ജെ​സ്ന ജീ​വി​ച്ചി​രി​പ്പു​ണ്ടോ? കാ​ണാ​താ​യി​ട്ട് 280 നാ​ൾ; തു​മ്പു​കി​ട്ടാ​ൻ പു​തു​വ​ഴി​തേ​ടി ക്രൈം​ബ്രാ​ഞ്ച്

കോ​ട്ട​യം: ജെ​സ്ന മ​രി​യ ജെ​യിം​സി​ന്‍റെ തി​രോ​ധാ​ന​വു​മാ​യി ബ​ന്ധ​പ്പെ​ട്ട് പോ​ലീ​സ് മു​ൻ​പ് ശേ​ഖ​രി​ച്ച വീ​ഡി​യോ ദൃ​ശ്യം കേ​സ് അ​ന്വേ​ഷി​ക്കു​ന്ന ക്രൈം ​ബ്രാ​ഞ്ച് പ്ര​ദ​ർ​ശി​പ്പി​ച്ചു. മു​ണ്ട​ക്ക​യം പ​ഞ്ചാ​യ​ത്ത് ഹാ​ളി​ൽ പ​ഞ്ചാ​യ​ത്ത് മെ​ന്പ​ർ​മാ​ർ​ക്കും മാ​ധ്യ​മ​പ്ര​വ​ർ​ത്ത​ക​ർ​ക്കും മു​ന്നി​ലാ​ണ് ദൃ​ശ്യ​ങ്ങ​ൾ പ്ര​ദ​ർ​ശി​പ്പി​ച്ച​ത്.

മാ​ർ​ച്ച് 22-നു ​കാ​ണാ​താ​യ ദി​വ​സം രാ​വി​ലെ 11-ന് ​മു​ണ്ട​ക്ക​യം ബ​സ് സ്റ്റാ​ൻ​ഡി​ൽ ജെ​സ്ന​യോ​ടു സാ​ദൃ​ശ്യ​മു​ള്ള യു​വ​തി​യു​ടെ ദൃ​ശ്യം സി​സി​ടി​വി കാ​മ​റ​യി​ൽ പ​തി​ഞ്ഞി​രു​ന്നു. ചി​ത്ര​ത്തി​ൽ ജെ​സ്ന​യോ​ടു സാ​ദൃ​ശ്യ​മു​ള്ള യു​വ​തി, തൊ​ട്ട​ടു​ത്തു​കൂ​ടി ക​ട​ന്നു​പോ​കു​ന്ന ഒ​രു യു​വാ​വും മ​ധ്യ​വ​യ​സ്ക​യും, സ​മീ​പ​ത്തു​കൂ​ടി പോ​യ ഹ്യു​ണ്ടാ​യി കാ​ർ എ​ന്നി​വ സം​ബ​ന്ധി​ച്ച് എ​ന്തെ​ങ്കി​ലും വി​വ​രം ന​ൽ​കാ​നാ​കു​മോ എ​ന്ന​റി​യാ​നാ​ണു കാ​മ​റ ദൃ​ശ്യം പ്ര​ദ​ർ​ശി​പ്പി​ച്ച​ത്. ആ​ർ​ക്കും വി​വ​രം ന​ൽ​കാ​നാ​കു​ന്നി​ല്ലെ​ങ്കി​ൽ മു​ന്പ് വാ​ർ​ത്ത​ക​ളി​ൽ പ​ല​പ്പോ​ഴും നി​റ​ഞ്ഞ ഈ ​വീ​ഡി​യോ അ​ന്വേ​ഷ​ണ പ​രി​ധി​യി​ൽ​നി​ന്ന് ഒ​ഴി​വാ​ക്കാ​നാ​ണ് ടീ​മി​ന്‍റെ തീ​രു​മാ​നം.

കാ​ഞ്ഞി​ര​പ്പ​ള്ളി സെ​ന്‍റ് ഡൊ​മി​നി​ക്സ് കോ​ള​ജ് ബി​കോം വി​ദ്യാ​ർ​ഥി​നി​യാ​യി​രു​ന്ന ജെ​സ്ന​യു​ടെ തി​രോ​ധാ​ന​ത്തി​ൽ വെ​ച്ചൂ​ച്ചി​റ പോ​ലീ​സ് തു​ട​ങ്ങി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യ സൂ​ച​ന​ക​ളൊ​ന്നും ല​ഭി​ച്ചി​രു​ന്നി​ല്ല. ഈ ​സാ​ഹ​ച​ര്യ​ത്തി​ൽ മൂ​ന്നു മാ​സം മു​ന്പാ​ണു ക്രൈം ​ബ്രാ​ഞ്ച് അ​ന്വേ​ഷ​ണം ഏ​റ്റെ​ടു​ത്ത​ത്.

മാ​ർ​ച്ച് 22-ന് ​രാ​വി​ലെ മു​ക്കൂ​ട്ടു​ത​റ​യി​ലെ വീ​ട്ടി​ൽ​നി​ന്ന് യാ​ത്ര തി​രി​ച്ച ജെ​സ്ന എ​വി​ടെ​പ്പോ​യെ​ന്ന് ഇ​ന്നും അ​വ്യ​ക്ത​മാ​ണ്. സ​ഹ​പാ​ഠി​ക​ൾ ഉ​ൾ​പ്പെ​ടെ നൂ​റു ക​ണ​ക്കി​നു പേ​രി​ൽ​നി​ന്നു വി​വ​ര​ങ്ങ​ൾ ശേ​ഖ​രി​ച്ചെ​ങ്കി​ലും ജെ​സ്ന ജീ​വി​ച്ചി​രി​പ്പു​ണ്ടോ എ​ന്ന​തി​ൽ​പോ​ലും കൃ​ത്യ​മാ​യ ഉ​ത്ത​രം ന​ൽ​കാ​ൻ ഇ​തേ​വ​രെ ക​ഴി​ഞ്ഞി​ട്ടി​ല്ല.