കോട്ടയം: കുമാരനല്ലൂര്‍, സംക്രാന്തി, അടിച്ചിറ മേഖലകളില്‍ തുടര്‍ച്ചയായി നടക്കുന്ന മോഷണങ്ങളില്‍ തമിഴ്‌നാട്ടില്‍ നിന്നുള്ള മോഷ്ടാവിനു പങ്കുള്ളതായി ഗാന്ധിനഗര്‍ പോലീസിനു വിവരം ലഭിച്ചു. നിരവധി മോഷണക്കേസുകളില്‍ പ്രതിയായ തമിഴ്‌നാട് സ്വദേശി പളനിസ്വാമി കുമാരനല്ലൂരില്‍ എത്തിയതായാണ് പോലീസിനു വിവരം ലഭിച്ചിരിക്കുന്നത്. പ്രദേശവാസികള്‍ ശ്രദ്ധിക്കണമെന്ന് അറിയിച്ചു ഗാന്ധിനഗര്‍ പോലീസാണ് ജാഗ്രതാനിര്‍ദേശം പുറപ്പെടുവിച്ചിരിക്കുന്നത്. തമിഴ്നാട്ടില്‍നിന്നും കേരളത്തില്‍ എത്തി നിരന്തരം മോഷണം നടത്തുന്നതാണ് പളനിയുടെ രീതി. മോഷണത്തിനുശേഷം തിരികെ തമിഴ്‌നാട്ടിലേക്കു മടങ്ങുകയും ചെയ്യും. നാളുകള്‍ക്കു മുമ്പു വിയ്യൂര്‍ ജയിലില്‍ നിന്നും പുറത്തിറങ്ങിയ ഇയാള്‍ കുമാരനല്ലൂര്‍, ഗാന്ധിനഗര്‍ മേഖലയില്‍ എത്തി തമ്പടിക്കുന്നതായാണ് വിവരം. ഇയാള്‍ക്കൊപ്പം മറ്റാരെങ്കിലുമുണ്ടോ എന്ന കാര്യത്തില്‍ ഗാന്ധിനഗര്‍ പോലീസിനു വ്യക്തത ലഭിച്ചിട്ടില്ല. ഇതു സംബന്ധിച്ചു പോലീസ് വിശദമായ അന്വേഷണം നടത്തിവരികയാണ്. വീടുകളും കടകളും ആരാധനാലയങ്ങളും കേന്ദ്രീകരിച്ച് മോഷണം നടത്തുന്ന പളനിക്ക് കേരളത്തിലും തമിഴ്നാട്ടിലുമായി നിരവധി മോഷണക്കേസുകളുണ്ട്. കഴിഞ്ഞ ദിവസങ്ങളില്‍ സംക്രാന്തി, കുമാരനല്ലൂര്‍ പ്രദേശങ്ങളില്‍…
Read Moreഇവൻ പളനി സ്വാമി, രാവിലെ വീടുകളിൽ ആക്രിപെറുക്കുകാരനായി എത്തും; രാത്രിയായാൽ മോഷണം; ഒളിത്താവളമായി തിരഞ്ഞെടുക്കുന്നത് ആശുപത്രി കോമ്പൗണ്ടുകൾ; ജാഗ്രത നൽകി പോലീസ്
