തെ​രു​വുനാ​യ ആ​ക്ര​മ​ണത്തിൽ നി​ര​വ​ധി പേ​ർ​ക്ക് പ​രി​ക്ക്; ഗു​രു​ത​ര പ​രി​ക്കേ​റ്റ രണ്ട് യുവതികളെ ആലപ്പുഴ മെഡിക്കൽ കോളജിൽ പ്രവേശിപ്പിച്ചു

മാ​വേ​ലി​ക്ക​ര: തെ​ക്കേ​ക്ക​ര​യി​ൽ തെ​രു​വു​നാ​യ​യു​ടെ ആ​ക്ര​മ​ണ​ത്തി​ൽ നി​ര​വ​ധി പേ​ർ​ക്ക് പ​രി​ക്ക്. കു​റ​ത്തി​കാ​ട് ക​മ്യൂ​ണി​റ്റി ഹെ​ൽ​ത്ത് സെ​ന്‍റ​റി​ന് മു​ന്നി​ലു​ള്ള, പൊ​ന്നേ​ഴ സ​ർ​വീ​സ് സ​ഹ​ക​ര​ണ ബാ​ങ്കി​ന്‍റെ നീ​തി ലാ​ബി​നു സ​മീ​പ​ത്ത് ഇ​ന്ന​ലെ രാ​വി​ലെ ഏ​ഴി​ന് ചെ​ട്ടി​കു​ള​ങ്ങ​ര പേ​ള കു​ഞ്ചാം പ​ള്ളി കി​ഴ​ക്കേ​തി​ൽ പ​ദ്മ​കു​മാ​റി​നാ​ണ് ആ​ദ്യം നാ​യ​യു​ടെ ക​ടി​യേ​റ്റ​ത്. ലാ​ബി​ലെ ജീ​വ​ന​ക്കാ​രി​യാ​യ ഭാ​ര്യ​യെ കൊ​ണ്ടു​വി​ടാ​ൻ എ​ത്തി​യ​താ​യി​രു​ന്നു ഇ​ദ്ദേ​ഹം.

ബൈ​ക്ക് നി​ർ​ത്തു​ന്ന​തി​നി​ട​യി​ൽ ഓ​ടി​യെ​ത്തി​യ നാ​യ പ​ദ്മ​കു​മാ​റി​നെ ക​ടി​ക്കു​ക​യാ​യി​രു​ന്നു. ഇ​വി​ടെ വ​ച്ചു​ത​ന്നെ ഒ​രു വ​ഴി​യാ​ത്ര​ക്കാ​രി​ക്കും ക​ടി​യേ​റ്റു. ഇ​വി​ടെ നി​ന്നും വ​ട​ക്കോ​ട്ട് ഓ​ടി​യ പ​ട്ടി, വ​ഴി​യി​ൽ ക​ണ്ട​വ​രെ​യെ​ല്ലാം ആ​ക്ര​മി​ക്കാ​ൻ ശ്ര​മി​ച്ചു.

പ​ശു​വി​നെ കെ​ട്ടാ​ൻ പ​റ​ന്പി​ൽ നി​ൽ​ക്കു​ക​യാ​യി​രു​ന്ന ത​ട​ത്തി​ലാ​ൽ പ​വി​ത്രാ​ല​യ​ത്തി​ൽ അ​ജി​ത​ക്ക് നാ​യ​യു​ടെ ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റു. ത​ട​ത്തി​ലാ​ലി​ൽ ത​ന്നെ ക​റ​വ​ക്കാ​ര​നാ​യ ത​മി​ഴ്നാ​ട് സ്വ​ദേ​ശി ഗു​രു​സ്വാ​മി​യെ​യും ക​ണീ​രേ​ത്ത് വീ​ട്ടി​ൽ സൂ​ര്യ​യെ​യും ആ​ക്ര​മി​ച്ച ശേ​ഷം വീ​ണ്ടും വ​ട​ക്കോ​ട്ടോ​ടി വ​ട​ക്കേ​മ​ങ്കു​ഴി, വി​ള​യി​ൽ വീ​ട്ടി​ൽ ബേ​ബി​യെ​യും കോ​ട്ട​യ്ക്ക​ക​ത്ത് പു​ഷ്പ​നെ​യും ആ​ക്ര​മി​ച്ചു.

നി​ര​വ​ധി വ​ള​ർ​ത്തു​മൃ​ഗ​ങ്ങ​ൾ​ക്കും ക​ടി​യേ​റ്റു. നാ​യ​യു​ടെ ക​ടി​യേ​റ്റ​വ​ർ മാ​വേ​ലി​ക്ക​ര ജി​ല്ലാ ആ​ശു​പ​ത്രി​യി​ൽ ചി​കി​ത്സ തേ​ടി. ഗു​രു​ത​ര പ​രി​ക്കേ​റ്റ അ​ജി​ത​യെ​യും പു​ഷ്പ​നെ​യും വ​ണ്ടാ​നം മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ പ്ര​വേ​ശി​പ്പി​ച്ചു.