കണ്ണൂർ: മട്ടന്നൂർ വെളിയന്പ്ര പെരിയത്തിൽനിന്നും രണ്ട് സ്റ്റീൽ ബോംബുകൾ കണ്ടെടുത്തു. രാവിലെ പെരിയം കന്പിവേലിയിലെ ചെങ്കൽ ക്വാറിക്കു സമീപത്ത് അടുക്കിവച്ച ചെങ്കല്ലുകൾക്കിടയിൽ നിന്നാണ് ബോംബുകൾ കണ്ടെത്തിയത്.
രഹസ്യവിവരത്തെ തുടർന്ന് മട്ടന്നൂർ സിഐ ജോഷി ജോസിന്‍റെ നേതൃത്വത്തിലുള്ള സംഘം നടത്തിയ പരിശോധനയിലാണ് ഉഗ്രസ്ഫോടന ശേഷിയുള്ള സ്റ്റീൽ ബോംബുകൾ കണ്ടെടുത്തത്. ഇവ മട്ടന്നൂർ പോലീസ് സ്റ്റേഷനിലേക്ക് മാറ്റി. മാസങ്ങൾക്കു മുന്പ് ഈ പ്രദേശങ്ങളിൽനിന്നു വാളുകൾ പിടികൂടിയിരുന്നു. സംഭവത്തെക്കുറിച്ച് പോലീസ് അന്വേഷണം തുടങ്ങി.
