മുക്കം: മരഞ്ചാട്ടിയിൽ പരിസ്ഥിതി പ്രവർത്തകരെ ടിപ്പർ തൊഴിലാളികൾ മർദ്ദിച്ചു. ഇന്ന് രാവിലെ ഒമ്പതോടയാണ് സംഭവം. അഞ്ചോളം വരുന്ന ടിപ്പർ തൊഴിലാളികൾ പരിസ്ഥിതി പ്രവർത്തകരായ കൂരപ്പള്ളി ബാബു , പികെ ബഷീർ എന്നിവരെയാണ് മർദ്ദിച്ചത്‌ബാബു തന്‍റെ തറവാട്ടിൽ പോയി വരുന്ന വഴി അഞ്ചോളം വരുന്ന ടിപ്പർ തൊഴിലാളികൾ ക്രൂരമായി മർദ്ദിക്കുകയായിരുന്നു.
ഈ സമയം ഇതുവഴി വന്ന ബഷീർ ബാബുവിനെ മർദ്ദിക്കുന്നത് കണ്ടതോടെ തന്‍റെ കയ്യിലുണ്ടായിരുന്ന കാമറയിൽ ബാബുവിനെ അടിക്കുന്ന ദൃശ്യങ്ങൾ പകർത്തിയത് കണ്ട ടിപ്പർ തൊഴിലാളികൾ ബഷീറിനെയും മർദ്ദിക്കുകയായിരുന്നു. മർദ്ദനത്തിൽ തലക്കും കാലിനും മുഖത്തും പരിക്കേറ്റു.
ഇവർ മണിക്കൂറുകളോളം റോഡിൽ കിടന്നെങ്കിലും പിന്നീട് മുക്കത്ത് നിന്നും എത്തിയ പോലീസും നാട്ടുകാരും ചേർന്ന് ഹോസ്പിറ്റലിലെത്തിച്ചു. തൊട്ടടുത്ത പൂനൂർ പോയിൽ ക്രഷറിലേക്ക് എത്തിയ ടിപ്പർ തൊഴിലാളികളാണ് തങ്ങളെ മർദിച്ചതെന്ന് ഇവർ പറയുന്നു. ഈ ക്രഷറിനെതിരെ നിരവധി തവണ ഇവർ പരാതി നൽകിയിരുന്നു .ഇതിന്‍റെ വൈരാഗ്യമാണ് ഇന്നുണ്ടായ മർദ്ദനത്തിന് കാരണമെന്ന് ഇവർ പറയുന്നത്
