ഇറ്റാലിയൻ സീരി എ ഫുട്ബോളിലേക്ക് വരാൻ അർജന്‍റൈൻ താരമായ ലയണൽ മെസിയെ വെല്ലുവിളിച്ച് യുവന്‍റസിന്‍റെ പോർച്ചുഗീസ് താരം ക്രിസ്റ്റ്യാനോ റൊണാൾഡോ. സ്പാനിഷ് ലീഗിൽ ബാഴ്സലോണയുടെ താരമാണ് മെസി. ബാഴ്സലോണ വിട്ട് സീരി എയിലേക്ക് വരാനാണ് റൊണാൾഡോ മെസിയെ ചലഞ്ച് ചെയ്തിരിക്കുന്നത്.
മെസിക്ക് ഒരുപക്ഷേ എന്നെ മിസ് ചെയ്യുന്നുണ്ടാകും. സുരക്ഷിത സ്ഥാനത്തുനിന്ന് ഇറങ്ങിയാണ് ഞാൻ യുവന്‍റസിൽ എത്തിയത്. ഇംഗ്ലണ്ട്, സ്പെയിൻ, പോർച്ചുഗൽ, ഇറ്റലി എന്നിവിടങ്ങളിൽ ഞാൻ കളിച്ചു. മെസിക്കും അതുപോലെ ആകാം. എന്തെങ്കിലും വ്യത്യസ്തമായി ചെയ്യൂ- റൊണാൾഡോ പറഞ്ഞു.
