തൊഴിലാളിക്ഷാമം പരിഹരിക്കാൻ പുതിയ കുടിയേറ്റ നിയമവുമായി ജർമനി; യോ​ഗ്യ​രാ​യ​വ​ർ വ​രി​ക, ജോ​ലി​യെ​ടു​ക്കു​ക

ബ​ർ​ലി​ൻ: വി​ദേ​ശ തൊ​ഴി​ലാ​ളി​ക​ളെ റി​ക്രൂ​ട്ട് ചെ​യ്യാ​നു​ള്ള ന​ട​പ​ടി​ക്ര​മ​ങ്ങ​ൾ ല​ഘൂ​ക​രി​ച്ച് പു​തി​യ കു​ടി​യേ​റ്റ നി​യ​മം ജ​ർ​മ​നി ത​യാ​റാ​ക്കു​ന്നു. ഇ​തി​ന്‍റെ ക​ര​ട് രൂ​പം പൂ​ർ​ണ​മാ​യി.

ജ​ർ​മ​ൻ സ​മൂ​ഹ​വു​മാ​യി ചേ​ർ​ന്നു പോ​കാ​ൻ സാ​ധി​ക്കു​ന്ന വി​ദേ​ശ തൊ​ഴി​ലാ​ളി​ക​ൾ​ക്കു രാ​ജ്യ​ത്തു സ്ഥി​ര​താ​മ​സ​ത്തി​ന് അ​വ​സ​രം ന​ൽ​കു​ക കൂ​ടി ചെ​യ്യു​ന്ന ത​ര​ത്തി​ലാ​ണ് പു​തി​യ നി​യ​മം വി​ഭാ​വ​നം ചെ​യ്തി​രി​ക്കു​ന്ന​ത്. ആ​ഭ്യ​ന്ത​ര മ​ന്ത്രാ​ല​യം ത​യാ​റാ​ക്കി​യ ക​ര​ട് മ​റ്റു മ​ന്ത്രാ​ല​യ​ങ്ങ​ളു​ടെ പ​രി​ഗ​ണ​ന​യ്ക്കു ന​ൽ​കി​ക്ക​ഴി​ഞ്ഞു.

ജ​ർ​മ​നി നേ​രി​ടു​ന്ന ക​ടു​ത്ത തൊ​ഴി​ലാ​ളിക്ഷാ​മം പ​രി​ഹ​രി​ക്കാ​ൻ ഇ​തു​പ​ക​രി​ക്കു​മെ​ന്നാ​ണു പ്ര​തീ​ക്ഷി​ക്കു​ന്ന​ത്. ഒ​പ്പം, വി​ദേ​ശ​ത്തുനി​ന്നു​ള്ള​വ​ർ​ക്ക് ഇ​തു​വ​ഴി ജ​ർ​മ​നി​യി​ൽ വ​ൻ​തോ​തി​ൽ തൊ​ഴി​ല​വ​സ​ര​ങ്ങ​ൾ തു​റ​ന്നു കി​ട്ടു​ക​യും ചെ​യ്യും.

വി​ദേ​ശി​ക​ളെ​ന്ന നി​ല​യി​ൽ, യൂ​റോ​പ്യ​ൻ യൂ​ണി​യ​നു​ള്ളി​ൽ നി​ന്നു​ള്ള​വ​ർ​ക്ക് മു​ൻ​ഗ​ണ​ന ല​ഭി​ക്കു​ന്ന രീ​തി​യും ഇ​തി​ൽ അ​നു​വ​ർ​ത്തി​ക്കു​ന്നി​ല്ല. ജ​ർ​മ​നി​യി​ൽനി​ന്നോ യൂ​റോ​പ്യ​ൻ യൂ​ണി​യ​നു​ള്ളി​ൽനി​ന്നോ ഒ​രു തൊ​ഴി​ലാ​ളി​യെ​യും ല​ഭി​ക്കു​ന്നി​ല്ലെ​ങ്കി​ൽ മാ​ത്രം യൂ​റോ​പ്പി​നു പു​റ​ത്തുനി​ന്നു റി​ക്രൂ​ട്ട് ചെ​യ്യാം എ​ന്ന മാ​ന​ദ​ണ്ഡം എ​ടു​ത്തു​ക​ള​യു​ന്ന​താ​ണ് നി​യ​മ​ത്തി​ലെ കാ​ത​ലാ​യ വ്യ​ത്യാ​സം.
കെ​യ​ർ, ഐ​ടി, ഇ​ല​ക് ‌ട്രി​ക്ക​ൽ എ​ൻ​ജി​നി​യ​റിം​ഗ് തു​ട​ങ്ങി ധാ രാളം അ​വ​സ​ര​ങ്ങ​ളു​ള്ള മേ​ഖ​ല​ക​ൾ മാ​ത്രം യൂ​റോ​പ്യ​ൻ യൂ​ണി​യ​നു പു​റ​ത്തു​ള്ള​വ​ർ​ക്ക് തു​റ​ന്നു കി​ട്ടു​ന്ന ത​ര​ത്തി​ലു​ള്ള നി​യ​ന്ത്ര​ണ​ങ്ങ​ൾ പു​തി​യ നി​യ​മ​ത്തി​ലൂ​ടെ ഇ​ല്ലാ​താ​കും. കൂ​ടു​ത​ൽ വി​ശാ​ല​മാ​യി തൊ​ഴി​ൽ വി​പ​ണി വി​ദേ​ശി​ക​ൾ​ക്കു മു​ന്നി​ൽ തു​റ​ന്നു കി​ട്ടു​ക​യാ​ണു ചെ​യ്യു​ക.

പാ​ച​കം, മെ​റ്റ​ല​ർ​ജി, ഐ​ടി, ബി​ൽ​ഡിം​ഗ് മേ​ഖ​ല​ക​ളി​ലു​ള്ള വി​ദ​ഗ്ധ തൊ​ഴി​ലാ​ളി​ക​ൾ​ക്ക് ജോ​ലി അ​ന്വേ​ഷി​ക്കാ​ൻ മാ​ത്ര​മാ​യി ആ​റു മാ​സ​ത്തെ വി​സ അ​നു​വ​ദി​ക്കാ​നു​ള്ള വ്യ​വ​സ്ഥ​യും വി​ദേ​ശി​ക​ൾ​ക്ക് ഗു​ണം ചെ​യ്യും.

ജ​ർ​മ​നി​യു​ടെ സാ​ന്പ​ത്തി​ക സ്ഥി​തി ഇ​നി​യും ഉ​യ​ര​ണ​മെ​ങ്കി​ൽ തൊ​ഴി​ലാ​ളി​ക​ളു​ടെ കു​ടി​യേ​റ്റ​ം അനിവാര്യമാണ്. രാ​ജ്യ​ത്ത് നി​ല​വി​ൽ 12 ​ല​ക്ഷം ജോ​ലി ഒ​ഴി​വുണ്ട്. 23 ശ​ത​മാ​നം പ്ര​ഫ​ഷ​ണ​ൽ മേഖലകളി​ൽ വി​ദ​ഗ്ധ തൊ​ഴി​ലാ​ളി​ക​ളു​ടെ കു​റ​വുണ്ട്.

യോ​ഗ്യ​രാ​യ​വ​ർ വ​രി​ക, ജോ​ലി​യെ​ടു​ക്കു​ക

മൂ​ന്നാം രാ​ജ്യ​ങ്ങ​ളി​ൽനി​ന്നു​ള്ള കു​ടി​യേ​റ്റം ല​ക്ഷ്യ​മി​ടു​മ്പോ​ൾ വ്യ​ക്ത​മാ​യും സു​താ​ര്യ​മാ​യും നി​യ​ന്ത്ര​ണംമുണ്ടെ​ങ്കി​ലും യോ​ഗ്യ​ത​യു​ള്ള​വ​രെ മാ​റ്റിനി​ർ​ത്തി​ല്ലെ​ന്ന ത​ത്വ​മാ​ണ് സ​ർ​ക്കാ​ർ മു​ന്നി​ൽ കാ​ണു​ന്ന​ത്. തൊ​ഴി​ൽ ക​രാ​റും അം​ഗീ​കൃ​ത യോ​ഗ്യ​ത​യും ഉ ണ്ടെങ്കി​ൽ എ​ല്ലാ ജോ​ലി​കളിലും വി​ദ​ഗ്ധ​ർ​ക്കു പ്ര​വ​ർ​ത്തി​ക്കാ​ൻ ക​ഴി​യും. അ​തു​കൊ​ണ്ട്, മു​ൻ​ഗ​ണ​നാ ടെ​സ്റ്റ് ഉ​ണ്ടാ​കി​ല്ല. ജ​ർ​മ​ൻ​കാ​രെ​യോ മ​റ്റേ​തെ​ങ്കി​ലും യൂ​റോ​പ്യ​ൻയൂ​ണി​യ​ൻ രാജ്യക്കാ​രെ​യോ ആ​ശ്ര​യി​ക്കാ​തെ യോ​ഗ്യ​ത​യു​ള്ള ജോ​ലി​ക്കാ​രെ​യാ​ണ് തേ​ടു​ന്ന​ത്. പ്രാ​ദേ​ശി​ക​മാ​യി, മു​ൻ​ഗ​ണ​നാ ക്ര​മ​ങ്ങ​ൾ ഇ​വി​ടെ പ​രി​ഗ​ണി​ക്കി​ല്ല എ​ന്ന​തും ശ്ര​ദ്ധേ​യം.

അ​തി​നാ​ൽ, വി​ദ​ഗ്ധ​ർ തൊ​ഴി​ൽ അ​ന്വേ​ഷ​ണ​ത്തി​നാ​യി ശ്ര​മി​ക്കു​ന്പോ​ൾ ഒ​രു താ​ത്ക്കാ​ലി​ക റെസി​ഡ​ന്‍റ് പെ​ർ​മി​റ്റ് ല​ഭി​ച്ചി​രി​ക്ക​ണം. ഒ​രു തൊ​ഴി​ൽ തേ​ടു​ന്പോ​ൾ ത​ന്നെ അ​ത് ഒ​രു റെസി​ഡ​ൻ​സ് പെ​ർ​മി​റ്റാ​യി​രി​ക്കും. കൂ​ടാ​തെ, എ​ൻ​ട്രി പെ​ർ​മി​റ്റു​ക​ളും യോ​ഗ്യ​ത​ക​ളും ഭാ​വി​യി​ൽ ന​ൽ​ക​ണം ഇ​ത് ര​ണ്ടോ നാ​ലോ ആ​ഴ്ച മാ​ത്ര​മേ എ​ടു​ക്കൂ. ബാ​ഡ​ൻ​വു​ർ​ട്ടം​ബെ​ർ​ഗ്, ബ​വേ​റി​യ, ഹെ​സ​ൻ, നോ​ർ​ത്ത് റൈ​ൻ വെ​സ്റ്റ്ഫാ​ലി​യ, റൈ​ൻ​ലാ​ൻ​ഡ് പ​ഫാ​ൽ​സ് തു​ട​ങ്ങി​യ സം​സ്ഥാ​ന​ങ്ങ​ളി​ലാ​ണ് കൂ​ടു​ത​ൽ ജോ​ലി ഒ​ഴി​വു​ക​ൾ നി​ല​വി​ലു​ള്ള​ത്.

വി​ദേ​ശ​ത്തു​നി​ന്നു​ള്ള ന​ഴ്സു​മാ​ർ

ന​ഴ്സു​മാ​ർ ഉ​ൾ​പ്പെടെ എ​ല്ലാ മേ​ഖ​ല​ക​ളി​ലേ​ക്കു​മു​ള്ള കു​ടി​യേ​റ്റ ന​ട​പ​ടി​ക​ളാ​ണ് പു​തി​യ നി​യ​മ​ത്തി​ന്‍റെ പ​രി​ധി​യി​ൽ വ​രു​ന്ന​ത്. വി​ദ​ഗ്ധ തൊ​ഴി​ലാ​ളി​ക​ളു​ടെ കു​ടി​യേ​റ്റ​ത്തെ ഇ​ര​ട്ടി​യാ​ക്കാ​നും ഫെ​ഡ​റ​ൽ ഗ​വ​ണ്‍മെ​ന്‍റ് ആ​ഗ്ര​ഹി​ക്കു​ന്നു. ന​ഴ്സിം​ഗ് മേ​ഖ​ല​യി​ലെ ജോ​ലി​ക്കാ​രു​ടെ ദൗ​ർ​ല​ഭ്യം നി​ക​ത്താ​ൻ മെ​ർ​ക്ക​ൽ സ​ർ​ക്കാ​ർ ഈ ​വ​ർ​ഷം ജ​നു​വ​രി​യി​ൽ ഇ​ട​പെ​ട്ട് അ​ടി​യ​ന്ത​ര​മാ​യി ന​ഴ്സു​മാ​രെ റി​ക്രൂ​ട്ട് ചെ​യ്യാ​ൻ അ​നു​മ​തി ന​ൽ​കി​യി​രു​ന്നു. ഇ​ത​നു​സ​രി​ച്ച് ഒ​ട്ട​ന​വ​ധി മ​ല​യാ​ളി​ക​ൾ ജ​ർ​മ​നി​യി​ലേ​ക്കു വ​ന്നു​കൊ​ണ്ടി​രി​ക്കു​ക​യാ​ണ്.

ന​ഴ്സിം​ഗ് വി​ദ്യാ​ഭ്യാ​സ​വും ജ​ർ​മ​ൻ ഭാ​ഷ​യി​ൽ ബി ​ടു പ​രീക്ഷ പാ​സാ​വു​ക​യും ചെ​യ്തി​ട്ടു​ള്ള​വ​ർ​ ഒ​രു ജോ​ബ് ഓ​ഫ​ർകൂ​ടി ത​ര​പ്പെ​ടു​ത്തി​യാ​ൽ ഈ ​മേ​ഖ​ല​യി​ൽ ജോ​ലി​ക്ക് യോ​ഗ്യ​ത​യു​ള്ള​വ​രാ​കും. താ​ത്പ്പ​ര്യ​മ​നു​സ​രി​ച്ച് അ​പേ​ക്ഷി​ച്ചാ​ൽ നി​ഷ്പ്ര​യാ​സം ജ​ർ​മ​നി​യി​ൽ കു​ടി​യേ​റാ​ൻ സാ​ധി​ക്കും. ഇ​ട​നി​ല​ക്കാ​രെ​ ആ​വ​ശ്യ​മി​ല്ല.​ ന​ഴ്സിം​ഗ് മേ​ഖ​ല​യി​ൽ ഒ​രു ല​ക്ഷ​ത്തി​ലേ​റെ ഒ​ഴി​വു​ക​ൾ ഉ​ണ്ടെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്.

ന​ഴ്സിം​ഗ് മേ​ഖ​ല​യെ പു​ഷ്ടി​പ്പെ​ടു​ത്താ​ൻ അ​ടു​ത്ത ജ​നു​വ​രി മു​ത​ൽ പു​തി​യ പ​രി​ഷ്കാ​ര​ങ്ങ​ൾ ​നട​പ്പി​ലാ​ക്കു​മെ​ന്ന് ആ​രോ​ഗ്യ​മ​ന്ത്രി ജെ​ൻ​സ് സ്പാ​ൻ പ​ല​യാ​വ​ർ​ത്തി വ്യ​ക്ത​മാ​ക്കി​യി​ട്ടു​ണ്ട്.

റിപ്പോർട്ട്: ജോ​സ് കു​ന്പി​ളു​വേ​ലി​ൽ