അമ്മയാകാനൊരുങ്ങുന്ന സന്തോഷത്തിലാണ് നടി കാവ്യാ മാധവനെന്ന വാര്‍ത്തകള്‍ ഇക്കഴിഞ്ഞ ദിവസങ്ങളില്‍ പുറത്തു വന്നിരുന്നു. കാവ്യാ മാധവന്റെ അച്ഛനാണ് മാധ്യമങ്ങളോട് അക്കാര്യം വെളിപ്പെടുത്തിയതും. ഇപ്പോഴിതാ വാര്‍ത്ത പൂര്‍ണ്ണമായും സത്യമാണെന്ന് വെളിപ്പെടുത്തി നിറവയറിലുള്ള നടിയുടെ ചിത്രങ്ങള്‍ ഇപ്പോള്‍ പുറത്തുവന്നിരിക്കുന്നു. ബേബി ഷവര്‍ ആഘോഷത്തിന്റെ ചിത്രങ്ങളാണ് സോഷ്യല്‍ മീഡിയയിലൂടെ പുറത്തു വന്നിരിക്കുന്നത്. അടുത്ത സുഹൃത്തുക്കള്‍ക്കും ബന്ധുക്കള്‍ക്കുമൊപ്പമായിരുന്നു കാവ്യയുടെയും കുടുംബത്തിന്റെയും ആഘോഷം.
മഞ്ഞ ഗൗണില്‍ അതിസുന്ദരിയായാണ് കാവ്യ പ്രത്യക്ഷപ്പെട്ടത്. ദിലീപിന്റെ മകള്‍ മീനാക്ഷിയും കാവ്യയോടൊപ്പം ആഘോഷങ്ങളില്‍ പങ്കെടുത്തിരുന്നു. കണ്‍മണിയെ വരവേല്‍ക്കാനുള്ള ഒരുക്കത്തിന്റെ സന്തോഷം കാവ്യയുടെ മുഖത്ത് വ്യക്തം. ദിലീപുമായുള്ള വിവാഹത്തിനുശേഷം പൂര്‍ണമായും സിനിമയില്‍ നിന്നും വിട്ട് വീട്ടുകാര്യങ്ങളില്‍ ശ്രദ്ധിക്കുകയായിരുന്നു കാവ്യ. 2016 നവംബര്‍ 25 നായിരുന്നു ദിലീപും കാവ്യയും തമ്മിലുള്ള വിവാഹം കൊച്ചിയില്‍ നടന്നത്.
https://youtu.be/NwHzqV3gQYc
