മിഥുൻ മാനുവൽ തോമസിന്‍റെ സംവിധാനത്തിലൊരുങ്ങിയ അഞ്ചാം പാതിര അമ്പത് കോടി ക്ലബിൽ ഇടം നേടാനൊരുങ്ങുന്നു. ജനുവരി പത്തിന് റിലീസ് ചെയ്ത ചിത്രം നിറഞ്ഞ സദസോടെയാണ് തീയറ്ററുകളിൽ പ്രദർശനം തുടരുന്നത്.
കേരളത്തിൽ നിന്നും 24.10 കോടി, മറ്റ് സംസ്ഥാനങ്ങളിൽ നിന്നും 1.35 കോടി വിദേശത്ത് നിന്നും 8.80 കോടി എന്നിങ്ങനെ ആകെ 34.25 കോടി രൂപയാണ് സിനിമ ഇതുവരെ സ്വന്തമാക്കിയത്. പോലീസിനെ ചുറ്റിക്കുന്ന ഒരു സീരിയൽ കില്ലറുടെ കഥ പറയുന്ന സിനിമയിൽ കുഞ്ചാക്കോ ബോബനാണ് നായകൻ.
ജിനു ജോസഫ്, ഉണ്ണിമായ പ്രസാദ്, ശ്രീനാഥ് ഭാസി, ഷറഫുദ്ദീൻ, ഇന്ദ്രൻസ്, ജാഫർ ഇടുക്കി തുടങ്ങിയവരാണ് സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നവർ. ആഷിഖ് ഉസ്മാൻ ആണ് സിനിമ നിർമിച്ചത്.
