ആലപ്പുഴ: നഗരസഭ ടൗണ്‍ഹാളില്‍ പ്രളയ ദുരിതബാധിതര്‍ക്ക് നള്‍കുന്നതിനായി സൂക്ഷിച്ചിരുന്ന സാധനങ്ങള്‍ കടത്തിക്കൊണ്ടു പോയ സംഭവത്തില്‍ മൂന്ന് കൗണ്‍സിലര്‍മാര്‍ക്കെതിരേ നഗരസഭ സെക്രട്ടറി പോലീസില്‍ പരാതി നല്കി.
മൂന്ന് എല്‍ഡിഎഫ് കൗണ്‍സിലര്‍മാര്‍ക്കെതിരേയാണ് ചെയര്‍മാന്‍റെ നിര്‍ദേശത്തിന്‍റെ അടിസ്ഥാനത്തില്‍ പരാതി നല്കിയത്.
അതേസമയം ദുരിതാശ്വാസത്തിനുള്ള സാധനങ്ങള്‍ യുഡിഎഫ് കൗണ്‍സിലര്‍ കടത്തുന്നുന്നെന്നാരോപിച്ച് സമൂഹ മാധ്യമങ്ങളില്‍ വീഡിയോയും പ്രചരിക്കുന്നുണ്ട്.എല്‍ഡിഎഫ് കൗണ്‍സിലര്‍മാര്‍ക്കെതിരായ വിവാദം മറയ്ക്കാനുള്ള ശ്രമത്തിന്‍റെ ഭാഗമായുള്ള പ്രചാരണഭാഗമായി വ്യാജ വീഡിയോ പ്രചരിപ്പിക്കുകയാണെന്നാണ് യുഡിഎഫ് നിലപാട്.
സമൂഹ മാധ്യമങ്ങളില്‍ വ്യാജ വീഡിയോ പ്രചരിപ്പിച്ച് അപകീര്‍ത്തിപ്പെടുത്താന്‍ ശ്രമിക്കുന്നെന്നു കാട്ടി കോണ്‍ഗ്രസ് കൗണ്‍സിലര്‍ ഇന്നലെ ജില്ലാ പോലീസ് മേധാവിക്ക് പരാതി നല്കിയിട്ടുണ്ട്.
