ഹൈ​റാ​പി​ഡ് ഫോ​ർ​മ​ൽ ടെ​സ്റ്റ് കി​റ്റ്! ​മത്സ്യത്തിലെ വി​ഷാം​ശം ക​ണ്ടെ​ത്താ​നു​ള്ള പേ​പ്പ​ർ സ്ട്രി​പ്പു​ക​ൾ തയാർ; കേരളത്തില്‍ വിതരണത്തിനു 18 ഡീലര്‍മാര്‍

ബി​ജോ ടോ​മി

കൊ​ച്ചി: മ​ത്സ്യ​ങ്ങ​ളി​ൽ ക​ല​ർ​ത്തു​ന്ന രാ​സ​വ​സ്തു​ക്ക​ൾ ക​ണ്ടെ​ത്തു​ന്ന​തി​നു​ള്ള പേ​പ്പ​ർ സ്ട്രി​പ്പു​ക​ൾ പൊ​തു​ജ​ന​ങ്ങ​ൾ​ക്ക് ഉ​ട​ൻ ല​ഭ്യ​മാ​കും. മും​ബൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ഹൈ ​മീ​ഡി​യ ലാ​ബോ​റ​ട്ട​റീ​സ് കന്പനി ഇവയുടെ നി​ർ​മാ​ണം ആ​രം​ഭി​ക്കുകയും വി​ത​ര​ണ​ത്തി​നു ത​യാ​റാ​വുകയും ചെയ്തിട്ടു​ണ്ട്. ഹൈ​റാ​പി​ഡ് ഫോ​ർ​മ​ൽ ടെ​സ്റ്റ് കി​റ്റ് എ​ന്ന​പേ​രി​ലാണ് ഇവ വിപണിയിലെത്തുക.

കൊ​ച്ചി കേ​ന്ദ്ര​മാ​ക്കി പ്ര​വ​ർ​ത്തി​ക്കു​ന്ന കേ​ന്ദ്ര സ​ർ​ക്കാ​ർ സ്ഥാ​പ​ന​മാ​യ സെ​ൻ​ട്ര​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഫി​ഷ​റീ​സ് ടെ​ക്നോ​ള​ജി (സി​ഫ്റ്റ്) ആ​ണു മ​ത്സ്യ​ത്തി​ലെ ഫോ​ർ​മ​ലി​നും അ​മോ​ണി​യ​യും ക​ണ്ടെ​ത്തു​ന്ന​തി​നു​ള്ള സാ​ങ്കേ​തി​കവി​ദ്യ വി​ക​സി​പ്പി​ച്ച​ത്. വാ​ണി​ജ്യാ​ടി​സ്ഥാ​ന​ത്തി​ൽ ഇ​തു വി​പ​ണി​യി​ൽ എ​ത്തി​ക്കു​ന്ന​തി​നു സി​ഫ്റ്റി​ന് പ​രി​മി​തി​ക​ൾ ഉ​ണ്ടാ​യി​രു​ന്ന​തി​നാ​ൽ ഹൈ ​മീ​ഡി​യ എ​ന്ന ക​ന്പ​നി​ക്ക് ഈ ​സാ​ങ്കേ​തി​കവി​ദ്യ കൈ​മാ​റു​ക​യാ​യി​രു​ന്നു.

രാ​ജ്യ​ത്തു ലോ​റിസ​മ​രം മൂ​ലം ച​ര​ക്കു​നീ​ക്കം ത​ട​സ​പ്പെ​ട്ട​തി​നാ​ലാ​ണു പേപ്പർ സ്ട്രി​പ്പു​ക​ൾ വി​ത​ര​ണ​ത്തി​ന് എ​ത്താ​ൻ താ​മ​സി​ക്കു​ന്ന​ത്. ലോ​റി​സ​മ​രം തീ​രു​ന്ന മു​റ​യ്ക്കു കേ​ര​ള​ത്തി​ലെ വി​പ​ണി​യി​ൽ ഇവ ല​ഭ്യ​മാ​യി തു​ട​ങ്ങു​മെ​ന്നു ഹൈമീ​ഡി​യ കേ​ര​ള സെ​യി​ൽ​സ് മാ​നേ​ജ​ർ എ​സ്. ക​ന്ത​സ്വാ​മി പ​റ​ഞ്ഞു. കേ​ര​ള​ത്തി​ൽ വി​ത​ര​ണ​ത്തി​നു 18 ഡീ​ല​ർ​മാ​രു​മാ​യി ധാ​ര​ണ​യാ​യി​ട്ടു​ണ്ട്.

അ​മോ​ണി​യ​യും ഫോ​ർ​മ​ലി​നും തി​രി​ച്ച​റി​യു​ന്ന​തി​നു​ള്ള കി​റ്റു​ക​ളി​ൽ ലാ​സ​ലാ​യ​നി, പേ​പ്പ​ർ​സ്ട്രി​പ്പ്, ക​ള​ർ ചാ​ർ​ട്ട് എ​ന്നി​വ​യാ​കും ഉ​ണ്ടാ​കു​ക. ര​ണ്ടു നി​മി​ഷ​ത്തി​നു​ള്ളി​ൽ ഫ​ലം അ​റി​യാനാകും. സ്ട്രി​പ്പ് മീ​നി​ൽ അ​മ​ർ​ത്തി​യശേ​ഷം അ​തി​ലേ​ക്ക് ഒ​രുതു​ള്ളി രാ​സലാ​യ​നി ഒ​ഴി​ക്ക​ണം. നി​റവ്യ​ത്യാ​സം കി​റ്റി​നൊ​പ്പം ല​ഭി​ക്കു​ന്ന ക​ള​ർ ചാ​ർ​ട്ടു​മാ​യി താ​ര​ത​മ്യം ചെ​യ്ത് അ​മോ​ണി​യ​യു​ടെ​യും ഫോ​ർ​മ​ലി​ന്‍റെ​യും സാ​ന്നി​ധ്യം തി​രി​ച്ച​റി​യാ​നാ​കും.

നി​ല​വി​ൽ ഇ​ത്ത​രം പ​രി​ശോ​ധ​ന​ക​ൾ​ക്കു ര​ണ്ടാ​യി​രം രൂ​പ വ​രെ ചെ​ല​വു​ണ്ട്. ഫ​ലം അ​റി​യാ​ൻ കു​റ​ഞ്ഞ​ത് ര​ണ്ടു ദി​വ​സ​മെ​ങ്കി​ലും എ​ടു​ക്കു​ക​യും ചെ​യ്യും. എന്നാൽ ഹൈമീഡിയ കന്പനി പൊതുവിപണിയിൽ ലഭ്യമാക്കുന്ന ഒ​രു കി​റ്റി​ന് 240 രൂ​പ​യാ​ണ് വി​ല. 25 സ്ട്രി​പ്പു​ക​ളാ​ണ് ഒ​രു കി​റ്റി​ൽ ഉ​ണ്ടാ​വു​ക. മീ​നി​ലെ വി​ഷം ഒ​രു പ്രാ​വ​ശ്യം പ​രി​ശോ​ധി​ക്കു​ന്ന​തി​ന് ഏ​ക​ദേ​ശം പ​ത്തു രൂ​പ മാത്രമാകും ചെ​ല​വ്.

അ​ഞ്ചു രൂ​പ​യ്ക്കു​ള്ളി​ൽ സ്ട്രി​പ്പു​ക​ൾ ല​ഭ്യ​മാ​ക്കു​മെ​ന്നാ​ണ് ആ​രോ​ഗ്യ​മ​ന്ത്രി കെ.കെ. ശൈലജയും സി​ഫ്റ്റ് അ​ധി​കൃ​ത​രും നേ​ര​ത്തെ വ്യ​ക്ത​മാ​ക്കി​യി​രു​ന്ന​ത്. ജി​എ​സ്ടി​യും നി​ർ​മാ​ണ​ത്തി​നു​ള്ള അ​നു​ബ​ന്ധച്ചെ​ല​വു​ക​ളും പ്ര​തീ​ക്ഷി​ച്ച​തി​ലും വ​ർ​ധി​ച്ച​തി​നാ​ലാ​ണു വി​ല വ​ർ​ധി​ച്ച​തെ​ന്നു സി​ഫ്റ്റ് അ​ധി​കൃ​ത​ർ പ​റ​ഞ്ഞു. കേ​ര​ള​ത്തി​നു പു​റ​മേ മ​റ്റു സം​സ്ഥാ​ന​ങ്ങ​ളി​ലെ വി​പ​ണി​യി​ലും കി​റ്റു​ക​ൾ ല​ഭി​ക്കും.