ന്യൂഡൽഹി: ഐഎസ്എലിൽ കേരള ബ്ലാസ്റ്റേഴ്സിനു വീണ്ടും തോൽവി. എവേ പോരാട്ടത്തിൽ ബ്ലാസ്റ്റേഴ്സ് ഡൽഹി ഡൈനാമോസിനോട് 2-0ന് പരാജയപ്പെട്ടു. 28-ാം മിനിറ്റിൽ ജിയാനി സ്യൂയ് വെർലോണിലൂടെ മുന്നിൽ കടന്ന ഡൈനാമോസ് ഇഞ്ചുറി ടൈമിൽ ലഭിച്ച പെനൽറ്റി ലക്ഷ്യത്തിലാക്കി വിജയമാർജിൻ വർധിപ്പിച്ചു.
റെനെ മിഖെലിക്കായിരുന്നു (90+4-ാം മിനിറ്റ്) പെനൽറ്റി ഗോൾ നേടിയത്. സീസണിൽ ബ്ലാസ്റ്റേഴ്സിന്‍റെ ആറാം തോൽവിയാണ്. ഇതുവരെ ഒരു ജയം മാത്രം നേടാനേ കേരള സംഘത്തിനു സാധിച്ചിട്ടുള്ളൂ.
14 മത്സരത്തിൽ 10 പോയിന്റുമായി ബ്ലാസ്റ്റേഴ്സ് ഒന്പതാം സ്ഥാനത്താണ്. 10 പോയിന്റോടെ ഡൽഹി എട്ടിലേക്കെത്തി. 30 പോയിന്റുള്ള ബംഗളൂരു എഫ്സിയാണ് ലീഗിന്‍റെ തലപ്പത്ത്.
