയ്യപ്പെടുന്നതിനു മുന്പായി പൊതുവേദികളിൽനിന്ന് അപ്രത്യക്ഷനായ ക്വിന്നിനെക്കുറിച്ചു വിവരങ്ങളൊന്നും ലഭ്യമല്ല. ചൈനീസ് കമ്യൂണിസ്റ്റ് പാർട്ടിയിലെയും സൈന്യത്തിലെയും ഉന്നതർക്കെതിരേ വൻ അന്വേഷണം നടക്കുന്നതായും റിപ്പോർട്ടിൽ പറയുന്നുണ്ട്. വിദേശ ഇടപാടുകളാണു കൂടുതലും അന്വേഷിക്കുന്നത്. അടുത്തിടെ ചൈനീസ് പ്രതിരോധമന്ത്രി ലി ഷാംഗ് ഫു പൊതുവേദികളിൽനിന്ന് അപ്രത്യക്ഷനായിട്ടുണ്ട്. അഴിമതി അന്വേഷണം നേരിടുന്ന അദ്ദേഹത്തെ പദവിയിൽനിന്നു നീക്കം ചെയ്ത് വീട്ടുതടങ്കലിലാക്കിയെന്ന റിപ്പോർട്ടുണ്ട്.
Read Moreഹുക്ക ബാറുകൾ നിരോധിക്കും, പുകയില ഉൽപന്നങ്ങൾ വാങ്ങാനുള്ള പ്രായം ഉയർത്തും; പുതിയ നീക്കങ്ങളുമായ് സർക്കാർ
യുവാക്കൾ പുകയില ഉല്പന്നം ഉപയോഗിക്കുന്നത് നിയന്ത്രിക്കാനായി ഹുക്ക ബാറുകൾ നിരോധിക്കാനും പുകയില ഉൽപന്നങ്ങൾ വാങ്ങാനുള്ള കുറഞ്ഞ പ്രായം പതിനെട്ട് വയസിൽ നിന്നും 21 ആക്കി ഉയർത്താനും ആലോചനയിട്ട് കർണാടക സർക്കാർ. ഈ മാറ്റങ്ങൾ കൊണ്ടുവരുന്നതിനായി സിഗരറ്റ്, മറ്റ് പുകയില ഉൽപന്നങ്ങൾ നിയമം ഭേദഗതി ചെയ്യാൻ സർക്കാർ പദ്ധതിയിടുന്നതായി ആരോഗ്യമന്ത്രി ദിനേഷ് ഗുണ്ടു റാവു പറഞ്ഞു. സ്കൂളുകൾക്ക് പുറമെ ക്ഷേത്രങ്ങൾ, പള്ളികൾ, ശിശുസംരക്ഷണ കേന്ദ്രങ്ങൾ, ആശുപത്രികൾ എന്നിവയുടെ പരിസരങ്ങളിലും പുകയില ഉൽപന്നങ്ങളുടെ വിൽപനയും ഉപയോഗവും നിരോധിച്ചിട്ടുണ്ടെന്ന് ചൊവ്വാഴ്ച ആരോഗ്യ വകുപ്പ് ഉദ്യോഗസ്ഥരുമായി നടത്തിയ യോഗത്തിന് ശേഷം മന്ത്രി വ്യക്തമാക്കി. യുവാക്കൾ ഹുക്ക ബാറുകളിലേക്ക് കൂടുതൽ ആകർഷിക്കപ്പെടുന്നതിനാൽ അവരുടെ ആരോഗ്യത്തെ ഇത് പ്രതികൂലമായി ബാധിക്കുന്നതിനാലാണ് നടപടികൾ ആസൂത്രണം ചെയ്യുന്നതെന്ന് റാവു പറഞ്ഞു. സംസ്ഥാന സർക്കാർ പുകയില ഉൽപന്നങ്ങൾ വാങ്ങുന്നതിനുള്ള കുറഞ്ഞ പ്രായം 18ൽ നിന്ന് 21 ആക്കി ഉയർത്തുമെന്നും അദ്ദേഹം…
Read Moreബേസിൽ ജോസഫ് – ജീത്തു ജോസഫ് കൂട്ടുകെട്ടിൽ പുതിയ ചിത്രം നുണക്കുഴി
യൂത്ത് ഐക്കൺ ബേസിൽ ജോസഫിനെ നായകനാക്കി സംവിധായകൻ ജീത്തു ജോസഫ് ഒരുക്കുന്ന പുതിയ ചിത്രം നുണക്കുഴിയുടെ പോസ്ററർ ഫേസ്ബുക്ക് പേജിലൂടെ പ്രേക്ഷകരുമായി ജീത്തു ജോസഫ് പങ്കുവെച്ചിരിക്കുന്നു. ജീത്തു ജോസഫ് ബേസിൽ ജോസഫ് കൂട്ടുകെട്ടിൽ പിറക്കുന്ന പുതിയ ചിത്രത്തിന്റെ വരവിനെ ഏറെ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. നിലവിൽ മോഹൻലാലിനെ നായകനാക്കി നേര് എന്ന ചിത്രത്തിന്റെ ഷൂട്ടിലാണ് ജീത്തു ജോസഫ്. ഈ ചിത്രം പൂർത്തിയാക്കിയ ശേഷം ഉടൻ തന്നെ നുണക്കുഴിയുടെ ചിത്രീകരണം തുടങ്ങും. പ്രമുഖ നിർമാണ കമ്പനിയായ സരിഗമയും ജീത്തു ജോസഫിന്റെ വിന്റേജ് ഫിലിമും ചേർന്നൊരുക്കുന്ന ചിത്രത്തിൽ ഗ്രേസ് ആന്റണി മറ്റൊരു പ്രധാന വേഷത്തിലെത്തുന്നു. സിദ്ധിക്ക്, മനോജ്.കെ.ജയൻ, ബെെജു, അജു വർഗീസ്, സെെജു കുറുപ്പ്, ബിനു പപ്പു, പ്രമോദ് വെളിയനാട്, അസീസ് നെടുമങ്ങാട് എന്നിവരും ചിത്രത്തിൽ അഭിനിക്കുന്നു. ജീത്തു ജോസഫ് ചിത്രമായ ട്വൽത്ത് മാൻ, കൂമൻ എന്നീ ചിത്രങ്ങൾക്ക് തിരക്കഥ…
Read Moreസ്ട്രീറ്റ് ഫുഡ് ഇഷ്ടമാണോ? എങ്കിൽ ഈ വീഡിയോകൾ തീർച്ചയായും നിങ്ങളെ വെറുപ്പിക്കും
പുറത്തുപോയി സ്വാദിഷ്ടമായ ഭക്ഷണം ആസ്വദിച്ച് കഴിച്ചതിന് ശേഷം നിങ്ങൾക്ക് ചിലപ്പോൾ അസുഖം വരുന്നത് എന്തുകൊണ്ടാണെന്ന് എപ്പോഴെങ്കിലും ചിന്തിച്ചിട്ടുണ്ടോ? ഇത് ഭക്ഷണം തയ്യാറാക്കുന്ന വൃത്തിഹീനമായ സാഹചര്യങ്ങൾ കാരണമാകാം. സമീപകാലത്ത് സമൂഹമാധ്യമങ്ങളിൽ പ്രചരിക്കുന്ന നിരവധി വീഡിയോകൾ ചില ഭക്ഷ്യ ഫാക്ടറികളും കച്ചവടക്കാരും നടത്തുന്ന അനാരോഗ്യകരമായ പാചകരീതികൾ തുറന്നു കാണിക്കുന്നു. നമ്മുടെ പ്രിയപ്പെട്ട ഭക്ഷണത്തിന്റെ തിരശ്ശീലയ്ക്ക് പിന്നിലെ അസ്വസ്ഥമായ സത്യം വെളിപ്പെടുത്തുന്ന ഒന്നിലധികം വീഡിയോകൾ ഇതിൽ ഉൾപ്പെടുന്നു. ഈ വീഡിയോ കാര്യമായ ശ്രദ്ധ നേടിയിട്ടുണ്ട്, കൂടാതെ പല ഭക്ഷണ പ്രേമികളും ഈ വൃത്തിഹീനമായ ഭക്ഷണ രീതികളിൽ വെറുപ്പ് പ്രകടിപ്പിക്കുന്നു. @maxgyan_ എന്ന പേരിലുള്ള അക്കൗണ്ട് ഇൻസ്റ്റാഗ്രാമിൽ ഈ വീഡിയോ പങ്കിട്ടത്. നിരവധിപേരാണ് ഈ വീഡിയോ കണ്ടത്. ആദ്യത്തെ വീഡിയോ ഫലൂഡ പാക്ക് ചെയ്യുന്ന ഒരു വീഡിയോയാണ്. പക്ഷേ ഇവിടെ ട്വിസ്റ്റ് ഇതാണ്. ഒരു സ്പൂൺ ഉപയോഗിക്കുന്നതിനുപകരം അയാൾ നഗ്നമായ കൈ ഉപയോഗിച്ച്…
Read Moreകേരളത്തിൽ ഇടിമിന്നലോട് കൂടിയ മഴയ്ക്ക് സാധ്യത ; നാല് ജില്ലകളിൽ യെല്ലോ അലേർട്ട്
സംസ്ഥാനത്ത് വരുന്ന 5 ദിവസം ഒറ്റപ്പെട്ട ശക്തമായ മഴയ്ക്കുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. ഇടുക്കി, കോഴിക്കോട്, കണ്ണൂർ, കാസർഗോഡ്എന്നി ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. കേരളത്തിൽ ഒറ്റപ്പെട്ടയിടങ്ങളിൽ ഇന്ന് ഇടി മിന്നലോടു കൂടിയ മഴക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. ഇടിമിന്നൽ ഉണ്ടാകുന്ന സമയം സുരക്ഷിത സ്ഥലങ്ങളിലേക്ക് മാറേണ്ടതാണ്. കടലിൽ മത്സ്യ ബന്ധനത്തിനു പോകുന്നവർ ശ്രദ്ധിക്കുക. വടക്ക് – പടിഞ്ഞാറൻ ബംഗാൾ ഉൾക്കടലിൽ പശ്ചിമ ബംഗാൾ – ഒഡിഷ തീരത്തിനു സമീപം ന്യുനമർദ്ദം സ്ഥിതിചെയ്യുന്നതിനാൽ അടുത്ത രണ്ട് ദിവസം ജാർഖണ്ഡിന് മുകളിലൂടെ ന്യൂനമർദ്ദം നീങ്ങാൻ സാധ്യതയുണ്ട്. കച്ച്ന് മുകളിൽ ചക്രവാതചുഴി നിലനിൽക്കുന്നതിനാൽ കേരളത്തിൽ അടുത്ത അഞ്ച് ദിവസം മഴക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ…
Read More