തിരുവനന്തപുരം: ശബരിമല സംഘർഷവുമായി ബന്ധപ്പെട്ട് അറസ്റ്റിലായവരുടെ എണ്ണം 3,500 കടന്നു. ഇതുവരെ 3,505 പേരാണ് അറസ്റ്റിലായത്. ഞായറാഴ്ച മാത്രം 160 പേരാണ് അറസ്റ്റിലായത്. 529 കേസുകളിലായാണ് ഇത്രയധികം അറസ്റ്റ് നടന്നിരിക്കുന്നത്.
പൊതുമുതൽ നശിപ്പിക്കുക, പോലീസിന്റെ കൃത്യനിർവഹണം തടസപ്പെടുത്തുക, അക്രമം അഴിച്ചുവിടുക തുടങ്ങിയ കുറ്റങ്ങൾ ചുമത്തിയാണ് അറസ്റ്റ്. 12 വാഹനങ്ങളും പോലീസ് പിടിച്ചെടുത്തിട്ടുണ്ട്.
ശബരിമല അക്രമവുമായി ബന്ധപ്പെട്ട് 210 പേരുടെ ഫോട്ടോ ആൽബം കൂടി പോലീസ് തയാറാക്കിയിട്ടുണ്ട്. നേരത്തെ 420 പേരുടെ ചിത്രങ്ങളാണ് പോലീസ് പുറത്തുവിട്ടത്. പോലീസ് തയാറാക്കിയ പട്ടികയിലെ ഭൂരിഭാഗം പേരെയും അറസ്റ്റു ചെയ്തതായാണ് വിവരം.
