കിഴക്കന്പലം: കിഴക്കന്പലത്ത് ബിയർപാർലറിൽ ഇരു വിഭാഗങ്ങൾ തമ്മിലുണ്ടായ സംഘർഷത്തിനിടെ ഒരാൾക്ക് വെട്ടേറ്റ സംഭവത്തിൽ ഒരാളെ കൂടി പോലീസ് അറസ്റ്റുചെയ്തു. വിലങ്ങ് കാവുങ്ങൾപറന്പിൽ സനു (25) ആണ് അറസ്റ്റിലായത്.
സംഭവത്തിൽ രണ്ടു പേരെ ഇന്നലെ അറസ്റ്റു ചെയ്തിരുന്നു. ചെമ്മലപ്പടി കുടിലിങ്കൽ മനു(21),പുക്കാട്ട് പടി തന്പലക്കാട്ടിൽ അക്ഷയി(18) എന്നിവരെയാണ് ഇന്നലെ പിടികൂടിയത്. ഇവരെ ചോദ്യം ചെയ്തതിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ കൂടുതൽ അറസ്റ്റ് ഉണ്ടായേക്കും.
അക്രമശേഷം പലരും ഒളിവിലാണ്. ഇവരുടെ ഫോണ് നന്പറുകൾ കേന്ദ്രീകരിച്ചുള്ള അന്വേഷണവും ഉൗർജിതമാണ്. ഇന്നലെ രാത്രി ഏഴോടെ ഞാറള്ളൂർ കിഴക്കന്പലം ഭാഗത്തുള്ള രണ്ട് വിഭാഗങ്ങളാണ് ഏറ്റുമുട്ടിയത്. പഴങ്ങനാട് കൊറ്റംകുഴി അനിലി(39) നെയാണ് തലയ്ക്ക് പരിക്കേറ്റ് പഴങ്ങനാട് സമരിറ്റൻ ആശുപത്രിയിൽ പ്രവേശിപ്പിച്ചത്.
രണ്ട് സംഘങ്ങൾ തമ്മിൽ നേരത്തെ ഉണ്ടായിരുന്ന വഴക്ക് ബിയർപാർലറിൽ വച്ച് കണ്ടുമുട്ടിയപ്പോൾ സംഘർഷത്തിൽ എത്തി എന്നാണ് പോലീസ് നല്കുന്ന വിശദീകരണം. പിടിയിലായ മൂവരെയും ഇന്ന് കോടതിയിൽ ഹാജരാക്കും.
