ഇ​തെന്ത് നീ​തി ? ഡീസ​ൽ ക്ഷാ​മ​ത്തി​ന്‍റെ പേ​രി​ൽ ബ​ലി​യാ​ടാ​കു​ന്ന​ത്  ക​ണ്ട​ക്ട​ർ​മാ​രും ഡ്രൈ​വ​ർ​മാ​രും

തൃ​ശൂ​ർ: ഡീ​സ​ൽ ക്ഷാ​മ​ത്തി​ന്‍റെ പേ​രി​ൽ കെ​എ​സ്ആ​ർ​ടി​സി സ​ർ​വീ​സ് വെ​ട്ടി​ക്കു​റ​യ്ക്കു​ന്ന​തോ​ടെ വെ​ട്ടി​ലാ​യി​രി​ക്കു​ന്ന​ത് ഡ്രൈ​വ​ർ​മാ​രും ക​ണ്ട​ക്ട​ർ​മാ​രും. സ​ർ​വീ​സ് വെ​ട്ടി​ക്കു​റ​യ്ക്കു​ന്ന​തി​നാ​ൽ ജീ​വ​ന​ക്കാ​രു​ടെ ഡ്യൂ​ട്ടി​യും ഇ​ല്ലാ​താ​കു​ക​യാ​ണ്. എ​ന്നാ​ൽ ബ​സ് സ​ർ​വീ​സ് വെ​ട്ടി​ക്കു​റ​യ്ക്കു​ന്ന​തി​ന്‍റെ പേ​രി​ൽ ന​ഷ്ട​മു​ണ്ടാ​കു​ന്ന​ത് ഡ്രൈ​വ​ർ​മാ​ർ​ക്കും ക​ണ്ട​ക്ട​ർ​മാ​ർ​ക്കും മാ​ത്ര​മാ​ണെ​ന്നാ​ണ് പ​രാ​തി ഉ​യ​രു​ന്ന​ത്.

ടാ​ങ്കി​ൽ ഡീ​സ​ലെ​ത്തി​യി​ല്ലെ​ങ്കി​ലും അ​വി​ടെ​യു​ള്ള ജീ​വ​ന​ക്കാ​രു​ടെ ഡ്യൂ​ട്ടി ഇ​ല്ലാ​താ​ക്കു​ന്നി​ല്ല. വ​ർ​ക്ക്ഷോ​പ്പി​ലെ ജീ​വ​ന​ക്കാ​രു​ടെ​യും ഓ​ഫീ​സ് ജീ​വ​ന​ക്കാ​രു​ടെ​യു​മൊ​ക്കെ ഡ്യൂ​ട്ടി​ക്ക് ഒ​രു ത​ട​സ​വും വ​രു​ത്താ​തെ ത​ങ്ങ​ളു​ടേ​ത​ല്ലാ​ത്ത കാ​ര​ണ​ത്താ​ൽ ബ​സ് സ​ർ​വീ​സ് മു​ട​ങ്ങു​ന്ന​തു മൂ​ലം ഡ്രൈ​വ​ർ​മാ​രെ​യും ക​ണ്ട​ക്ട​ർ​മാ​രെ​യും ബ​ലി​യാ​ടാ​ക്കു​ക​യാ​ണെ​ന്നാ​ണ് പ​രാ​തി ഉ​യ​ർ​ന്നി​രി​ക്കു​ന്ന​ത്. ഇ​തി​നെ​തി​രെ പ്ര​തി​ഷേ​ധം പു​ക​ഞ്ഞു തു​ട​ങ്ങി.

ഡീ​സ​ൽ സ​മ​യ​ത്ത് കി​ട്ടാ​ത്ത​തി​നാ​ൽ പ​ല സ​ർ​വീ​സു​ക​ളും സ​മ​യം വൈ​കി മാ​ത്ര​മേ തു​ട​ങ്ങാ​നാ​കൂ. എ​ന്നാ​ൽ ഡ്യൂ​ട്ടി​ക്ക് സ​മ​യ​ത്തു ത​ന്നെ ഡ്രൈ​വ​ർ​മാ​രും ക​ണ്ട​ക്ട​ർ​മാ​രും എ​ത്ത​ണം. ഡീ​സ​ൽ കി​ട്ടി​യാ​ൽ ത​ന്നെ സ​ർ​വീ​സ് പൂ​ർ​ത്തി​യാ​ക്കാ​നു​ള്ള​ത് കി​ട്ടാ​റി​ല്ല. ഇ​തോ​ടെ ഡ്യൂ​ട്ടി​യും ഇ​ല്ലാ​താ​കും. തൃ​ശൂ​രി​ൽ നി​ന്ന് കോ​ഴി​ക്കോ​ട്ടേ​ക്ക് പോ​കു​ന്ന ബ​സ് തി​രി​ച്ചെ​ത്തി എ​റ​ണാ​കു​ള​ത്തി​നു പോ​യി മ​ട​ങ്ങി തൃ​ശൂ​രി​ലെ​ത്തു​ന്ന സ​ർ​വീ​സു​ക​ൾ ഡീ​സ​ലി​ല്ലാ​ത്ത​തി​നാ​ൽ കോ​ഴി​ക്കോ​ടു നി​ന്ന് തൃ​ശൂ​രെ​ത്തു​ന്പോ​ൾ അ​വ​സാ​നി​പ്പി​ക്കു​ന്നു​ണ്ട്.

ഇ​ത്ത​ര​ത്തി​ൽ സ​ർ​വീ​സ് അ​വ​സാ​നി​പ്പി​ക്കു​ന്പോ​ൾ ജീ​വ​ന​ക്കാ​രു​ടെ ര​ണ്ടു ഡ്യൂ​ട്ടി എ​ന്ന​ത് ഒ​രു ഡ്യൂ​ട്ടി​യാ​യി കു​റ​യും. ജോ​ലി​ക്ക് കാ​ര്യ​മാ​യ കു​റ​വു​മി​ല്ല, എ​ന്നാ​ൽ ഡ്യൂ​ട്ടി കി​ട്ടു​ന്നു​മി​ല്ല. ബ​സു​ക​ൾ ഓ​ടി​ക്കി​ട്ടു​ന്ന വ​രു​മാ​നം കൊ​ണ്ടാ​ണ് കെ​എ​സ്ആ​ർ​ടി​സി​യിലെ എ​ല്ലാ​വ​ർ​ക്കും ശ​ന്പ​ള​വും മ​റ്റാ​നു​കൂ​ല്യ​ങ്ങ​ളും ന​ൽ​കു​ന്ന​ത്. എ​ന്നാ​ൽ ബ​സു​ക​ൾ സ​ർ​വീ​സ് വെ​ട്ടി​ക്കു​റ​ച്ചാ​ൽ ന​ഷ്ടം ഡ്രൈ​വ​ർ​മാ​ർ​ക്കും ക​ണ്ട​ക്ട​ർ​മാ​ർ​ക്കും മാ​ത്രം. ഇ​ത് എ​ന്ത് നീ​തി​യെ​ന്നാ​ണ് ജീ​വ​ന​ക്കാ​രു​ടെ ചോ​ദ്യം.

ഇ​ത്ത​രം ന​ട​പ​ടി​ക​ൾ അ​വ​സാ​നി​പ്പി​ച്ച് ത​ങ്ങ​ളു​ടേ​ത​ല്ലാ​ത്ത കാ​ര​ണ​ത്താ​ൽ സ​ർ​വീ​സ് മു​ട​ങ്ങു​ന്പോ​ൾ ഡ്യൂ​ട്ടി ഇ​ല്ലാ​താ​ക്ക​രു​തെ​ന്ന ആ​വ​ശ്യം സം​ഘ​ട​ന​ക​ൾ ബ​ന്ധ​പ്പെ​ട്ട​വ​രെ അ​റി​യി​ച്ചു ക​ഴി​ഞ്ഞു. ത​ങ്ങ​ളു​ടെ ന്യാ​യ​മാ​യ ആ​വ​ശ്യം അം​ഗീ​ക​രി​ച്ചി​ല്ലെ​ങ്കി​ൽ മ​റ്റു ന​ട​പ​ടി​ക​ളെ​ടു​ക്കു​ന്ന​തു സം​ബ​ന്ധി​ച്ചും സം​ഘ​ട​ന​ക​ൾ ച​ർ​ച്ച ന​ട​ത്തും.

എ​ന്നാ​ൽ ഡീ​സ​ൽ ക്ഷാ​മ​ത്തി​ന്‍റെ പേ​രി​ൽ എ​ല്ലാ ഡി​പ്പോ​ക​ളി​ലും ഇ​രു​പ​ത് ശ​ത​മാ​നം സ​ർ​വീ​സു​ക​ൾ വെ​ട്ടി​ക്കു​റ​യ്ക്കാ​ൻ മു​ക​ളി​ൽ നി​ന്ന് ഉ​ത്ത​ര​വ് ന​ൽ​കി​യി​ട്ടു​ണ്ട്. പ​ക്ഷേ ഇ​തു പു​റ​ത്തു പ​റ​യാ​തെ ലാ​ഭ​മി​ല്ലാ​ത്ത സ​ർ​വീ​സു​ക​ളൊ​ക്കെ വെ​ട്ടി​ക്കു​റ​യ്ക്കു​ന്നു​ണ്ട്. ഇ​പ്പോ​ൾ ഡീ​സ​ലി​ന് ക്ഷാ​മ​മി​ല്ലെ​ന്നാ​ണ് അ​ധി​കാ​രി​ക​ളു​ടെ വി​ശ​ദീ​ക​ര​ണം. എ​ന്നാ​ൽ ഡീ​സ​ൽ സ​മ​യ​ത്ത് എ​ത്താ​ത്ത​തി​നാ​ൽ പ​ല സ​ർ​വീ​സു​ക​ളും രാ​വി​ലെ തു​ട​ങ്ങാ​ൻ സാ​ധി​ക്കാ​തെ വ​ന്നി​രു​ന്നു.