സിഡ്നി: ഓസ്ട്രേലിയൻ ടീം തോൽവി സമ്മതിച്ചത് ലോകത്തിലെ നന്പർ വണ്‍ ടീമിനോടാണെന്നും, പരന്പരയിൽ മികച്ച പ്രകടനം കാഴ്ചവച്ചത് ഇന്ത്യയാണെന്നും ടിം പെയ്ൻ. സിഡ്നി ടെസ്റ്റിന് ശേഷം മാധ്യമങ്ങളോട് സംസാരിക്കുന്പോളായിരുന്നു ഓസീസ് നായകന്‍റെ ഈ വാക്കുകൾ.
ടീം തോറ്റത് മികച്ച ടീമിനോടാണെന്ന് അംഗീകരിക്കുന്ന പെയ്ൻ വിദേശത്ത് ടെസ്റ്റ് മത്സരങ്ങൾ ജയിക്കുന്നത് വലിയ കാര്യമാണെന്നും, ഇന്ത്യൻ ടീം മത്സരത്തിന്‍റെ എല്ലാ മേഖലകളിലും തങ്ങളെ മറികടന്നെന്നും പറഞ്ഞു. വിദേശ രാജ്യങ്ങളിൽ കളിക്കുന്പോൾ ജയം നേടുക എത്ര ബുദ്ധിമുട്ടുള്ള കാര്യമാണെന്ന് എനിക്കറിയാം. ഇന്ത്യ അത് നേടി.
ക്യാപ്റ്റൻ കോഹ്ലിക്കും പരിശീലകനും ടീമംഗങ്ങൾക്കും അഭിനന്ദങ്ങൾ. വലിയ അധ്വാനം ഇന്ത്യയുടെ ഈ വിജയത്തിന് പിന്നിലുണ്ട്. ഇന്ത്യ തന്നെയായിരുന്നു പരന്പരയ്ക്ക് അർഹർ- പെയ്ൻ പറഞ്ഞു.
