അവൾ വീണത് നൂറടി താഴ്ചയുള്ള വെള്ളച്ചാട്ടത്തിൽ! വെ​ള്ള​ത്തി​ന്‍റെ അ​ടി​യി​ൽ എ​ന്തു സം​ഭ​വി​ച്ചു എ​ന്ന​തി​നെ​ക്കു​റി​ച്ചും അ​വ​ൾ പ​റ​യു​ന്നു…

വി​നോ​ദ​യാ​ത്ര പോ​കു​കയെ​ന്ന​ത് ര​സ​ക​ര​മാ​ണ്. കൊ​റോ​ണ​യും ലോ​ക്ഡൗ​ണും പ​ല​രു​ടെ​യും വി​നോ​ദ​യാ​ത്ര​ക​ൾ​ക്ക് ത​ത്കാ​ലം സ്റ്റോ​പ്പി​ട്ടി​രി​ക്കു​ക​യാ​ണ്. വി​നോ​ദ​യാ​ത്ര​യ്ക്കി​ടെ ഉ​ണ്ടാ​യി​ട്ടു​ള്ള പ​ല അ​പ​ക​ട​വാ​ർ​ത്ത​ക​ളും നാം ​വാ​യി​ച്ചി​ട്ടു​ണ്ട്.

പു​ഴ​യി​ലും ന​ദി​യി​ലും ക​ട​ലി​ലും വീ​ണു​ണ്ടാ​കു​ന്ന അ​പ​ക​ട​ങ്ങ​ളാ​ണ് അ​തി​ൽ അ​ധി​ക​വും. യു​വ​തീ-​യു​വാ​ക്ക​ളാ​ണ് അ​പ​ക​ട​ത്തി​ൽ​പ്പെ​ടു​ന്ന​വ​രി​ൽ ​കൂ​ടു​ത​ലും. നോ​ർ​ത്ത് വെ​യി​ൽ‌​സി​ൽ ലാ​ൻ‌​ബെ​റി​സി​ലെ സ്യൂണന്‍റ്്് മ​വ​ർ‌ വെ​ള്ള​ച്ചാ​ട്ട​​ത്തി​ലും ക​ഴി​ഞ്ഞ ദി​വ​സം ഒ​ര​പ​ക​ട​മു​ണ്ടാ​യി. ഇ​വി​ടെ പ​ക്ഷെ അ​പ​ക​ട​ത്തി​ൽ​പ്പെ​ട്ട​ത് ആ​റു വ​യ​സു​ള്ള ഒ​രു പെ​ൺ​കു​ട്ടി​യാ​ണ്.

ഫോ​ബും അ​ച്ഛ​നും അ​മ്മ​യും അ​വ​ധി ദി​ന​ത്തി​ൽ വെ​ള്ള​ച്ചാ​ട്ടം കാ​ണാ​ൻ എ​ത്തി​യ​താ​യി​രു​ന്നു. പാ​റ​ക്കെ​ട്ടി​ലൂ​ടെ താ​ഴേ​ക്ക് പ​തി​ക്കു​ന്ന മ​നോ​ഹ​ര​മാ​യ വെ​ള്ള​ച്ചാ​ട്ടം. നൂ​റ് അ​ടി​യി​ലേ​റെ താ​ഴ്ച​യി​ലേ​ക്കാ​ണ് വെ​ള്ളം പ​തി​ക്കു​ന്ന​ത്.

വെ​ള്ള​ച്ചാ​ട്ട​ത്തി​നു ചു​റ്റും പ്ര​കൃ​തി​യു​ടെ മ​നോ​ഹ​ര​മാ​യ ദൃ​ശ്യം. ഇ​വി​ടെ വ​ന്നാ​ൽ ആ​രും സ്വ​യം മ​റ​ന്നു​പോ​കും. ഫോ​ബി​ന്‍റെ അ​ച്ഛ​ൻ ലി​യാം ബൊ​ലാ​ന്‍റ് ത​ന്‍റെ കാ​മ​റ​യി​ൽ പ്ര​കൃ​തി​യു​ടെ മ​നോ​ഹ​ര ദൃ​ശ്യം പ​ക​ർ​ത്തു​ക​യാ​യി​രു​ന്നു. ഫോ​ബും അ​മ്മ​യും വെ​ള്ള​ച്ചാ​ട്ടം മു​ക​ളി​ൽ നി​ന്ന് ആ​സ്വ​ദി​ക്കു​ക​യും.

കൂട്ടനിലവിളി

പെ​ട്ടെ​ന്ന് കാ​ൽ​തെ​റ്റി ഫോ​ബ് വെ​ള്ള​ച്ചാ​ട്ട​ത്തി​ലേ​ക്ക് വീ​ണു.​ഫോ​ബ് വീഴുന്നതുകണ്ട അ​മ്മ അ​ല​റി​വി​ളി​ച്ചു. മ​റ്റ്് സ​ഞ്ചാ​രി​ക​ൾ എ​ന്തു​ചെ​യ്യ​ണ​മെ​ന്ന് അ​റി​യാ​തെ സ്തം​ഭി​ച്ചു​നി​ന്നു. ഭാ​ര്യ​യു​ടെ നി​ല​വി​ളി​കേ​ട്ടാ​ണ് ലി​യാം ബൊ​ലാ​ന്‍റ് ശ്ര​ദ്ധി​ക്കു​ന്ന​ത്.

ത​ന്‍റെ മ​ക​ൾ നൂ​റ് അ​ടി​യി​ലേ​റെ താ​ഴ്ച​യു​ള്ള വെ​ള്ള​ച്ചാ​ട്ട​ത്തി​ൽ നി​ന്ന് താ​ഴേ​ക്ക് വീ​ണി​രി​ക്കു​ന്നു. വെ​ള്ള​ച്ചാ​ട്ട​ത്തി​ന് താ​ഴെ കു​ളം പോ​ലു​ള്ള സ്ഥ​ല​ത്താ​ണ് ഫോ​ബ് വീ​ണി​രി​ക്കു​ന്ന​ത്. ലി​യാം ബൊ​ലാ​ന്‍റ് മ​റ്റൊ​ന്നും ചി​ന്തി​ച്ചി​ല്ല.

കു​ളം ല​ക്ഷ്യ​മാ​ക്കി ചാ​ടി. പ​ക്ഷെ കാ​ര്യ​ങ്ങ​ൾ ഉ​ദേ​ശി​ച്ച​തു​പോ​ലെ​യാ​യി​രു​ന്നി​ല്ല. വെ​ള്ള​ത്തി​ന​ടി​യി​ൽ ഫോ​ബി​നെ ക​ണ്ടി​ല്ല. മാ​ത്ര​മ​ല്ല ത​ണു​ത്ത, ക​ട്ടി​കൂ​ടി​യ വെ​ള്ള​മാ​യി​രു​ന്നു അ​തി​ലു​ണ്ടാ​യി​രു​ന്ന​ത്. ലി​യാം ബൊ​ലാ​ന്‍റി​ന് ശ്വാ​സം​മു​ട്ടി.

ഒ​രു മ​ര​ത്തി​ന്‍റെ വേ​രി​ൽ ലി​യാ​മി​ന് പി​ടി​കി​ട്ടി. അതിൽ പിടിച്ച് വെ​ള്ള​ത്തി​ന് മു​ക​ളി​ലെ​ത്തി. ത​ന്‍റെ മ​ക​ൾ വെ​ള്ള​ച്ചാ​ട്ട​ത്തി​ന്‍റെ അ​ടി​യി​ലേ​ക്ക് പോ​കു​ന്ന​ത് ഒ​രു​മി​ന്നാ​യം പോ​ലെ ലി​യാം ക​ണ്ടു. പ​ക്ഷെ ഒ​ന്നും ചെ​യ്യാ​നാ​കു​ന്നി​ല്ല. അ​ടു​ത്ത നി​മി​ഷം വെ​ള്ള​ച്ചാ​ട്ട​ത്തി​ലു​ണ്ടാ​യി​രു​ന്ന ര​ക്ഷാ​പ്ര​വ​ർ​ത്ത​ക​ൻ കു​ള​ത്തി​ലേ​ക്ക് എ​ടു​ത്തു​ചാ​ടി ഫോ​ബി​നെ ക​ര​യി​ലെ​ത്തി​ച്ചു.

നി​സാ​ര​മാ​യ മു​റി​വു​ക​ളെ അ​വ​ൾ​ക്കു​ണ്ടാ​യി​രു​ന്നു​ള്ളു. വെ​ള്ള​ത്തി​ന്‍റെ അ​ടി​യി​ൽ എ​ന്തു സം​ഭ​വി​ച്ചു എ​ന്ന​തി​നെ​ക്കു​റി​ച്ചും അ​വ​ൾ പ​റ​യു​ന്നു. “” ഒ​രു മ​ത്സ്യ​ത്തെ ക​ണ്ടു. പാ​റ​ക​ൾ​ക​ണ്ടു. ഒ​പ്പം ചു​മ​യും തു​ട​ങ്ങി. ഇ​തോ​ടെ ഞാ​ൻ നീ​ന്താ​ൻ ശ്ര​മി​ച്ചു.

പ​ക്ഷെ ക​ഴി​ഞ്ഞി​ല്ല. ഞാ​ൻ അ​ധി​കം പേ​ടി​ച്ചി​ല്ല”- ഫോ​ബ് പ​റ​ഞ്ഞു. വെ​ള്ള​ച്ചാ​ട്ടത്തിൽ വീ​ണ​തി​നെ​ക്കു​റി​ച്ച് ചോ​ദി​ക്കു​ന്പോ​ൾ ഇ​പ്പോ​ഴും അ​വ​ൾ​ക്ക് അ​ന്ന് ന​ട​ന്ന​തി​നെ​ക്കു​റി​ച്ച് ന​ല്ല ഒാ​ർ​മ​യു​ണ്ടെ​ന്ന് ലി​യാം ബൊ​ലാ​ന്‍റ് പ​റ​യു​ന്നു.

മാ​ത്ര​മ​ല്ല ഒ​രു പേ​ടി​യും തോ​ന്നി​യി​ല്ല​ത്രേ. ഏ​താ​യാ​ലും ത​ങ്ങ​ൾ ന​ന്നാ​യി പേ​ടി​ച്ചെ​ന്ന് ലി​യാം ബൊ​ലാ​ന്‍റി​യും ഭാ​ര്യ​യും ഒ​രേ സ്വ​ര​ത്തി​ൽ പ​റ​യു​ന്നു.