നോൺ ക്ലിനിക്കൽ വിഭാഗത്തിലെ ഡോക്ടർമാർക്ക് ക്ലിനിക്കിൽ വിഭാഗത്തിൽ ഡ്യൂട്ടി; കോട്ടയം മെഡിക്കൽ കോളജിലെ പിജി ഡോക്ടർമാർ നാളെ മുതൽ സമരത്തിൽ

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പോ​സ്റ്റ് ഗ്രാ​ജേ്വ​റ്റ് (പി​ജി) ഡോ​ക്ട​ർ​മാ​ർ നാ​ളെ മു​ത​ൽ അ​നി​ശ്ചി​ത​കാ​ല സ​മ​ര​ത്തി​ലേ​ക്ക്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പു​തി​യ അ​ത്യാ​ഹി​ത വി​ഭാ​ഗ​ത്തി​ൽ നോ​ണ്‍ ക്ലി​നി​ക്ക​ൽ വി​ഭാ​ഗ​ത്തി​ലെ ഡോ​ക്ട​ർ​മാ​രെ ക്ലി​നി​ക്ക​ൽ വി​ഭാ​ഗ​ത്തി​ൽ ഡ്യ​ട്ടി​ക്കാ​യി നി​യ​മി​ച്ച​ത് പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണു സ​മ​രം ന​ട​ത്തു​ന്ന​ത്.

മ​റ്റു ഗ​വ​ണ്‍​മെ​ന്‍റ് ആ​ശു​പ​ത്രി​ക​ൾ, സ്വ​കാ​ര്യ ആ​ശു​പ​ത്രി​ക​ൾ എ​ന്നി​വി​ട​ങ്ങ​ളി​ൽ നി​ന്നും റ​ഫ​ർ ചെ​യ്യു​ന്ന രോ​ഗി​ക​ളാ​ണ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന​ത്. അ​തി​നാ​ൽ അ​ത്യാ​ഹി​ത വി​ഭാ​ഗ​ത്തി​ൽ വി​ദ​ഗ്ധ ഡോ​ക്ട​ർ​മാ​രു​ടെ സേ​വ​നം ല​ഭ്യ​മാ​ക്ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം.

ഇ​പ്പോ​ൾ അ​ത്യാ​ഹി​ത വി​ഭാ​ഗ​ത്തി​ൽ ഡ്യൂ​ട്ടി​ക്ക് നി​യോ​ഗി​ക്ക​പ്പെ​ട്ടി​രി​ക്കു​ന്ന പി​ജി ഡോ​ക്ട​ർ​മാ​ർ പ്രാ​വി​ണ്യം കു​റ​ഞ്ഞ വ​രാ​ണെ​ന്നും ഇ​വ​രെ ഇ​ങ്ങ​നെ നി​യ​മി​ച്ചാ​ൽ സ്ഥി​ര നി​യ​മ​ന​ങ്ങ​ൾ​ക്ക് കാ​ല​താ​മ​സം നേ​രി​ടു​മെ​ന്നും, പ​ല​രു​ടെ​യും പ്രാ​യം പി​എ​സ്‌സി​ക്ക് അ​പേ​ക്ഷ ന​ൽ​കാ​ൻ ക​ഴി​യാ​ത്ത വി​ധ​മാ​കു​മെ​ന്നും പി​ജി അ​സോ​സി​യേ​ഷ​ൻ ഭാ​ര​വാ​ഹി​ക​ൾ പ​റ​ഞ്ഞു.

അ​ത്യാ​ഹി​ത വി​ഭാ​ഗ​ത്തി​ൽ താ​ൽ​ക്കാ​ലി​ക​മാ​യി നി​യ​മി​ക്ക​പ്പെ​ട്ട ഡോ​ക്ട​ർ​മാ​രെ മാ​റ്റി വി​ദ​ഗ്ധ ഡോ​ക്ട​ർ​മാ​രെ നി​യ​മി​ക്ക​ണ​മെ​ന്ന ത​ങ്ങ​ളു​ടെ ആ​വ​ശ്യം അം​ഗീ​ക​രി​ക്കാ​ൻ കോ​ള​ജ് അ​ധി​കൃ​ത​ർ ത​യാ​റാ​കാ​ത്ത​തി​നാ​ലാ​ണ് അ​നി​ശ്ചി​ത​കാ​ല സ​മ​രം ന​ട​ത്തേ​ണ്ടി​വ​രു​ന്ന​തെ​ന്ന് പി​ജി അ​സോ​സി​യേ​ഷ​ൻ ഭാ​ര​വാ​ഹി ഡോ. ​ക്രി​സ്റ്റ​ഫ​ർ ഉ​ദ​യ​ൻ പ​റ​ഞ്ഞു.