കോവളം: ബന്ധുക്കളോടൊപ്പം ബീച്ച് കാണാനെത്തിയ പെൺകുട്ടികളെ കാണാതായത് വീട്ടുകാരെ പരിഭ്രാന്തരാക്കി. കോട്ടയം ചിങ്ങവനം സ്വദേശികളെയാണ് കഴിഞ്ഞദിവസം വൈകുന്നേരം അഞ്ചിന് കോവളം ലൈറ്റ് ഹൗസ് ബീച്ചിൽ നിന്നും കാണാതായത്. 50അംഗ സംഘത്തോടൊപ്പമാണ് ഇവർ കോവളം ബീച്ചിലെത്തിയത്.
പരിഭ്രാന്തരായബന്ധുക്കൾ വിവരം കോവളം പോലീസിനെ അറിയിച്ചു. പോലീസ് സിസി ടിവി ദൃശ്യങ്ങൾപരിശോധിച്ചപ്പോൾ പെൺകുട്ടികൾ കോവളം ജംഗ്ഷനിലൂടെ നടന്നുപോകുന്നതായിമനസിലാക്കി. തുടർന്ന് നടന്ന പരിശോധനയിൽ ഇരുവരേയും തിരുവനന്തപുരം റെയിൽവേസ്റ്റേഷനിൽ നിന്നും കണ്ടെത്തി. ബീച്ചിൽവച്ച് വീട്ടുകാരുമായിപിണങ്ങി തിരികെ വീട്ടിലേക്ക് പോകാൻ എത്തിയതാണെന്ന് ഇരുവരും പോലീസിമൊഴി നൽകി.
