ഇ​ഴ​ജ​ന്തു​ക്ക​ളു​ടെ താ​വ​ള​മായിരണ്ടേക്കർ സർക്കാർ ഭൂമി; പാമ്പുകളെ പേടിച്ച് പുറത്തിറങ്ങാൻ  കഴിയാത്ത അവസ്ഥയെന്ന് നാട്ടുകാർ

കൂ​ത്താ​ട്ടു​കു​ളം: കാ​ടു​ക​യ​റി കി​ട​ക്കു​ന്ന സ​ർ​ക്കാ​ർ ഭൂ​മി ഇ​ഴ​ജ​ന്തു​ക്ക​ളു​ടെ താ​വ​ള​മാ​കു​ന്ന​താ​യി പ​രാ​തി. കൂ​ത്താ​ട്ടു​കു​ള​ത്ത് പൊ​തു​മ​രാ​മ​ത്ത് അ​സി​സ്റ്റ​ന്‍റ് എ​ൻ​ജി​നി​യ​റു​ടെ ഓ​ഫീ​സി​നും വി​ശ്ര​മ​മ​ന്ദി​ര​ത്തി​നും സ​മീ​പ​ത്തു​ള്ള ര​ണ്ടേ​ക്ക​റോ​ളം വ​രു​ന്ന സ​ർ​ക്കാ​ർ ഭൂ​മി​യാ​ണ് കാ​ടു​ക​യ​റി പ്ര​ദേ​ശ​വാ​സി​ക​ൾ​ക്ക് ഭീ​ഷ​ണി​യാ​യി മാ​റി​യി​രി​ക്കു​ന്ന​ത്.

ഇ​ഴ​ജ​ന്തു​ക്ക​ളെ ഭ​യ​ന്നാ​ണ് സ​മീ​പ​ത്തെ വീ​ട്ടു​കാ​ർ ക​ഴി​യു​ന്ന​ത്.നി​ര​വ​ധിത്ത​വ​ണ പൊ​തു​മ​രാ​മ​ത്ത് ഓ​ഫീ​സി​ലും ന​ഗ​ര​സ​ഭ​യി​ലും പ​രാ​തി​പ്പെ​ട്ടെ​ങ്കി​ലും ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്ന് സ​മീ​പ​വാ​സി​ക​ൾ ആ​രോ​പി​ക്കു​ന്നു. ഓ​ഫീ​സി​ലേ​ക്ക് ആ​വ​ശ്യ​മാ​യ വെ​ള്ളം എ​ടു​ത്തി​രു​ന്ന കി​ണ​റും മോ​ട്ടോ​ർ​പു​ര​യും ഉ​ൾ​പ്പെ​ടെ കാ​ടു​ക​യ​റി ന​ശി​ച്ചു. ക​ടു​ത്ത വേ​ന​ലി​ലും വ​റ്റാ​ത്ത കി​ണ​ർ നി​ല​വി​ൽ ഉ​പ​യോ​ഗ ശൂ​ന്യ​മാ​യി​ക്കി​ട​ക്കു​ക​യാ​ണ്.

ഈ ​വ​സ്തു​വി​നോ​ടു ചേ​ർ​ന്നു​ള്ള എം​വി​ഐ​പി ഗോ​ഡൗ​ണ്‍ പ​രി​സ​ര​വും കാ​ടു​ക​യ​റി​യ നി​ല​യി​ലാ​ണ്. ഇ​വി​ടെ​യാ​ണ് കൂ​ത്താ​ട്ടു​കു​ളം ടൗ​ണ്‍ യു​പി സ്കൂ​ളി​ലെ കു​ട്ടി​ക​ൾ കാ​യി​ക​പ​രി​ശീ​ല​നം ന​ട​ത്തു​ന്ന​ത്. സ്കൂ​ൾ തു​റ​ന്ന സാ​ഹ​ച​ര്യ​ത്തി​ൽ എ​ത്ര​യും വേ​ഗം പ്ര​ദേ​ശ​ത്തെ കാ​ടു​വെ​ട്ടി​തെ​ളി​ക്കു​വാ​ൻ ബ​ന്ധ​പ്പെ​ട്ട​വ​ർ ത​യാ​റാ​ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.