വൈക്കം: പത്താം ക്ലാസുകാരിയായ പെണ്‍കുട്ടിയേയും 15 കാരനായ ഒന്പതാം ക്ലാസുകാരനേയും കാണാതായതായി പരാതി. കോട്ടയം ജില്ലയിലെ ഒരു സ്കൂളിൽ പഠിക്കുന്ന വിദ്യാർഥിനിയേയും വിദ്യാർഥിനിയുടെ ബന്ധുവായകോട്ടയത്ത് ഒന്പതാം ക്ലാസിൽ പഠിക്കുന്ന 15കാരനേയുമാണ് ഇന്നലെ മുതൽ കാണാതായത്. ബന്ധുവായ വിദ്യാർഥി കഴിഞ്ഞ മൂന്നു ദിവസം പെണ്‍കുട്ടിയുടെ വീട്ടിലുണ്ടായിരുന്നു.
ഇന്നലെ രാവിലെ 10.30നു ആണ്‍കുട്ടി കോട്ടയത്തെ വീട്ടിലേക്കു പോകുകയാണെന്നു പറഞ്ഞു മടങ്ങി. പിന്നീട് 11നു പെണ്‍കുട്ടി തണ്ണീർമുക്കത്തെ ആശുപത്രിയിൽ ചികിത്സയിൽ കഴിയുന്ന കൂട്ടുകാരിയെ കാണാനാണെന്നു പറഞ്ഞു പോയി. ഇന്നലെ രാത്രിയായിട്ടും പെണ്‍കുട്ടി തിരിച്ചെത്താതിരുന്നതിനെ തുടർന്നു മാതാപിതാക്കൾ വൈക്കം പോലീസിൽ പരാതി നൽകി.
ഇന്നലെ വൈകുന്നേരം പെണ്കുട്ടിക്കൊപ്പം ആണ്‍കുട്ടിയെ വൈക്കം ബോട്ടുജെട്ടിക്കുസമീപം കണ്ടിരുന്നതായി വിവരം ലഭിച്ചെന്നും അന്വേഷണം നടന്നുവരികയാണെന്നും പോലീസ് അറിയിച്ചു.
