മട്ടന്നൂർ: വനത്തിൽ നിന്നു തീറ്റ തേടി വാനരൻമാർ ജനവാസ കേന്ദ്രത്തിലേക്ക് ഇറങ്ങുന്നത് വ്യാപക മാകുന്നു. കൂട്ടത്തോടെയെത്തുന്ന വാനരൻമാർ കടകളിലും മറ്റും കയറി ഭക്ഷ്യസാധനങ്ങളുമായി കടന്നു കളയുകയാണ്. മട്ടന്നൂർ ബസ്‌സ്റ്റാൻഡ് പരിസരത്തെ ഐബി പറമ്പിലും മറ്റുമായി നിരവധി വാനരൻമാരാണെത്തിയത്.
ചാവശേരി സ്വദേശി രാജീവന്‍റെ ഇളനീർ കടയിലെത്തിയ വാനരൻ ഇളനീരും എടുത്ത് സ്ഥലം വിട്ടു. ഇതിനു പുറമെ സമീപത്തെ കടകളിലും വീടുകളിലും വാനരൻമാരെത്തിയിരുന്നു. വാനരശല്യത്തിനു വനംവകുപ്പ് അധികൃതർ പരിഹാരം കാണണമെന്നാണ് നാട്ടുകാർ പറയുന്നത്.
