ലക്നോ: സിനിമ-സീരിയൽ നടി റിതാ ബാദുരി(62) അന്തരിച്ചു. വൃക്ക സംബന്ധിയായ അസുഖത്തെ തുടര്‍ന്ന് സ്വകാര്യ ആശുപത്രിയിൽ ചികിത്സയിലായിരുന്നു.
1955 നവംബറിൽ ജനിച്ച റിതാ ബാദുരി 1968ൽ പുറത്തിറങ്ങിയ തേരി തലാഷ് മേ എന്ന ചിത്രത്തിലൂടെയാണ് അഭിനയ രംഗത്തെത്തുന്നത്. ഹിന്ദി, ഗുജറാത്തി ഭാഷകളിലായി 71 സിനിമകളിൽ വേഷമിട്ടു. സ്റ്റാർ ഭാരത് ചാനലിലെ ‘നിംകി മുഖ്യ’ എന്ന പരമ്പരയിലെ മുത്തശ്ശി വേഷം റിതയെ പ്രിയങ്കരിയാക്കി.
കുംകും, ചോട്ടി ബാഹു, അമനത് തുടങ്ങിയ നിരവധി ടിവി പരമ്പരകളിൽ വേഷമിട്ടിട്ടുണ്ട്.
