ചാലക്കുടി: രാജ്യത്തിന്‍റെ ആത്മാവിനോട് അലിഞ്ഞുചേർന്ന പാർട്ടിയാണ് കോണ്ഗ്രസ്െന്നും അതിന്‍റെ ജീവാത്മാവാണ് ബൂത്തുകളിലെ കേഡർ പ്രവർത്തകരെന്നും പ്രതിപക്ഷ നേതാവ് രമേശ് ചെന്നിത്തല. ചാലക്കുടി ബ്ലോക്ക് കോണ്ഗ്രസ് കമ്മിറ്റിയുടെ നേതൃത്വത്തിൽ ബൂത്ത് കേഡർ ലീഡർമാർക്കായി സംഘടിപ്പിച്ച നേതൃത്വ ക്യാന്പ് ഉദ്ഘാടനം ചെയ്ത് സംസാരിക്കുകയായിരുന്നു അദേഹം.
എസ്.എൻ.ഹാളിൽ സംഘടിപ്പിച്ച ചടങ്ങിൽ ബ്ലോക്ക് കോണ്ഗ്രസ്സ് പ്രസിഡന്‍റ് എബി ജോർജ്ജ് അധ്യക്ഷത വഹിച്ചു.
എ.ഐ.സി.സി.മെന്പർ ദീപ്തി മേരി വർഗീസ്, എൻജിഒ അസോസിയേഷൻ സംസ്ഥാന സെക്രട്ടറി വി.കെ.എൻ.പണിക്കർ എന്നവർ ക്ലാസ് നയിച്ചു.ഡി.സി.സി.ഭാരവാഹികളായ ടി.എ.ആന്േ‍റാ, വി.ഒ.പൈലപ്പൻ, പി.കെ.ഭാസി, ജെയിംസ് പോൾ, മേരി നളൻ, പി.കെ.ജേക്കബ്ബ്, യു.ഡി.എഫ്.ചെയർമാൻ അഡ്വ.സി.ജി.ബാലചന്ദ്രൻ, ബ്ലോക്ക് ഭാരവാഹികളായ ഒ.എസ്.ചന്ദ്രൻ, പി.വി.വേണു എന്നിവർ സംസാരിച്ചു.
