ജക്കാർത്ത: ഇന്തോനേഷ്യയിൽ വിമാനാപകടമുണ്ടായെന്ന് റിപ്പോർട്ട്. യാത്രാ വിമാനമായ ലയൺ എയർ കടലിൽ പതിച്ചെന്നാണ് സൂചന. 188 യാത്രക്കാരാണ് വിമാനത്തിലുണ്ടായിരുന്നത്. ഇന്തോനേഷ്യയിലെ ജാവ ദ്വീപിന് സമീപത്തായാണ് വിമാനം കടലിൽ പതിച്ചതെന്നാണ് വിവരം.
വിമാനം ടേക്ക് ഓഫ് ചെയ്ത് 13 മിനിറ്റുകൾക്കകം എയർ ട്രാഫിക് കൺട്രോൾ വിഭാഗവുമായുള്ള ബന്ധം നഷ്ടപ്പെട്ടിരുന്നു. ഇന്തോനേഷ്യൻ ദുരന്ത നിവാരണ സേനയും സെർച്ച് ആൻഡ് റെസ്ക്യൂ വിഭാഗവും വിമാനം കടലിൽ തകർന്നു വീണെന്ന വിവരം സ്ഥിരീകരിച്ചിട്ടുണ്ട്. കൂടുതൽ വിവരങ്ങൾ ലഭ്യമായിട്ടില്ല.
