കൊ​ട്ടാ​ര​ക്ക​ര ച​ന്ത​യി​ൽ വ​ൻ തീ​പി​ടിത്തം; അ​ൻ​പ​തോ​ളം സ്റ്റാ​ളു​ക​ൾ ക​ത്തി​ന​ശി​ച്ചു; ഒ​രു കോ​ടി​യോ​ളം രൂ​പ​യു​ടെ ന​ഷ്ടം 

കൊ​ട്ടാ​ര​ക്ക​ര: പ്ര​മു​ഖ വാ​ണി​ജ്യ-​വ്യാ​പാ​ര കേ​ന്ദ്ര​മാ​യ കൊ​ട്ടാ​ര​ക്ക​ര ച​ന്ത​യി​ൽ വ​ൻ തീ​പി​ടു​ത്തം. ച​ന്ത​ക്കു​ള്ളി​ലെ അ​ൻ​പ​തോ​ളം സ്റ്റാളുകൾ ക​ത്തി ന​ശി​ച്ചു.​തീ നി​യ​ന്ത്ര​ണ വി​ധേ​യ​മാ​ക്കി​യി​ട്ടു​ണ്ട്.ഇ​ന്നു പു​ല​ർ​ച്ചെ മൂ​ന്നോ​ടെ​യാ​ണ് തീ​പി​ടു​ത്ത​മു​ണ്ടാ​യ​ത്.​ ച​ന്ത​യ്ക്കു​ള​ളി​ൽ സ്റ്റാ​ളു​ക​ൾ പ്ര​വ​ർ​ത്തി​ക്കു​ന്ന കോ​ൺ​ക്രീ​റ്റ് കെ​ട്ടി​ട​ത്തി​ലാ​ണ് ആ​ദ്യം തീ ​പ​ട​ർ​ന്ന​ത്. ഇ​തി​നു​ള്ളി​ലാ​ണ് വ്യാ​പാ​ര – വാ​ണി​ജ്യ സ്റ്റാ​ളു​ക​ൾ പ്ര​വ​ർ​ത്തി​ക്കു​ന്ന​ത്.

പ​ച്ച​ക്ക​റി, ഉ​ണ​ക്ക​മീ​ൻ, തു​ണി​ക്ക​ട, പ​ല​ച​ര​ക്ക്, പ്ലാ​സ്റ്റി​ക​ട, ഇ​രു​മ്പു ക​ട, ക​ളി​പ്പാ​ട്ട​ങ്ങ​ൾ കു​ല​ക്ക​ട, മ​ല​ഞ്ച​ര​ക്ക്, പു​ളി, മ​ര​ച്ചീ​നി, തു​ട​ങ്ങി​യ​വ​യു​ടെ നി​ര​വ​ധി സ്റ്റാ​ളു​ക​ളാ​ണ് ഈ ​വ്യാ​പാ​ര സ​മു​ച്ച​യ​ത്തി​ൽ പ്ര​വ​ർ​ത്തി​ച്ചി​രു​ന്ന​ത്. 62 സ്റ്റാ​ളു​ക​ളാ​ണ് മു​നി​സി​പ്പാ​ലി​റ്റി​യി​ൽ ര​ജി​സ്റ്റ​ർ ചെ​യ്യ​പ്പെ​ട്ടി​ട്ടു​ള്ള​ത്.​

ഇ​വ​യി​ൽ ഭൂ​രി​പ​ക്ഷ​വും ക​ത്തി​ന​ശി​ച്ചു. ശേ​ഷി​ക്കു​ന്ന​വ​യി​ലെ വ്യാ​പാ​ര സാ​ധ​ന​ങ്ങ​ളെ​ല്ലാം ഉ​പ​യോ​ഗ​ശൂ​ന്യ​മാ​യി​രി​ക്കു​ക​യാ​ണ്. ച​ന്ത​യി​ൽ തീ ​പ​ട​രു​ന്ന​ത് നാ​ട്ടു​കാ​രും വ​ഴി​യാ​ത്ര​ക്കാ​രു മാ ​ണ് പോ​ലീ​സി​ലും ഫ​യ​ർ​ഫോ​ഴ്സി​ലു​മ​റി​യി​ച്ച​ത്.​കൊ​ട്ടാ​ര​ക്ക​ര ,പ​ത്ത​നാ​പു​രം, കു​ണ്ട​റ​എ​ന്നി​വി​ട​ങ്ങ​ളി​ൽ നി​ന്നും ഫ​യ​ർ​ഫോ​ഴ്സ് യൂ​ണി​റ്റു​ക​ളെ​ത്തി​യാ​ണ് തീ ​നി​യ​ന്ത്ര​ണ വി​ധേ​യ​മാ​ക്കി​യ​ത്.​

അ​ഞ്ച് ഫ​യ​ർ​ഫോ​ഴ്സ് യൂ​ണി​റ്റു​ക​ളു​ടെ ര​ണ്ടു മ​ണി​ക്കൂ​ർ നേ​ര​ത്തെ ശ്ര​മ​ഫ​ല​മാ​യി​ട്ടാ​ണ് തീ ​നി​യ​ന്ത്ര​ണ വി​ധേ​യ​മാ​ക്കാ​ൻ ക​ഴി​ഞ്ഞ​ത്. ഒ​രു കോ​ടി​യോ​ളം രൂ​പ​യു​ടെ ന​ഷ്ടം സം​ഭ​വി​ച്ച​താ​യാ​ണ് അ​നൗ​ദ്യോ​ഗി​ക ക​ണ​ക്ക്. തീ​പി​ടിത്ത​ത്തി​ന്‍റെ കാ​ര​ണം ഔ​ദ്യോ​ഗി​ക​മാ​യി വ്യ​ക്ത​മാ​ക്ക​പ്പെ​ട്ടി​ട്ടി​ല്ല.​എ​ന്നാ​ൽ സം​ഭ​വ​ത്തി​ൽ ദു​രൂ​ഹ​ത​യു​ള്ള​താ​യി വ്യാ​പാ​രി​ക​ളി​ൽ ചി​ല​ർ അ​ഭി​പ്രാ​യ​പ്പെ​ടു​ന്നു. അ​ന്വേ​ഷ​ണ​ം ആ​രം​ഭി​ച്ചി​ട്ടു​ണ്ട്.