വ​ട്ട​പ്പാ​റ, ആ​റ്റി​ല ജ​ല​വൈ​ദ്യു​ത ​പ​ദ്ധ​തി; പ്ര​തീ​ക്ഷ​യോ​ടെ പ്ര​ദേ​ശ​വാ​സി​ക​ൾ

മാ​ത്യു ക​ല്ല​ടി​ക്കോ​ട്
ക​ല്ല​ടി​ക്കോ​ട്: ജി​ല്ല​യി​ലെ പ്ര​ധാ​ന കു​ടി​യേ​റ്റ മേ​ഖ​ല​യി​ലെ വ​ട്ട​പ്പാ​റ, ആ​റ്റി​ല, ജ​ല​വൈ​ദ്യു​തി പ​ദ്ധ​തി​ക​ൾ മീ​ൻ​വ​ല്ലം പ​ദ്ധ​തി​പോ​ലെ ജി​ല്ലാ പ​ഞ്ചാ​യ​ത്തി​ന് ന​ട​പ്പാ​ക്കാ​നാ​വു​മെ​ന്ന പ്ര​തീ​ക്ഷ​യി​ലാ​ണ് പ്ര​ദേ​ശ​വാ​ശി​സി​ക​ൾ. പാ​ല​ക്ക​യം വ​ട്ട​പ്പാ​റ​യി​ലും മീ​ൻ​വ​ല്ല​ത്തി​നു​സ​മീ​പം ക​രി​മ​ല​യി​ലു​മു​ള്ള വെ​ള്ള​ചാ​ട്ട​ങ്ങ​ളാ​ണ് മീ​ൻ​വ​ല്ലം​പോ​ലെ വൈ​ദ്യു​തി ഉ​ത്പാ​ദി​പ്പി​ക്കാ​നാ​കു​മെ​ന്ന് ക​രു​തു​ന്ന​ത്.

ഇ​തി​കം നി​ര​വ​ധി പ​രി​ശോ​ധ​ന​ക​ളും പ​ഠ​ന​ങ്ങ​ളും ന​ട​ത്തി വൈ​ദ്യു​തി ഉ​ത്പാ​ദ​ന​ത്തി​ന് അ​നു​യോ​ജ്യ​മാ​ണെ​ന്നുì​ക​ണ്ടെ​ത്തു​ക​യും ചെ​യ്തി​ട്ടു​ണ്ട്.പാ​ല​ക്ക​യം വ​ട്ട​പ്പാ​റ​യി​ലെ മി​നി​ജ​ല വൈ​ദ്യു​ത​പ​ദ്ധ​തി അ​നി​ശ്ചി​ത​മാ​യി നീ​ളു​ന്നു. മ​ല​ക​ളാ​ൽ ചു​റ്റ​പ്പെ​ട്ടു കി​ട​ക്കു​ന്ന ഈ ​പ്ര​ദേ​ശ​ത്തെ വെ​ള്ള​ച്ചാ​ട്ട​ങ്ങ​ൾ ഉ​പ​യോ​ഗി​ച്ച് വി​വി​ധ ഭാ​ഗ​ങ്ങ​ളി​ൽ നി​ന്നാ​യി 12 മെ​ഗാ​വാ​ട്ട് വൈ​ദ്യു​തി ഉ​ത്പാ​ദി​പ്പി​ക്കാ​നാ​യി​രു​ന്നു പ​ദ്ധ​തി.

1998ൽ ​സം​സ്ഥാ​ന വൈ​ദ്യു​തി വ​കു​പ്പ് നേ​രി​ട്ടു ന​ട​ത്തി​യ സ​ർ​വേ​യു​ടെ അ​ടി​സ്ഥാ​ന​ത്തി​ലാ​യി​രു​ന്നു​ക​ണ്ടെ​ത്ത​ൽ.45 കോ​ടി രൂ​പ ചെ​ല​വി​ൽ വൈ​ദ്യു​തി ഉ​ത്പാ​ദി​പ്പി​ക്കാ​നാ​കു​മെ​ന്ന് സ​ർ​ക്കാ​രി​ന് ന​ല്കി​യ റി​പ്പോ​ർ​ട്ടി​ൽ സൂ​ചി​പ്പി​ച്ചി​രു​ന്നു. വൈ​ദ്യു​തി എ​ത്തി​ക്കാ​ൻ പ്ര​യാ​സ​മു​ള്ള ഈ ​മേ​ഖ​ല​യി​ൽ കു​റ​ഞ്ഞ ചെ​ല​വി​ൽ വൈ​ദ്യു​തി എ​ത്തി​ക്കാ​നാ​യി​രു​ന്നു​പ​ദ്ധ​തി​യി​ട്ടി​രു​ന്ന​ത്.

ശി​രു​വാ​ണി പു​ഴ​യു​ടെ പോ​ഷ​ക​ന​ദി​യാ​യ ക​ല്ലാ​ർ പു​ഴ​യി​ലേ​യും ചെ​റു​പു​ഴ​യി​ലെ​യും വെ​ള്ള​മു​പ​യോ​ഗി​ച്ച് വൈ​ദ്യു​തി ഉ​ത്പാ​ദി​പ്പി​ക്കാ​ൻ ല​ക്ഷ്യ​മി​ട്ടാ​യി​രു​ന്നു ഇ​ത്.പാ​ന്പാ​ർ പു​ഴ​യി​ലെ വെ​ള്ളം വ​ട്ട​പ്പാ​റ​യി​ലെ​ത്തി​ച്ച് അ​ഞ്ച് മെ​ഗാ​വാ​ട്ടും ക​ല്ലാ​ർ പു​ഴ​യി​ലെ വെ​ള്ളം ചെ​റു​പു​ഴ​യി​ൽ നി​ർ​മി​ക്കു​ന്ന ത​ട​യ​ണ​യി​ലെ​ത്തി​ച്ച് ഏ​ഴ് മെ​ഗാ​വാ​ട്ടും ഉ​ത്പാ​ദി​പ്പി​ക്കാ​മെ​ന്നാ​യി​രു​ന്നു വൈ​ദ്യു​തി ബോ​ർ​ഡി​ന്‍റെ ക​ണ്ടെ​ത്ത​ൽ.

ര​ണ്ടു​വ​ർ​ഷ​ത്തി​നു​ള്ളി​ൽ പ​ദ്ധ​തി യാ​ഥാ​ർ​ഥ്യ​മാ​കു​മെ​ന്ന് പ​റ​ഞ്ഞ ബോ​ർ​ഡ് 25 വ​ർ​ഷ​മാ​യി​ട്ടും പ്രാ​രം​ഭ​ന​ട​പ​ടി​ക​ളി​ൽ മാ​ത്രം ഒ​തു​ങ്ങി നി​ല്ക്കു​ക​യാ​ണ്.ക​രി​മ​ല​യി​ൽ ഉ​ത്ഭ​വി​ക്കു​ന്ന ഇ​രു​ന്പാ​മു​ട്ടി വ​ഴി ഒ​ഴു​കു​ന്ന പു​ഴ​യ്ക്ക് ആ​റ്റി​ല​യി​ൽ ത​ട​യ​ണ​കെ​ട്ടി ര​ണ്ടു മെ​ഗാ​വാ​ട്ട് വൈ​ദ്യു​തി ഉ​ത്പാ​ദി​പ്പി​ക്കു​ന്ന​തി​നു​വേ​ണ്ടി സ​ർ​ക്കാ​ർ ദ​ർ​ഘാ​സ് ക്ഷ​ണി​ക്കു​ക​യും സി​ൽ​ക്കി​നെ നി​ർ​മാ​ണ ചു​മ​ത​ല ഏ​ല്പി​ക്കു​ക​യും ചെ​യ്തി​രു​ന്നു. എ​ന്നാ​ൽ പ​ത്തു​വ​ർ​ഷ​മാ​യി​ട്ടും തു​ട​ർ​ന​ട​പ​ടി​ക​ളൊ​ന്നും ഉ​ണ്ടാ​യി​ട്ടി​ല്ല.
വൈ​ദ്യു​തി എ​ത്താ​ത്ത ഈ ​മ​ല​യോ​ര​മേ​ഖ​ല​യി​ൽ മു​ൻ സ​ർ​ക്ക​രി​ന്‍റെ കാ​ല​ത്ത് സ​ന്പൂ​ർ​ണ വൈ​ദ്യു​തി പ​ദ്ധ​തി​യി​ലു​ൾ​പ്പെ​ടു​ത്തി കു​റ​ച്ചു വീ​ടു​ക​ളി​ൽ വൈ​ദ്യു​തി എ​ത്തി​ക്കു​ക​യാ​യി​രു​ന്നു. വൈ​ദ്യു​തി​ക്ഷാ​മം നേ​രി​ടു​ന്ന കേ​ര​ള​ത്തി​ൽ ഇ​ത്ത​ര​ത്തി​ലു​ള്ള ചെ​ല​വു​കു​റ​ഞ്ഞ ജ​ല​വൈ​ദ്യു​തി പ​ദ്ധ​തി​ക​ൾ ന​ട​പ്പി​ലാ​ക്കി​യാ​ൽ പ്രാ​ദേ​ശി​ക​മാ​യി കു​റ​ഞ്ഞ ചെ​ല​വി​ൽ വീ​ടു​ക​ളി​ൽ വൈ​ദ്യു​തി എ​ത്തി​ക്കാ​നാ​കും.വ​ട്ട​പ്പാ​റ, ആ​റ്റി​ല ജ​ല​വൈ​ദ്യു​തി പ​ദ്ധ​തി​ക​ളു​ടെ പ​ണി ഉ​ട​നേ ആ​രം​ഭി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.