കരുനാഗപ്പള്ളി: വീടുകയറിയുള്ള ആക്രമണത്തിൽ വീട്ടമ്മയായ യുവതിക്ക് പരിക്കേറ്റു. അക്രമികൾ വീടിന്‍റെ ജനൽ ചില്ലുകൾ തകർത്തു .തഴവ കടത്തൂർ തടായിൽ വീട്ടിൽ ഷറഫുദീന്‍റെ വീട്ടിലാണ് കഴിഞ്ഞ ദിവസം രാത്രി 10.30 നായിരുന്നു അക്രമണം നടന്നത്.
രാത്രിയിൽ എത്തിയ അക്രമികൾ വീടിന്‍റെ ജനൽ ഗ്ലാസുകൾ തകർത്ത ശേഷം വീടിന്‍റെ കതക് ചവിട്ടി തുറന്നു അകത്ത് കടക്കാൻ ശ്രമിക്കുമ്പോൾ യുവതി കതക് തള്ളി അടച്ചു പിടിച്ച കൊണ്ട് നിൽക്കുമ്പോൾ വീണ്ടും അക്രമികൾ ചവിട്ടി തുറക്കുകയായിരുന്നു. യുവതി മറിഞ്ഞു വീണതിനെ തുടർന്നാണ് പരിക്ക്. പരിക്കേറ്റ ഷറഫുദീന്‍റെ ഭാര്യ ഫാത്തിമി (36)യെ കരുനാഗപ്പള്ളി താലൂക്കാശുപത്രിയിൽ പ്രവേശിപ്പിച്ചു.
സംഭവം നടക്കുമ്പോൾ യുവതിയും പന്ത്രണ്ടുവയസുകാരനായ മകനും മാത്രമാണ് വീട്ടിൽ ഉണ്ടായിരുന്നത് . ഫാത്തിമി കരുനാഗപ്പള്ളി പോലീസിൽ പരാതി നൽകിയിട്ടുണ്ട്.
