ദുരിത പ്രളയത്തിൽ ബുദ്ധിമുട്ട് അനുഭവിക്കുന്നവർക്ക് കൈത്താങ്ങായി തെന്നിന്ത്യൻ താരം അമലാ പോളും. ഷൂട്ടിംഗിനിടെ കൈക്ക് പരിക്കേറ്റ് വിശ്രമത്തിലായിരുന്ന താരം, അത് അവഗണിച്ച് ദുരിതാശ്വാസ ക്യാമ്പുകളിൽ കഴിയുന്നവർക്കുള്ള സാധനങ്ങൾ വാങ്ങുവാൻ നേരിട്ട് എത്തുകയായിരുന്നു.
കൊച്ചി‍യിലെ ദുരിതാശ്വാസ കേന്ദ്രങ്ങളിൽ താമസിക്കുന്നവർക്ക് വിതരണം ചെയ്യുവാനുള്ള ആവശ്യ വസ്തുക്കൾ അമല പോൾ വാങ്ങുന്നതിന്‍റെ ചിത്രങ്ങളും പുറത്തു വന്നിട്ടുണ്ട്. കുടുംബാംഗങ്ങൾക്കൊപ്പമാണ് അമല പോൾ കടയിലെത്തിയത്.
ദുരന്ത ബാധിതർക്കുള്ള ധനസഹായം, നൽകിയും വാഗ്ദാനം ചെയ്തും ധാരാളമാളുകളാണ് രംഗത്തെത്തിയിട്ടുള്ളത്. പ്രമുഖ താരങ്ങളായ മോഹൻലാൽ, മമ്മൂട്ടി, ദുൽഖർ സൽമാൻ മലയാള ചലച്ചിത്ര താര സംഘടനയായ അമ്മ തമിഴ് താരങ്ങളായ സൂര്യ, കാർത്തി, വിശാൽ, കമൽഹാസൻ, വിജയ് സേതുപതി, ധനുഷ് എന്നിവരും ധനസഹായം നൽകിയിട്ടുണ്ട്.
