40ലേ​റെ യാ​ത്ര​ക്കാ​രു​ണ്ടാ​യി​രു​ന്ന ബ​സ് ട്ര​ക്കു​മാ​യി കൂട്ടിയിടിച്ച് കത്തി; 35 പേ​ർ വെന്തുമ​രി​ച്ചു; മ​ദീ​ന​യി​ലാ​ണ് സം​ഭ​വം

റി​യാ​ദ്: സൗ​ദി അ​റേ​ബ്യ​യി​ൽ ഉ​ണ്ടാ​യ വാ​ഹ​നാ​പ​ക​ട​ത്തി​ൽ 35 പേ​ർ വെന്തുമ​രി​ച്ചു. മ​ദീ​ന​യി​ലാ​ണ് സം​ഭ​വം. ഏ​ഷ്യ​ൻ- അ​റ​ബ് വം​ശ​ജ​രാ​ണ് മ​രി​ച്ച​തെ​ന്നാ​ണ് സൂ​ച​ന​ക​ൾ. മ​രി​ച്ച​വ​രേ​ക്കു​റി​ച്ചു​ള്ള കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​യി​ട്ടി​ല്ല. 40ലേ​റെ യാ​ത്ര​ക്കാ​രു​ണ്ടാ​യി​രു​ന്ന ബ​സ് ട്ര​ക്കു​മാ​യി കൂ​ട്ടി​യി​ടി​ച്ചാ​ണ് അ​പ​ക​ട​മു​ണ്ടാ​യ​ത്.

കൂ​ട്ടി​യി​ടി​ച്ച ശേ​ഷം ബ​സി​ന് തീ​പി​ടി​ച്ച​താ​ണ് വ​ലി​യ ദു​ര​ന്ത​ത്തി​നി​ട​യാ​ക്കി​യ​ത്. മ​ദീ​ന​യി​ൽ നി​ന്ന് 170 കി​ലോ​മീ​റ്റ​ർ അ​ക​ലെ ഫി​ജ​റ റോ​ഡി​ലാ​ണ് അ​പ​ക​ടം ന​ട​ന്ന​ത്. സം​ഭ​വ​ത്തി​ൽ നാ​ല് പേ​ർ​ക്ക് പ​രി​ക്കേ​റ്റി​ട്ടു​ണ്ട്. മ​ദീ​ന പോ​ലീ​സി​നെ ഉ​ദ്ധ​രി​ച്ച് സൗ​ദി പ്ര​സ് ഏ​ജ​ൻ​സി​യാ​ണ് അ​പ​ക​ട വി​വ​രം പു​റ​ത്തു വി​ട്ട​ത്.

പ​ടി​ഞ്ഞാ​റ​ൻ സൗ​ദി സി​റ്റി​യി​ൽ നി​ന്നും പു​റ​പ്പെ​ട്ട പ്രൈ​വ​റ്റ് ചാ​ർ​ട്ടേ​ർ​ഡ് ബ​സാ​ണ് അ​പ​ക​ട​ത്തി​ൽ​പ്പെ​ട്ട​തെ​ന്ന് സൗ​ദി പ്ര​സ് ഏ​ജ​ൻ​സി റി​പ്പോ​ർ​ട്ട് ചെ​യ്യു​ന്നു. ബ​സ് പൂ​ർ​ണ​മാ​യും ക​ത്തി ന​ശി​ച്ചു. മ​രി​ച്ച​വ​രി​ൽ ഇ​ന്ത്യ​ക്കാ​രു​ണ്ടോ എ​ന്ന കാ​ര്യം ഇ​തു​വ​രെ​യും വ്യ​ക്ത​മാ​യി​ട്ടി​ല്ല. അ​പ​ക​ട​ത്തി​ൽ പ​രി​ക്കേ​റ്റ​വ​രെ അ​ൽ-​ഹം​ന ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്.