പാലക്കാട്: പട്ടാമ്പി കൊപ്പത്തിന് സമീപം മുഖ്യമന്ത്രി പിണറായി വിജയന് അകമ്പടിയായി പോയ വാഹനം അപകടത്തിൽപെട്ടു. സുരക്ഷാ ഉദ്യോഗസ്ഥർ സഞ്ചരിച്ച വാഹനമാണ് അപകടത്തിൽപെട്ടത്.
ഓടിക്കൊണ്ടിരിക്കെ വാഹനത്തിന്‍റെ പുറകിലെ ഒരു ടയർ ഊരിത്തെറിച്ചു. മലപ്പുറത്തെ തെരഞ്ഞെടുപ്പ് പരിപാടി കഴിഞ്ഞ് പാലക്കാടേയ്ക്ക് പോവുകയായിരുന്നു മുഖ്യമന്ത്രി. വാഹനം നിയന്ത്രിച്ചു നിർത്താൻ സാധിച്ചതിനാൽ വലിയ അപകടം ഒഴിവായി.
വാഹനത്തിലുണ്ടായിരുന്നവരെല്ലാം സുരക്ഷിതരാണെന്നും ആർക്കും പരിക്കേറ്റിട്ടില്ലെന്നും പോലീസ് അറിയിച്ചു.
ഓടിക്കൊണ്ടിരിക്കെ വാഹനത്തിന്‍റെ പുറകിലെ ഒരു ടയർ ഊരിത്തെറിച്ചു! മുഖ്യമന്ത്രിയുടെ അകമ്പടി വാഹനം അപകടത്തിൽപെട്ടു
