പ​ണി​മു​ട​ക്ക് ദി​വ​സത്തെ ന​ഷ്ടം നികത്താൻ ചീട്ടുകളി; പ​ണം പ​ലി​ശ​യ്ക്ക്  നൽകുന്ന സം​ഘ​ത്തെ​ത്തേ​ടി പോ​ലീ​സ്

കൊ​ച്ചി: ബ്ലേ​ഡ് മാ​ഫി​യ​യെ തു​ര​ത്താ​നു​ള്ള ന​ട​പ​ടി​ക​ൾ പോ​ലീ​സ് ശ​ക്ത​മാ​ക്കു​ന്പോ​ഴും പു​തി​യ രൂ​പ​ത്തി​ലും ഭാ​വ​ത്തി​ലും ബ്ലേ​ഡു​കാ​ർ വീ​ണ്ടും രം​ഗ​ത്ത്. ചീ​ട്ടു​ക​ളി​ക്കു​പോ​ലും പ​ണം പ​ലി​ശ​യ്ക്കു ന​ൽ​കു​ന്ന ചി​ല സം​ഘം കൊ​ച്ചി​യി​ൽ ത​ല​പൊ​ക്കി​യ​താ​യാ​ണു പോ​ലീ​സ് ക​ണ്ടെ​ത്തി​യി​ട്ടു​ള്ള​ത്.

ഇ​വ​രെ പി​ടി​കൂ​ടാ​നു​ള്ള ന​ട​പ​ടി​ക​ൾ ആ​രം​ഭി​ച്ച​താ​യും വി​വ​ര​ങ്ങ​ൾ ശേ​ഖ​രി​ച്ചു​വ​രി​ക​യാ​ണെ​ന്നും അ​ധി​കൃ​ത​ർ പ​റ​ഞ്ഞു. മു​ച്ചീ​ട്ടു​ക​ളി വ്യാ​പ​ക​മാ​യ കൊ​ച്ചി​യു​ടെ വി​വി​ധ പ്ര​ദേ​ശ​ങ്ങ​ളി​ൽ പോ​ലീ​സ് ന​ട​ത്തി​യ റെ​യ്ഡി​ൽ ല​ക്ഷ​ങ്ങ​ൾ പി​ടി​ച്ചെ​ടു​ത്ത സം​ഭ​വ​ങ്ങ​ൾ ന​ട​ന്നി​ട്ടു​ണ്ട്. മു​ന്തി​യ വാ​ഹ​ന​ങ്ങ​ളും വീ​ടു​ക​ൾ​വ​രെ​യും പ​ന്ത​യം​വ​ച്ച് ചീ​ട്ടു​ക​ളി​ൽ ഏ​ർ​പ്പെ​ട്ട​വ​രും ഏ​റെ​യാ​യി​രു​ന്നു.

പോ​ലീ​സ് നി​രീ​ക്ഷ​ണം കൂ​ടി​യ​തോ​ടെ ഏ​താ​നും നാ​ളു​ക​ൾ​മു​ന്പു​വ​രെ ഇ​ത്ത​രം ചീ​ട്ടു​ക​ളി ഒ​രു പ​രി​ധി​വ​രെ കു​റ​ഞ്ഞി​രു​ന്നെ​ങ്കി​ലും നി​ല​വി​ൽ വ​ർ​ധി​ക്കു​ന്ന​താ​യും സൂ​ച​ന​യു​ണ്ട്. പോ​ലീ​സി​ന്‍റെ വ​ല​യി​ൽ അ​ക​പ്പെ​ടാ​തി​രി​ക്കാ​ൻ പ​ല മാ​ർ​ഗ​ങ്ങ​ളി​ലൂ​ടെ​യാ​ണ് ചീ​ട്ടു​ക​ളി സം​ഘ​ത്തി​ന്‍റെ പ്ര​വ​ർ​ത്ത​നം. ഇ​വ​ർ​ക്കു പ​ലി​ശ​യ്ക്ക് പ​ണം ന​ൽ​കു​ന്ന​വ​രാ​ക​ട്ടെ ഇ​വ​യ്ക്ക് മ​റ​പി​ടി​ക്കു​ക​യാ​ണ​ത്രേ. എ​ല്ലാ സൗ​ക​ര്യ​ങ്ങ​ളും ഒ​രു​ക്കി​കൊ​ടു​ക്കു​ന്ന സം​ഘ​വും സ​ജീ​വം.

പ​ണി​മു​ട​ക്ക്, ഹ​ർ​ത്താ​ൽ ദി​വ​സ​ങ്ങ​ളി​ൽ പ​ലി​ശ​യ്ക്കു പ​ണ​മെ​ടു​ത്ത് മു​ച്ചീ​ട്ട് ക​ളി​ച്ച അ​ഞ്ചം​ഗ സം​ഘം പി​ടി​യി​ലാ​യ​തോ​ടെ​യാ​ണ് ഇ​തു സം​ബ​ന്ധി​ച്ച് കൂ​ടു​ത​ൽ വി​വ​ര​ങ്ങ​ൾ പോ​ലീ​സി​നു ല​ഭി​ച്ച​ത്. കൊ​ച്ചി സി​റ്റി ഷാ​ഡോ പോ​ലീ​സി​ന്‍റെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ലാണ് അഞ്ചു പേരെ ചെ​ട്ടി​ച്ചി​റ ബി​വ​റേ​ജി​ന് സ​മീ​പ​ത്തു​ള്ള ര​ഹ​സ്യ​ത്താ​വ​ള​ത്തി​ൽ​നി​ന്നു പോ​ലീ​സ് പി​ടി​കൂ​ടി​യ​ത്.

ഇ​വ​രി​ൽ​നി​ന്ന് 31,000 രൂ​പ​യും ക​ണ്ടെ​ടു​ത്തു. ഹ​ർ​ത്താ​ൽ, പ​ണി​മു​ട​ക്ക് ദി​വ​സ​ങ്ങ​ളി​ൽ ന​ട​ത്ത​പ്പെ​ടു​ന്ന ഇ​ത്ത​രം ചീ​ട്ടു​ക​ളി​ക്ക് ആ​വ​ശ്യ​മാ​യ പ​ണം പ​ലി​ശ​യ്ക്കു ന​ൽ​കു​ന്ന സം​ഘ​വും ഇ​വ​ർ​ക്കി​ട​യി​ൽ സ​ജീ​വ​മാ​യി​രു​ന്നു. തി​ക​ച്ചും ദാ​രി​ദ്രാ​വ​സ്ഥ​യി​ലു​ള്ള, ദി​വ​സ​കൂ​ലി​ക്കാ​രാ​ണു പി​ടി​യി​ലാ​യ​ത്. തു​ട​ർ​ച്ച​യാ​യി ഉ​ണ്ടാ​യ ഹ​ർ​ത്താൽ, പ​ണി​മു​ട​ക്ക് ദി​വ​സ​ങ്ങ​ളി​ലു​ണ്ടാ​യ തൊ​ഴി​ൽ ന​ഷ്ടം മൂ​ല​മു​ള്ള സാ​ന്പ​ത്തി​ക ന​ഷ്ടം നി​ക​ത്താ​നാ​യി​രു​ന്നു ഇ​വ​രെ​ല്ലാം ത​ന്നെ പ​ലി​ശ​യ്ക്കു പ​ണ​മെ​ടു​ത്ത് ചീ​ട്ടു​ക​ളി​ക​ളി​ൽ ഏ​ർ​പ്പെ​ട്ട​തെ​ന്നാ​ണു അ​റി​യാ​ൻ ക​ഴി​ഞ്ഞ​തെ​ന്നു പോ​ലീ​സ് പ​റ​യു​ന്നു.

പി​ടി​യി​ലാ​യ​വ​ർ എ​ല്ലാം ത​ന്നെ യാ​തൊ​രു വി​ധ കേ​സു​ക​ളി​ലും ഉ​ൾ​പ്പെ​ട്ടി​ട്ടു​ള്ള​വ​ര​ല്ലെ​ന്നും തി​ക​ച്ചും സാ​ന്പ​ത്തി​ക ബു​ദ്ധി​മു​ട്ടേ​റി​യ ജീ​വി​താ​വ​സ്ഥ​യി​ൽ ഉ​ള്ള​വ​രു​മാ​ണെ​ന്നു ക്രൈം ​ഡി​റ്റാ​ച്ച്മെ​ന്‍റ് എ​സി​പി ബി​ജി ജോ​ർ​ജ് പ​റ​ഞ്ഞു. സാ​ധാ​ര​ണ​ക്കാ​രെ ച​തി​യി​ൽ​പ്പെ​ടു​ത്തി വി​ല​സു​ന്ന പ​ലി​ശ​യ്ക്കു പ​ണം ന​ൽ​കു​ന്ന​രെ എ​ത്ര​യും വേ​ഗം പി​ടി​കൂ​ടാ​നു​ള്ള ന​ട​പ​ടി​ക​ൾ ആ​രം​ഭി​ച്ചു​ക​ഴി​ഞ്ഞ​താ​യും അ​ധി​കൃ​ത​ർ പ​റ​ഞ്ഞു.