യുഎസിലെ ഡിട്രോയിറ്റില് സ്‌കൂള്‍ ബസ് ഡ്രൈവറും ഏഴാം ക്ലാസുകാരിയും തമ്മില്‍ അടികൂടുന്നതിന്റെ ദൃശ്യം സോഷ്യല്‍ മീഡിയയില്‍ വൈറല്‍.
ബസിനു പുറത്തുനിന്ന സഹോദരനെ കൈവീശി കാണിക്കുന്നതിനിടയ്ക്ക് വിദ്യാര്‍ഥിനിയുടെ തോളില്‍ തട്ടി ഡ്രൈവര്‍ ഇരിക്കാന്‍ പറഞ്ഞതാണ് പ്രശ്‌നത്തിനു തുടക്കം.
ഇത് പെണ്‍കുട്ടിയ്ക്ക് ഇഷ്ടപ്പെട്ടില്ല. തുടര്‍ന്ന് പെണ്‍കുട്ടി ഡ്രൈവറെ അടിക്കുകയായിരുന്നു.
പിന്നീട് ഇരുവരും പരസ്പരം ആഞ്ഞടിക്കുകയും നിലത്തുവീഴുന്നതു വീഡിയോയില്‍ കാണാം. സംഭവത്തെ തുടര്‍ന്ന് ബസ് ഡ്രൈവറെ സസ്‌പെന്‍ഡ് ചെയ്തു.
പെണ്‍കുട്ടിയോട് ഇരിക്കാന്‍ പറഞ്ഞെങ്കിലും അനുസരിച്ചില്ലെന്നും പകരം തന്നെ അടിക്കുകയായിരുന്നുവെന്നും ഡ്രൈവര്‍ പറയുന്നു. ബസിനകത്ത് മറ്റൊരാള്‍ പകര്‍ത്തിയ ദൃശ്യം ഞൊടിയിടയിലാണ് വൈറലായത്.
