ജർമനിയുടെ സൈബർ പൂട്ട് പൊളിച്ച ആ ഹാക്കർ വെറും “ഇരുപതുകാരൻ’

സൈ​ബ​ർ ആ​ക്ര​മ​ണ​വു​മാ​യി ജ​ർ​മ​നി​യെ വി​റ​പ്പി​ച്ച ഹാ​ക്ക​റെ പി​ടി​കൂ​ടി. ജ​ർ​മ​നി​യി​ലെ ഹെ​സ്സേ സ്വ​ദേ​ശി​യാ​യ 20 വ​യ​സു​കാ​ര​നാ​ണ് അ​റ​സ്റ്റി​ലാ​യ​തെ​ന്ന് ഫെ​ഡ​റ​ൽ ക്രി​മി​ന​ൽ പോ​ലീ​സ് ഓ​ഫീ​സ്(​ബി​കെ​എ) അ​റി​യി​ച്ചു. വി​ദ്യാ​ർ​ഥി​യാ​യ ഇ​യാ​ൾ ഒ​റ്റ​യ്ക്കാ​ണ് കു​റ്റ​കൃ​ത്യം ന​ട​ത്തി​യ​തെ​ന്നാ​ണ് വി​വ​രം. കു​റ്റ​ക്കാ​ര​നെ​ന്ന് തെ​ളി​ഞ്ഞാ​ൽ മൂ​ന്നു വ​ർ​ഷം വ​രെ ത​ട​വ് ല​ഭി​ക്കാം.

ജ​നു​വ​രി നാ​ലി​നാ​ണ് ജ​ർ​മ​നി​യി​ൽ വ​ൻ ഡേ​റ്റാ ചോ​ർ​ച്ച​യു​ണ്ടാ​യ​താ​യി വെ​ളി​പ്പെ​ടു​ത്ത​ൽ വ​രു​ന്ന​ത്. ചാ​ൻ​സ​ല​ർ ആം​ഗ​ല മെ​ർ​ക്ക​ൽ, പ്ര​സി​ഡ​ന്‍റ് ഫ്രാ​ങ്ക് വാ​ൾ​ട്ട​ർ സ്റ്റെ​യി​ൻ​മെ​യ​ർ എ​ന്നി​വ​ര​ട​ക്കം രാ​ജ്യ​ത്തെ ഭൂരിഭാഗം ജ​നപ്ര​തി​നി​ധി​ക​ളു​ടെ​യും രാ​ഷ്‌​ട്രീ​യ നേ​താ​ക്ക​ളു​ടെ​യും മാ​ധ്യ​മ​പ്ര​വ​ർ​ത്ത​ക​രു​ടെ​യും ര​ഹ​സ്യ​വി​വ​ര​ങ്ങ​ൾ ചോ​ർ​ത്തി ഹാ​ക്ക​ർ ട്വി​റ്റ​റി​ൽ പ്ര​സി​ദ്ധീ​ക​രി​ച്ചു. ഫെ​ഡ​റ​ൽ പാ​ർ​ല​മെ​ന്‍റി​ലെ​യും സം​സ്ഥാ​ന പാ​ർ​ല​മെ​ന്‍റു​ക​ളി​ലെ​യും ഭൂ​രി​ഭാ​ഗം അം​ഗ​ങ്ങ​ളും ഹാ​ക്കിം​ഗി​ന് ഇ​ര​യാ​യി​രു​ന്നു.

സൈ​ബ​ർ ആ​ക്ര​മ​ണ​വു​മാ​യി ബ​ന്ധ​പ്പെ​ട്ട് ദേ​ശീ​യ സൈ​ബ​ർ പ്ര​തി​രോ​ധ കേ​ന്ദ്രം ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യി​ലാ​യ​ത്. രാ​ഷ്ട്രീ​യ​ക്കാ​ർ, മാ​ധ്യ​മ​പ്ര​വ​ർ​ത്ത​ക​ർ എ​ന്നി​വ​രു​ടെ പ​ര​സ്യ നി​ല​പാ​ടു​ക​ളി​ലു​ള്ള അ​മ​ർ​ഷ​മാ​ണ് സൈ​ബ​ർ ആ​ക്ര​മ​ണ​ത്തി​ലേ​ക്ക് ന​യി​ച്ച​തെ​ന്നാ​ണ് യു​വാ​വ് പ​റ​യു​ന്ന​ത്. ഹാ​ക്കിം​ഗി​ന് ശേ​ഷം പി​ടി​ക്ക​പ്പെ​ടാ​തി​രി​ക്കാ​ൻ കം​പ്യൂ​ട്ട​ർ ന​ശി​പ്പി​ച്ചെ​ങ്കി​ലും മ​റ്റ് ഡി​ജി​റ്റ​ൽ ട്രാ​ക്കി​ലൂ​ടെ പോ​ലീ​സ് പ്ര​തി​യു​ടെ അ​ടു​ത്തേ​ക്ക് എ​ത്തു​ക​യാ​യി​രു​ന്നു.

ഫോ​ൺ ന​മ്പ​റു​ക​ൾ, സ്വ​കാ​ര്യ ചാ​റ്റിം​ഗ്, സാ​മ്പ​ത്തി​ക വി​ശ​ദാം​ശ​ങ്ങ​ൾ, തു​ട​ങ്ങി​യ​വ​യെ​ല്ലാം ചോ​ർ​ത്ത​പ്പെ​ട്ടി​രു​ന്നു. എ​ന്നാ​ൽ അ​തീ​വ ര​ഹ​സ്യ​മാ​യ വി​വ​ര​ങ്ങ​ളൊ​ന്നും ചോ​ർ​ന്നി​ട്ടി​ല്ലെ​ന്ന് സ​ർ​ക്കാ​ർ വ്യ​ക്ത​മാ​ക്കി​യി​രു​ന്നു.​ തീ​വ്ര​വ ല​തു​പ​ക്ഷ നി​ല​പാ​ടു​ക​ൾ പു​ല​ർ​ത്തു​ന്ന ഓ​ൾ​ട്ട​ർ​നേ​റ്റീ​വ് ഫോ​ർ ജ​ർ​മ​നി(​എ​എ​ഫ്ഡി) പാ​ർ​ട്ടി​യു​ടെ അം​ഗ​ങ്ങ​ൾ മാ​ത്ര​മാ​ണ് ഹാ​ക്കിം​ഗി​ൽ നി​ന്ന് ഒ​ഴി​വാ​ക്ക​പ്പെ​ട്ട​ത്.