കാലവർഷക്കെടുതിയിൽ നെഹ്റുസ്റ്റേഡിയവും ;  പരിശീലനം നടത്താനാവാതെ  കായിക വിദ്യാർഥികൾ; ഒന്നും ചെയ്യാതെ നോക്കുകുത്തിയായി അധികൃതർ

സി.​സി.​സോ​മ​ൻ
കോ​ട്ട​യം: മ​ര​ണാ​സ​ന്ന​മാ​യി കി​ട​ക്കു​ന്ന നെ​ഹ്റു സ്റ്റേ​ഡി​യ​ത്തെ ര​ക്ഷി​ക്കാ​നാ​രു​മി​ല്ല. കാ​ല​വ​ർ​ഷം തു​ട​ങ്ങി​യി​ട്ട് ഇ​ന്നു വ​രെ കാ​യി​ക വി​ദ്യാ​ർ​ഥി​ക​ൾ​ക്ക് പ​രി​ശീ​ല​നം ന​ട​ത്താ​ൻ ക​ഴി​ഞ്ഞി​ട്ടി​ല്ല. ഇ​പ്പോ​ഴും സ്റ്റേ​ഡി​യ​ത്തി​ൽ വെ​ള്ളം നി​റ​ഞ്ഞു കി​ട​ക്കു​ന്നു. സ്റ്റേ​ഡി​യ​ത്തി​ലെ വെ​ള്ളം ഒ​ഴു​കി പോ​കാ​ത്ത​തി​ന് മൂ​ന്നു കാ​ര​ണ​ങ്ങ​ളാ​ണു​ള്ള​ത്.

ചു​റ്റു​മു​ള്ള ഓ​ട​യി​ൽ ചെ​ളി​നി​റ​ഞ്ഞു

അ​തി​ലൊ​ന്ന് സ്റ്റേ​ഡി​യ​ത്തി​നു ചു​റ്റു​മു​ള്ള ഓ​ട നി​റ​ഞ്ഞ് ചെ​ളി നി​റ​ഞ്ഞി​രി​ക്കു​ന്നു. ഓ​ട​യി​ലെ ചെ​ളി​നീ​ക്കു​ക​യാ​ണ് ആ​ദ്യം ചെ​യ്യേ​ണ്ട​ത്. സ്റ്റേ​ഡി​യ​ത്തി​ൽ നി​റ​യു​ന്ന വെ​ള്ളം ഓ​ട​യി​ലേ​ക്ക് ഒ​ഴു​കി നി​റ​യും. അ​വി​ടെ നി​ന്ന് സ്റ്റേ​ഡി​യ​ത്തി​നു മു​ൻ​വ​ശം വ​ഴി റോ​ഡി​നു കു​റു​കെ സ്ഥാ​പി​ച്ച ര​ണ്ടു പൈ​പ്പ് വ​ഴി​യാ​ണ് വെ​ള്ളം പു​റ​ത്തേ​ക്ക് ഒ​ഴു​ക്കി വി​ടു​ന്ന​ത്. ചെ​ളി​നി​റ​ഞ്ഞ് ഓ​ട അ​ട​ഞ്ഞു കി​ട​ക്കു​കാ​യ​ണ്. ചെ​ളി നീ​ക്കി ഓ​ട വൃ​ത്തി​യാ​ക്കു​ക​യാ​ണ് ആ​ദ്യം ചെ​യ്യേ​ണ്ട​ത്.

ഓ​ട താ​ഴ്ന്നും പൈ​പ്പ് പൊ​ങ്ങി​യും

സ്റ്റേ​ഡി​യ​ത്തി​ൽ നി​ന്ന് പു​റ​ത്തേ​ക്ക് പോ​കേ​ണ്ട വെ​ള്ളം ഒ​ഴു​ക്കി ക​ള​യു​ന്ന​തി​ന് റോ​ഡി​ന​ടി​യി​ൽ കു​റു​കെ സ്ഥാ​പി​ച്ച പൈ​പ്പ് ഉ​യ​ർ​ന്നി​രി​ക്കു​ന്ന​താ​ണ് സ്റ്റേ​ഡി​യ​ത്തി​ലെ വെ​ള്ളം ഒ​ഴു​കി പോ​കാ​ത്ത​തി​ന്‍റെ ര​ണ്ടാ​മ​ത്തെ കാ​ര​ണം. അ​താ​യ​ത് സ്റ്റേ​ഡി​യ​ത്തി​ൽ നി​ന്ന് ഒ​ഴു​കി വ​രു​ന്ന വെ​ള്ളം താ​ഴ്ച​യി​ലും പു​റ​ത്തേ​ക്ക് പോ​കേ​ണ്ട പൈ​പ്പ് 80 സെ​ന്‍റീ​മീ​റ്റ​ർ ഉ​യ​ർ​ന്നു​മാ​ണി​രി​ക്കു​ന്ന​ത്. ഇ​തു​മൂ​ലം സ്റ്റേ​ഡി​യ​ത്തി​ലെ വെ​ള്ളം പൂ​ർ​ണ​മാ​യി പു​റ​ത്തേ​ക്ക് ഒ​ഴു​കി പോ​കാ​ൻ ക​ഴി​യു​ന്നി​ല്ല. റോ​ഡി​നു കു​റു​കെ സ്ഥാ​പി​ച്ച പൈ​പ്പ് താ​ഴ്ത്തി​യി​ട്ടാ​ലെ വെ​ള്ളം ഒ​ഴു​കി പോ​വു​ക​യു​ള്ളു.

പാ​ല​ത്തി​ന​ടി​യി​ലും ഓ​ട നി​ർ​മി​ക്ക​ണം

വൈ​ഡ​ബ്ല്യു​സി​എ ക​ഴി​ഞ്ഞ് എം​സി റോ​ഡ് വ​ഴി താ​ഴേ​ക്ക് വ​രു​ന്പോ​ഴു​ള്ള പാ​ല​ത്തി​ന​ടി​യി​ലൂ​ടെ വെ​ള്ളം ഒ​ഴു​കി പോ​കു​ന്നി​ല്ല എ​ന്ന​താ​ണ് മൂ​ന്നാ​മ​ത്തെ കാ​ര്യം. പാ​ല​ത്തി​ന​ടി വ​ശം കോ​ണ്‍​ക്രീ​റ്റ് ചെ​യ്തി​രി​ക്കു​ക​യാ​ണ്. ഇ​വി​ടെ ര​ണ്ട​ടി വ​തീ​യി​ലെ​ങ്കി​ലും ഓ​ട നി​ർ​മി​ച്ചാ​ലേ സ്റ്റേ​ഡി​യി​ൽ നി​ന്ന് ഒ​ഴു​കി വ​രു​ന്ന വെ​ള്ളം സ​മീ​പ​ത്തെ തോ​ട്ടി​ലേ​ക്കും അ​തു​വ​ഴി മീ​ന​ച്ചി​ലാ​റി​ന്‍റെ കൈ​വ​ഴി​യി​ലേ​ക്കും എ​ത്തു​ക​യു​ള്ളു. ഈ ​മൂ​ന്നു കാ​ര്യ​ങ്ങ​ൾ പ​രി​ഹ​രി​ക്കാ​തെ നെ​ഹൃ​സ്റ്റേ​ഡി​യ​ത്തി​ൽ നി​ല​വി​ലു​ള്ള വെ​ള്ള​ത്തി​ന്‍റെ പ്ര​ശ്നം പ​രി​ഹ​രി​ക്കാ​ൻ ക​ഴി​യി​ല്ല.

പ​രി​ശീ​ല​നം മു​ട​ങ്ങി, വൈ​ദ്യു​തി​യി​ല്ല

സ്റ്റേ​ഡി​യ​ത്തി​ൽ വെ​ള്ളം നി​റ​ഞ്ഞ​തി​നാ​ൽ ദി​വ​സ​വു​മു​ള്ള ഫു​ട്ബോ​ൾ പ​രി​ശീ​ല​നം മു​ട​ങ്ങി​യി​രി​ക്കു​ക​യാ​ണ്. അ​തു​പോ​ലെ അ​ത്ല​റ്റി​ക് വി​ഭാ​ഗ​ങ്ങ​ളു​ടെ പ​രി​ശീ​ല​ന​വും മു​ട​ങ്ങി. വെ​ള്ള​പ്പൊ​ക്ക സ​മ​യ​ത്ത് വൈ​ദ്യു​തി ലൈ​ൻ ത​ക​രാ​റി​ലാ​യി​ട്ട് ഇ​തു​വ​രെ പു​ന: സ്ഥാ​പി​ക്കാ​നാ​യി​ല്ല. അ​തി​നാ​ൽ സ്റ്റേ​ഡി​യം ഇ​പ്പോ​ൾ ഇ​രു​ട്ടി​ലാ​ണ്. സ്റ്റേ​ഡി​യം പ​ല​യി​ട​ത്തും ത​ക​ർ​ന്നു കി​ട​ക്കു​ക​യാ​ണ്. അ​റ്റ​കു​റ്റ​പ്പ​ണി​ക​ൾ പോ​ലും ന​ട​ക്കു​ന്നി​ല്ല. ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള രാ​ജ്യാ​ന്ത​ര സ്റ്റേ​ഡി​യ​മാ​ക്കു​മെ​ന്ന പ്ര​ഖ്യാ​പ​നം ഏ​താ​നും വ​ർ​ഷം മു​ൻ​പ് ന​ട​ത്തി​യ​വ​രെ​യും ഇ​പ്പോ​ൾ കാ​ണാ​നി​ല്ല.