തൃശൂർ: കവിതാ വിവാദത്തിൽ കേരളവർമ കോളജിലെ അധ്യാപിക ദീപാ നിശാന്തിനെതിരേ വിമർശനവുമായി എഴുത്തുകാരൻ ടി. പത്മനാഭൻ രംഗത്ത്. ദീപ കവിത മോഷ്ടിച്ചതായുള്ള വാർത്ത കേട്ട് ദുഖം തോന്നി. ഇവർക്ക് കുട്ടികളെ പഠിപ്പിക്കാൻ അർഹതയുണ്ടോയെന്നും അദ്ദേഹം ചോദിച്ചു.
സിപിഎം അധ്യാപക സംഘടനയായ കെഎസ്ടിഎ നടത്തിയ വിദ്യാഭ്യാസ മഹോത്സവ വേദിയിലായിരുന്ന പത്മനാഭന്‍റെ വിമർശനം. ബാലാമണിയമ്മയും സുഗതകുമാരിയും വിഹരിച്ച മേഖലയിലാണ് ഇത്തരമൊരു സംഭവമുണ്ടായതെന്നും പത്മനാഭൻ കൂട്ടിച്ചേർത്തു.
