കാസർഗോഡ്: ഫർണിച്ചർ വ്യാപാരിയെ കാറിൽ തട്ടിക്കൊണ്ടുപോയി മർദിച്ച ശേഷം പണം തട്ടാൻ ശ്രമിച്ചുവെന്ന പരാതിയിൽ യുവതി അറസ്റ്റിൽ. നുള്ളിപ്പാടിയിലെ വാടക കെട്ടിടത്തിൽ താമസിക്കുന്ന അബ്ദുൾ സലാമിന്‍റെ ഭാര്യ നസീഫ(35)യെയാണ് കാസർഗോഡ് പോലീസ് അറസ്റ്റ് ചെയ്തത്.
തച്ചങ്ങാട് ഫർണിച്ചർ വ്യാപാരിയായ ബോവിക്കാനം ബാലനടുക്കത്തെ മുഹമ്മദ് ഫൈസലി(40)നെ തട്ടിക്കൊണ്ടുപോയ ശേഷം അറസ്റ്റിലായ പ്രതിയുടെ ഭർത്താവ് അബ്ദുൾ സലാം, കണ്ടാലറിയാവുന്ന മറ്റു രണ്ടുപേർ ചേർന്ന് മർദിച്ച് പണം തട്ടാൻ ശ്രമിച്ചുവെന്നാണ് പരാതി.
