നെ​ല്ലി​നു കീ​ട​നാ​ശി​നി ത​ളി​ക്കു​ന്ന​തി​നി​ടെ ര​ണ്ടു​പേ​ർ മ​രി​ച്ച  സംഭവം; കൃഷി മന്ത്രി സുനിൽ കുമാർ ഇന്ന്  മരിച്ചവരുടെ വീട് സന്ദർശിക്കും;  പെരിങ്ങരയിൽ  കൃഷി ഓഫീസറെ നിയമിച്ചു

തി​രു​വ​ല്ല: നെ​ല്ലി​നു കീ​ട​നാ​ശി​നി ത​ളി​ക്കു​ന്ന​തി​നി​ടെ ര​ണ്ടു​പേ​ർ മ​രി​ച്ച വേ​ങ്ങ​ൽ പ്ര​ദേ​ശം മ​ന്ത്രി വി.​എ​സ്. സു​നി​ൽ കു​മാ​ർ ഇ​ന്നു സ​ന്ദ​ർ​ശി​ക്കും. ഉ​ച്ച​ക​ഴി​ഞ്ഞ് തി​രു​വ​ല്ല​യി​ലെ​ത്തു​ന്ന മ​ന്ത്രി കൃ​ഷി വ​കു​പ്പു​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തും. തു​ട​ർ​ന്ന് മ​രി​ച്ച​വ​രു​ടെ വീ​ടു​ക​ൾ സ​ന്ദ​ർ​ശി​ക്കും. അ​പ്പ​ർ​കു​ട്ട​നാ​ട്ടി​ലെ സാ​ഹ​ച​ര്യ​ങ്ങ​ളും കാ​ർ​ഷി​ക​പ്ര​ശ്ന​ങ്ങ​ളും മ​ന്ത്രി​യെ ധ​രി​പ്പി​ക്കു​മെ​ന്ന് പാ​ട​ശേ​ഖ​ര​സ​മി​തി ഭാ​ര​വാ​ഹി​ക​ൾ പ​റ​ഞ്ഞു.

ഇ​തി​നി​ടെ ഒ​ഴി​ഞ്ഞു​കി​ട​ന്ന പെ​രി​ങ്ങ​ര കൃ​ഷി ഓ​ഫീ​സ​റു​ടെ ത​സ്തി​ക​യി​ൽ ആ​ളെ​ത്തി. കൊ​ല്ലം ജി​ല്ല​യി​ൽ നി​ന്നു​ള്ള ര​ശ്മി ജ​യ​രാ​ജി​നെ​യാ​ണ് പെ​രി​ങ്ങ​ര കൃ​ഷി ഓ​ഫീ​സ​റാ​യി നി​യ​മി​ച്ച​ത്. ഇ​വ​ർ ക​ഴി​ഞ്ഞ​ദി​വ​സം ചു​മ​ത​ല​യേ​റ്റു. അ​ത്യാ​ഹി​ത​മു​ണ്ടാ​യ വേ​ങ്ങ​ൽ പാ​ട​ശേ​ഖ​രം പെ​രി​ങ്ങ​ര കൃ​ഷി ഓ​ഫീ​സ​റു​ടെ പ​രി​ധി​യി​ലാ​ണ്.

അ​ത്യാ​ഹി​തം ഉ​ണ്ടാ​കു​ന്പോ​ൾ പെ​രി​ങ്ങ​ര​യി​ൽ കൃ​ഷി ഓ​ഫീ​സ​ർ ഇ​ല്ലാ​തി​രു​ന്ന​ത് ആ​ക്ഷേ​പ​ങ്ങ​ൾ​ക്കു കാ​ര​ണ​മാ​യി​രു​ന്നു. 3000 ഏ​ക്ക​റോ​ളം പാ​ട​ശേ​ഖ​ര​മു​ള്ള പെ​രി​ങ്ങ​ര​യി​ൽ നെ​ൽ​കൃ​ഷി​യാ​ണ് പ്ര​ധാ​ന​മാ​യു​ള്ള​ത്. തി​രു​വ​ല്ല താ​ലൂ​ക്കി​ലെ നി​ര​ണം, ക​വി​യൂ​ർ കൃ​ഷി ഓ​ഫീ​സു​ക​ളി​ലും ഓ​ഫീ​സ​ർ​മാ​രി​ല്ലാ​ത്ത സ്ഥി​തി​യാ​ണ്.

വേ​ങ്ങ​ലി​ൽ കീ​ട​നാ​ശി​നി ത​ളി​ക്കു​ന്ന​തി​നി​ടെ ക​ർ​ഷ​ക​ത്തൊ​ഴി​ലാ​ളി​ക​ൾ​ക്ക് അ​സ്വ​സ്ഥ​ത​യു​ണ്ടാ​യ സം​ഭ​വ​ത്തേ തു​ട​ർ​ന്ന് കൃ​ഷി​വ​കു​പ്പ് അ​ന്വേ​ഷ​ണം പൂ​ർ​ത്തി​യാ​യി​ട്ടു​ണ്ട്. നെ​ല്ലി​ന് ത​ളി​ക്കാ​ൻ അ​നു​വാ​ദ​മി​ല്ലാ​ത്ത കീ​ട​നാ​ശി​നി​യാ​ണ് ത​ളി​ച്ച​തെ​ന്നു വ്യ​ക്ത​മാ​യി.