കേരളാ അതിര്‍ത്തിയില്‍ പന്നി മനുഷ്യക്കുഞ്ഞിനെ പ്രസവിച്ചു. കിട്ടിയവര്‍ കിട്ടിയവര്‍ വാട്‌സാപ്പിലും ഫേസ്ബുക്കിലും ഷെയര്‍ ചെയ്തു സായൂജ്യമടഞ്ഞു. സത്യമെന്താണെന്ന് ആരും തിരക്കിയതുമില്ല. സത്യത്തില്‍ പന്നി പ്രസവിച്ചതാണോ മനുഷ്യ കുഞ്ഞിനെ. ഇപ്പോള്‍ സത്യം പുറത്തു വന്നിരിക്കുകയാണ്.
ഇറ്റാലിയന്‍ കലാകാരനായ ലെറ മഗനാച്ചോയുടെ ഒരു സൃഷ്ടിയാണ് ഇത്. കാഴ്ചയില്‍ യഥാര്‍ത്ഥമാണെന്ന് തോന്നുന്ന ഇത് നിര്‍മ്മിച്ചിരിക്കുന്നത് സിലിക്കണ്‍ റബ്ബര്‍ ഉപയോഗിച്ചാണ്. തന്റെ ഇന്‍സ്റ്റഗ്രാമിലൂടെ ദിവസങ്ങള്‍ക്ക് മുന്‍പ് ലൈറ തന്നെയാണ് കലാസൃഷ്ടി പുറത്തു വിട്ടത്. ത് വില്‍ക്കാനുണ്ടെന്ന് കാണിച്ച് ഫേസ്ബുക്കിലും ലൈറ പോസ്റ്റിട്ടിരുന്നു.
ചില വിരുതന്മാര്‍ ഈ ചിത്രമെടുത്ത് ഇന്ത്യയിലെ കേരള-കര്‍ണ്ണാടക അതിര്‍ത്തിയിലുണ്ടായ യഥാര്‍ത്ഥ സംഭവമാണെന്ന തരത്തില്‍ പ്രചരിപ്പിക്കുകയായിരുന്നു. എന്തായാലും സത്യം അറിയും മുമ്പേ ഷെയര്‍ ചെയ്യുന്ന മലയാളികളുടെ ശീലം പലരും നന്നായി മുതലെടുക്കുന്നുവെന്നത് സത്യമാണ്.
