അടൂര്‍: പൂവന്‍കോഴി പുലര്‍ച്ചെ കൂവുന്നതുമായി ബന്ധപ്പെട്ട പരാതി രമ്യമായി പരിഹരിച്ചിരിക്കുകയാണ് അടൂര്‍ ആര്‍ഡിഒ. പള്ളിക്കല്‍ ആലുംമൂട് രാധാകൃഷ്ണനാണ് പരാതിക്കാരന്‍. രാധാകൃഷ്ണന്‍റെ അയല്‍വാസിയായ പള്ളിക്കല്‍ കൊച്ചുതറയില്‍ അനില്‍ കുമാറിന്‍റെ വീട്ടിലെ കോഴി ഉറക്കം കെടുത്തുന്നായാണ് പരാതി. പുലര്‍ച്ചെ കൃത്യം മൂന്നിന് പൂവന്‍ കോഴി കൂകാറുണ്ടത്രേ. ഇതുകാരണം ഉറക്കം നഷ്ടപ്പെടുന്നെന്നും സ്വൈര ജീവിതത്തിന് തടസമുണ്ടാക്കുന്നുവെന്നും കാണിച്ചായിരുന്നു രാധാകൃഷ്ണക്കുറുപ്പ് അടൂര്‍ ആര്‍ഡിഒയ്ക്ക് പരാതി നല്‍കിയത്. ഇരുകക്ഷികളെയും വിളിച്ച് പ്രശ്‌നങ്ങള്‍ കേട്ടറിഞ്ഞ ശേഷം ആര്‍ഡിഒ സ്ഥലത്ത് പരിശോധനയും നടത്തി. വീടിന്‍റെ മുകള്‍നിലയില്‍ വളര്‍ത്തുന്ന കോഴികളുടെ കൂവല്‍ രോഗിയായ തന്‍റെ ഉറക്കത്തെ ബാധിക്കുന്നതായുള്ള പരാതിക്കാരന്‍റെ വാദം ശരിയാണെന്ന് ബോധ്യപ്പെട്ടു. പ്രശ്‌നപരിഹാരമായി അനില്‍ കുമാറിന്‍റെ വീടിനുമുകളില്‍ സ്ഥാപിച്ചിരിക്കുന്ന കോഴിക്കൂട് കിഴക്കു ഭാഗത്തേക്ക് മാറ്റാനാണ് അടൂര്‍ ആര്‍ഡിഒ ബി. രാധാകൃഷ്ണന്‍ ഉത്തരവിട്ടത്. ഉത്തരവ് കൈപ്പറ്റി 14 ദിവസത്തിനകം കോഴിക്കൂട് മാറ്റണമെന്നും ഉത്തരവില്‍ പറയുന്നു.
Read Moreപുലരാറായപ്പോൾ പൂങ്കോഴി കൂവിയപ്പോൾ… ഉറക്കം നഷ്ടപ്പെടുന്നു, സ്വൈര ജീവിതത്തിന് തടസമുണ്ടാക്കുന്നു; പുലര്‍ച്ചെ കോഴി കൂകുന്നതിനെതിരേ പരാതിയുമായി അയൽവാസി
