മുംബൈ: പരിക്കിനെത്തുടർന്ന് വിശ്രമത്തിലായിരുന്ന പേസ് ബൗളർ ഭുവനേശ്വർ കുമാറിനെ ദക്ഷിണാഫ്രിക്ക എ ടീമിനെതിരായ ഇന്ത്യ എ ടീമിൽ ബിസിസിഐ ഉൾപ്പെടുത്തി. എന്നാൽ, ചൊവ്വാഴ്ച നടന്ന ഏകദിന മത്സരത്തിൽ ഭുവനേശ്വറിനെ കളിപ്പിച്ചില്ല.
മത്സരത്തിൽ ദക്ഷിണാഫ്രിക്ക എ നാല് വിക്കറ്റ് ജയം നേടി. സ്കോർ: ഇന്ത്യ എ 37.3 ഓവറിൽ 157ന് പുറത്ത്. ദക്ഷിണാഫ്രിക്ക 37.4 ഓവറിൽ ആറ് വിക്കറ്റ് നഷ്ടത്തിൽ 159. ഇന്ത്യ എയ്ക്കായി മലയാളിതാരം സഞ്ജു വി. സാംസണും (36 റണ്‍സ്) ദീപക് ചാഹറും (38 റണ്‍സ്) മാത്രമാണ് ഭേദപ്പെട്ട ബാറ്റിംഗ് കാഴ്ചവച്ചത്.
