പാലക്കാട്: പാലക്കാട്ടെ വൃശ്ചിക കാറ്റിന് ഇന്ന് ആഞ്ഞുവീശാൻ ആവേശമേറെ. ഇന്നാണ് പാലക്കാട് നിയമസഭാ മണ്ഡലം ഉപതെരഞ്ഞെടുപ്പിന്‍റെ പരസ്യപ്രചാരണത്തിന് കൊടിയിറങ്ങുന്നത്. നാളെ നിശബ്ദപ്രചാരണം. 20നു പാലക്കാട് പോളിംഗ് ബൂത്തിലെത്തുന്പോൾ 27 നാൾ നീണ്ട പ്രചാരണത്തിന്‍റെയും ആരോപണ-പ്രത്യാരോപണങ്ങളുടെയും വിലയിരുത്തൽ ആർക്ക് അനുകൂലമാകുമെന്ന ആകാംക്ഷയിലാണു രാഷ്ട്രീയ കേരളം. മൂന്നു മുന്നണികൾക്കും പാലക്കാട്ടെ ജനവിധി അതിനിർണായകം. രാഷ്ട്രീയ കേരളം ഇതുവരെ കണ്ടിട്ടില്ലാത്ത അപ്രതീക്ഷിത ട്വിസ്റ്റുകൾക്കും പ്രവചനാതീതമായ രാഷ്ട്രീയ സമവാക്യങ്ങൾക്കും പുതിയ കൂട്ടുകെട്ടുകൾക്കും സാക്ഷ്യം വഹിച്ച ഒരു ഉപതെരഞ്ഞെടുപ്പ് കാലമാണ് കടന്നു പോകുന്നത്. പാലക്കാട്ടെ പ്രചാരണച്ചൂടും ആവേശവും വിവാദങ്ങളുമെല്ലാം കേരളമൊട്ടാകെ അലയടിച്ചിരുന്നു. പരസ്യപ്രചാരണത്തിന്‍റെ ക്ലൈമാക്സ് ദിനമായ ഇന്ന് പുതിയ എന്ത് ട്വിസ്റ്റ് ആണ് പാലക്കാടിനെ കാത്തിരിക്കുന്നത് എന്നാണ് ഏവരും ഉറ്റുനോക്കുന്നത്. ഒരു മാസത്തോളം നീണ്ടുനിന്ന പ്രചാരണം വൈകീട്ട് ആറിന് കൊട്ടിക്കലാശത്തോടെയാണ് സമാപിക്കുക. പ്രചാരണത്തിന്‍റെ അവസാന അടവുകൾക്കിടെ, മാറിനിന്നേക്കാവുന്ന വോട്ടുകൾകൂടി ഉറപ്പിക്കാനുള്ള തന്ത്രങ്ങളും മുന്നണികൾ പയറ്റുന്നു.…
Read Moreപാലക്കാട്ടെ വൃശ്ചിക കാറ്റിന് ആഞ്ഞുവീശാൻ ഇന്ന് ആവേശമേറെ: പരസ്യപ്രചാരണത്തിന് ഇന്ന് പര്യവസാനം; ക്ലൈമാക്സിലും ട്വിസ്റ്റ് ഉണ്ടാകുമോയെന്ന് കാത്തിരിക്കാം
