കോഴിക്കോട്: ആളില്ലാത്ത വീട്ടില്‍ വീട്ടമ്മയുടെ കത്തിയ മൃതദേഹം കണ്ടെത്തി. കുറ്റ്യാടി മാവുള്ളചാലില്‍ ഹൗസില്‍ ഉമ്മുകുല്‍സു(57) വിനെയാണ് ദുരൂഹസാഹചര്യത്തില്‍ ഇന്ന് പുലര്‍ച്ചെ മരിച്ചനിലയില്‍ കണ്ടെത്തിയത്. അവിവാഹിതയാണ്. സമീപത്ത് താമസിക്കുന്ന നബീസ എന്നയാളുടെ വീടിനു സമീപത്താണ് മൃതദേഹം കിടന്നിരുന്നത്.
സംഭവസമയത്ത് നബീസയും മകളും വീട്ടിലുണ്ടായിരുന്നില്ല. പൂര്‍ണമായും കമിഴ്ന്നുകിടക്കുന്ന രീതിയിലായിരുന്നു. കുറ്റ്യാടി പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു. വസ്ത്രങ്ങള്‍ പൂര്‍ണമായും കത്തി ശരീരത്തോട് ഒട്ടിപ്പിടിച്ച നിലയിലായിരുന്നു.
മുഖവും ഭാഗികമായി കത്തിയതിനാല്‍ ആളെ തിരിച്ചറിയാന്‍ സമയമെടുത്തതായി പോലീസ് അറിയിച്ചു. പോലീസ് കേസെടുത്ത് അന്വേഷണം ആരംഭിച്ചു.
