കു​ന്ന​ത്തു​ക​ള​ത്തി​ൽ കേ​സ് ; അ​ന്വേ​ഷ​ണം കോ​ട്ട​യം പോലീസ് ചീഫ് നേ​രി​ട്ട് ന​ട​ത്ത​ണ​മെ​ന്ന് നിക്ഷേപകർ

കോ​ട്ട​യം: കു​ന്ന​ത്തു​ക​ള​ത്തി​ൽ ഗ്രൂ​പ്പ് സ്ഥാ​പ​ന​ങ്ങ​ളു​ടെ ഉ​ട​മ കെ.​വി. വി​ശ്വ​നാ​ഥ​ന്‍റെ മ​ര​ണ​ത്തി​ൽ സ​മ​ഗ്ര​മാ​യ അ​ന്വേ​ഷ​ണം ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് കു​ന്ന​ത്തു​ക​ള​ത്തി​ൽ ഡി​പ്പോ​സി​റ്റേ​ഴ്സ് അ​സോ​സി​യേ​ഷ​ൻ ക​ള​ക്ട​റേ​റ്റ് മാ​ർ​ച്ച് ന​ട​ത്തി.നി​ക്ഷേ​പ​ത്ത​ട്ടി​പ്പ് സം​ബ​ന്ധി​ച്ച അ​ന്വേ​ഷ​ണം ക്രൈം​ബ്രാ​ഞ്ച് എ​സ്പി​യു​ടെ നേ​തൃ​ത്വ​ത്തി​ൽ ന​ട​ത്ത​ണ​മെ​ന്നും നി​ക്ഷേ​പ​ക​രു​ടെ മു​ഴു​വ​ൻ പ​ണ​വും തി​രി​കെ കി​ട്ടും​വ​രെ സ​മ​ര​വും നി​യ​മ​പോ​രാ​ട്ട​വും തു​ട​രു​മെ​ന്നും ഭാ​ര​വാ​ഹി​ക​ൾ വ്യ​ക്ത​മാ​ക്കി. ടട

നി​ക്ഷേ​പ​ക​രാ​യ വ​നി​ത​ക​ൾ ഉ​ൾ​പ്പെ​ടെ നി​ര​വ​ധി​പേ​ർ സ​മ​ര​ത്തി​ൽ അ​ണി​നി​ര​ന്നു. വി​ശ്വ​നാ​ഥ​ൻ ജീ​വ​നൊ​ടു​ക്കി​യതു​കൊ​ണ്ട് എ​ല്ലാം അ​വ​സാ​നി​ക്കു​ന്നി​ല്ലെ​ന്നും അ​ന്വേ​ഷ​ണം കു​ടും​ബ​ത്തി​ലെ മ​റ്റു​ള്ള​വ​രി​ലേ​ക്ക് എ​ത്ത​ണ​മെ​ന്നും നി​ക്ഷേ​പ​ക​ർ ആ​വ​ശ്യ​പ്പെ​ട്ടു.

അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ സി.​ഡി. ശ​ശി​കു​മാ​ർ, സ​ക്കീ​ർ ഹു​സൈ​ൻ, ശ​ശീ​ധ​ര​ൻ ചെ​ല്ലി​ത്ത​റ എ​ന്നി​വ​ർ പ്ര​സം​ഗി​ച്ചു. കു​ന്ന​ത്തു​ക​ള​ത്തി​ൽ വി​ശ്വ​നാ​ഥ​ന്‍റെ മ​ര​ണ​ത്തെ​ക്കു​റി​ച്ചു​ള്ള അ​ന്വേ​ഷ​ണം കോ​ട്ട​യം എ​സ്പി നേ​രി​ട്ട് ന​ട​ത്ത​ണ​മെ​ന്നും ആ​ത്മ​ഹ​ത്യാ​ക്കു​റി​പ്പ് പു​റ​ത്തു​വി​ട​ണ​മെ​ന്നു​മാ​യി​രു​ന്നു പ്ര​ധാ​ന ആ​വ​ശ്യം.

വി​ശ്വ​നാ​ഥ​ന്‍റെ മ​രു​മ​ക​നെ ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്താ​ൽ ത​ട്ടി​പ്പ് സം​ബ​ന്ധി​ച്ച വി​ശ​ദാം​ശ​ങ്ങ​ൾ ല​ഭി​ക്കും. ഇ​യാ​ൾ​ക്കെ​തി​രെ തെ​ളി​വി​ല്ലെ​ന്നാ​ണു കേ​സ് അ​ന്വേ​ഷി​ക്കു​ന്ന ക്രൈം​ബ്രാ​ഞ്ചി​ന്‍റെ വാ​ദം. അ​ന്വേ​ഷ​ണ​ചു​മ​ത​ല ഡി​വൈ​എ​സ്പി​യി​ൽ​നി​ന്നു മാ​റ്റി ജി​ല്ലാ പോ​ലീ​സ് മേ​ധാ​വി​ക്കു കൈ​മാ​റ​ണ​മെ​ന്നും നി​ക്ഷേ​പ​ക​ർ ആ​വ​ശ്യ​പ്പെ​ട്ടു.

ക​ഴി​ഞ്ഞ മൂ​ന്നി​നാ​ണു വി​ശ്വ​നാ​ഥ​ൻ സ്വ​കാ​ര്യ ആ​ശു​പ​ത്രി​ക്കു മു​ക​ളി​ൽ​നി​ന്ന് ചാ​ടി ജീ​വ​നൊ​ടു​ക്കി​യ​ത്. കോ​ട്ട​യം, ച​ങ്ങ​നാ​ശേ​രി, ചെ​ങ്ങ​ന്നൂ​ർ എ​ന്നി​വി​ട​ങ്ങ​ളി​ൽ ജ്വ​ല്ല​റി​യും കോ​ട്ട​യ​ത്ത് ചി​ട്ടി സ്ഥാ​പ​ന​വും ന​ട​ത്തി 3349 നി​ക്ഷേ​പ​ക​രി​ൽ നി​ന്നാ​യി 150 കോ​ടി​യ​ല​ധി​കം ത​ട്ടി​പ്പു​ന​ട​ത്തി​യെ​ന്നാ​ണു കേ​സ്.